Maatteeo 5:9 - ꞌBuuk cĩ Thõõth cĩ Nyekuci

⁹ ꞌGattan hĩ eet ꞌcĩg aꞌnyaha ganõn, aũ hatĩ eeta ĩhõõggõ anneek, lõhõlĩ cĩg Nyekuci!

Maatteeo 5:9 ပူးပေါင်းရင်းမြစ်များ

Maatteeo 5:45

ꞌGõõlaa nĩĩca, adticaniinnu hatĩ hĩ lohollia cĩg Maaꞌnyu cunuung ꞌcĩ aaĩ hẽẽtahujjieen. Hĩnĩngĩtĩ aaꞌnyĩk nẽẽ kõr haara eetinii ꞌcĩg abũnnaa hĩ ĩcĩg abathĩ nẽ ĩꞌthõõak tammu eet ꞌcĩg adĩman thooꞌthiok ꞌcĩg aũlanĩ hĩ ꞌcĩg adĩman thooꞌthiok ꞌcĩg hõllõngaa aũlanĩ.

Maatteeo 5:48

Aanytĩk bũnnai cunuung hĩĩ maka, haau hĩcĩ Baangeet cunuung ꞌcĩ aaĩ hẽẽtahujjieen.”

ꞌLuuka 20:36

nẽ iittiõõ hatĩ nẽẽg hõllõngaa adaahĩ, hĩnĩngĩtĩ aauto hĩ aajĩlẽẽta. Ĩĩtõ hatĩ nẽẽg lõhõlĩ cĩg Nyekuci, hĩnĩngĩtĩ ĩĩtõ nẽẽg lõhõlĩ ꞌcĩg ũrũgta daahĩtha.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Dtiicanĩ cĩg ꞌThooyyiahu 7:26

Ma kõr ꞌcĩ ꞌrĩĩng, ikia udtuuha Mũũꞌtha eet cĩg Ĩꞌthĩraẽlĩ ꞌramma ꞌcĩg aruhõõ ẽmmẽn. Nĩngĩtĩ attĩmanĩ ngaatĩ aganĩthĩ ĩhõõggõ annẽẽkĩ, ‘Lõggõõ, iiginnu niig vẽlẽk eet cĩg Ĩꞌthĩraẽlĩ. Aruhoonnu occa gõõng ẽmmẽn inni?’

ꞌRooma 12:18

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk.

ꞌRooma 8:14

hĩnĩngĩtĩ eeta ꞌcĩg ũũha Lorii ꞌcĩ Nyekuci, ĩĩn nẽẽg lõhõlĩ cĩg Nyekuci.

ꞌRooma 8:16

Aaꞌnyeet Lorii cĩ Nyekuci hagaac dĩdĩ hĩĩtõ, hĩĩgĩn naag lõhõlĩ cĩg Nyekuci.

ꞌRooma 8:19

Abũraneek hẽlẽggĩ vẽlẽk baag ẽhẽnyta Nyekuci kõr ꞌcĩ hatĩ ẽbẽraanĩ Nyekuci eet cĩgĩnnĩg.

1 Korinthia 6:6

Inni hũũhĩ eet umwaa hõrggẽẽnaa cunuung ꞌgõõnĩ ꞌcĩ ĩĩn lemmioohit lokihooa cĩ eet ꞌcĩg hõllõngaa ĩĩn lemmiook ko?

2 Korinthia 13:11

Dtuurnattaa caannĩ, ꞌgotoonoga hĩ ngoonoga, ĩlaallẽ, hũũha naana. Aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga, ĩthĩhĩt ĩlaali caannĩ, aꞌnyahit muhẽẽnĩt hõdẽẽthõng, aaut niig vẽlẽk lõꞌngõõc. Nẽ hatĩ au ganõnĩ cĩ Nyekuci hĩ mĩnnan cĩnnĩ hĩ ngagiita.

2 Korinthia 5:20

Hĩĩtõ naag ꞌthooyyiak cĩg Krĩstõ nẽ alauung Nyekuci ngagiit aĩ, ĩthĩhĩt nyeemuut cĩnnĩ ꞌcĩ ĩĩn ngeju ho. Hõthõõꞌtha naag nyeemuut cĩ Krĩstõ nẽ dĩdĩ hadiimmuung naag ngagiit agayyio hĩ Nyekuc.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

Eevvetho 4:1

Halayyuung naa ngagiit baabutheeniti cĩ Makayyiookto, aaut ꞌgõõlaa ꞌcĩ abũnnaa hĩ baa ẽbẽraauung Nyekuci ngagiit ĩĩtõ eet cĩgĩnnĩg.

Pilippi 4:2

Niig Euodia hĩ Thĩntice, ĩĩgĩnnu niig eet cĩg Makayyiooktak, halayyuung ibilli thõõth cunuung ꞌcĩ ẽppẽhanoonnu ho.

Kolooꞌthe 3:13

Adanganit ꞌgoonogu ꞌcĩg adĩmannuung ngagiit ꞌbuth nẽ atamaattihu ĩhõõggõ hĩ baa ammaannikuung Makayyioohiti ngagiita.

Ebereei 12:14

Ĩttĩmanit gẽrrẽẽt ngaatĩ aattiyyu lõꞌngõõc hĩ eet vẽlẽk! Aaut rũgẽtaa ꞌcĩ tẽllĩ. Ma hõllõngaa adĩmannu noho, aitiõõ hatĩ hõllõngaa acinnu Makayyioohit.