Maatteeo 5:7 - ꞌBuuk cĩ Thõõth cĩ Nyekuci

⁷ ꞌGattan hĩ eet ꞌcĩg ammaannĩk ꞌgõõnõgĩ, ammaannĩk hatĩ Nyekuci ĩhõõggõ buúk!

Maatteeo 5:7 ပူးပေါင်းရင်းမြစ်များ

Maarko 11:25

Nẽẽthĩ má alaiinnu, atamaattik nõõ eet ꞌcĩg adĩmannuung ngagiit ꞌbuth, hátĩ hatamaatihuung Maaꞌnyu ꞌcĩ aaĩ hẽẽtahujjieen ngagiit buúk, hĩnĩngĩtĩ ꞌthẽccanẽẽt cugguung.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

ꞌRooma 11:30

Baa gõõng aburru niig eeta ꞌcĩg hõllõngaa iiginnu ꞌJudeei Nyekuc nẽ ꞌyioko, atamaatihuung nẽẽ ngagiit hĩnĩngĩtĩ ũtũbũrĩt eeta cĩg Ĩꞌthĩraẽlĩ ĩnõõnnõ,

1 Korinthia 7:25

Ẽrẽka thõõth umwaa ꞌcĩ õthõõth Makayyioohiti, hĩnĩngĩtĩ eet ꞌcĩg nga hũꞌthũwattõõ. Nẽẽthĩ, occa haduhaakuung naa ngagiit thõõth ꞌcĩ hammuhi naana. Nẽ occa elemmu thõõth ꞌcĩ haduha naa ho, hĩnĩngĩtĩ ammaannĩkaa Makayyioohiti nganĩĩta.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

Eevvetho 4:32

Nẽẽthĩ hinnianĩ, ĩĩtõ tarbalĩg nẽ atamaattihu ꞌgoonogu, hĩ baa ammaannikuung Nyekuci ngagiit, hĩnĩngĩtĩ Krĩstõ.

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.

1 Timotteeo 1:16

Nẽẽthĩ hinnia, baa aalla Nyekuci ammaannĩkaa nganĩĩt ꞌthẽccannioohit ꞌcĩ habathi noho, aĩ hátĩ hẽtẽrẽth eet ngaatĩ ẽmmẽẽꞌthĩ Yeesu Krĩstõ thooꞌthiok ooo nẽ iita elemit eeta ĩnõõnnõ, hátĩ hummuddia rũgẽt ꞌcĩ aalla ooo.

Ebereei 4:16

Hõõt naag vẽlẽk dtaaba cĩ bulẽẽttõ cũrũmũũm, hátĩ hummuddia tamaati hĩ bũnnai ꞌcĩ eelleet nẽẽ ngagĩĩt, hatĩ hadiim eliinit.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.