Maatteeo 4:4 - ꞌBuuk cĩ Thõõth cĩ Nyekuci

⁴ Ẽdẽcĩ Yeesu anneek, “Eheeddi ꞌBuuhaa cĩ Nyekuci aĩ, ‘Aitiõõ ẽẽtĩ hõllõngaa arũgĩ ꞌgẽẽna diooni. Arũgĩ nẽẽ hĩnĩngĩtĩ thooꞌthiok vẽlẽk ꞌcĩg aduha Nyekuci.’ ”

Maatteeo 4:4 ပူးပေါင်းရင်းမြစ်များ

Luugithõõ 16:15

Ma baa ma adtuuha eeta cĩg Ĩꞌthĩraẽlĩ ho, othoothito nyaagwaana ĩĩtõ, “Ne occa gõõng nicciee?” Hĩnĩngĩtĩ baa hõllõngaa aga nẽẽg ꞌgii tĩho. Ma ho, ĩĩnnĩk Mũũꞌtha ĩhõõggõ, “Ĩĩn cieeg ũbũnẽẽt ꞌcĩg aaꞌnyuung Makayyioohiti ngagiit uduhit.

Luugithõõ 16:35

Baa aduk eeta cĩg Ĩꞌthĩraẽlĩ manna irkiꞌnyia hẽẽn ꞌwec ĩꞌthõng hõdõlanit looc ꞌcĩ õõ õlõman nẽẽg ko, aduk nẽẽg manna ĩꞌthõng hiita hõdõlanit lõkõõrĩ cĩ looc cĩ Kanaanĩ.

Luugithõõ 16:8

Nẽ tarĩ ĩĩ Mũũꞌtha, “Agayyu hatĩ niig ĩko baa ꞌthẽk Makayyioohit dĩdĩ ꞌcĩ aaꞌnyuung ngagiit iding ꞌcĩ adaku ꞌjiaat hĩ ũbũnẽẽt vẽlẽk ꞌcĩg adiimmu niig ngerrenita, hĩnĩngĩtĩ ĩthĩk nẽẽ ngoongoi ꞌcĩ ongoongoeeku niig ĩnõõnnõ ho. Ngagĩĩt ꞌyioko ꞌthẽk hĩ nganĩ? Hõllõngaa ongoongoeekeetu niig ngagĩĩta, nẽẽthĩ hinnia, ongoongoeeku niig Makayyioohit.”

Luugithõõ 23:15

“Adahit nõõ Karrama cĩ Ũbũnẽẽt ꞌcĩg aitiõõ Abũũlana tõõ. Uduhit ũbũnẽẽt ꞌcĩg nga harrihoothĩk abũũlana waathinnioohĩĩ ꞌcĩg ĩĩn tũrkĩramma, hĩ baa haduhaakuung naa ngagiita. Adahit karrama icci korrioohĩĩ ꞌcĩg eberriaa nyĩlõõhaa cĩ Abiibi, hĩnĩngĩtĩ ĩĩn kõr baa aluugannu niig Ijjiba niccia. “Aitiõõ ẽẽtĩ ꞌcĩ occa aku uppwaanna muumaa caannĩ haaga, hiꞌthihi ꞌbaninit tõõ.

Maatteeo 15:11

ꞌgii ꞌcĩ aduhun ũtũũgaa cĩ eeto, hõllõngaa aaꞌnyĩk ĩnõõnnõ hĩĩ ‘ꞌriiring,’ nẽ thõõth ꞌcĩ aduha ẽẽtĩ ũtũũgaa cĩnnĩ, ĩĩn ꞌgii ꞌcĩ aaꞌnyĩk ĩnõõnnõ hĩĩ ‘ꞌriiring,’ ko niccia.”

Maatteeo 4:10

Ẽdẽcĩ Yeesu anneek, “Maꞌnyanĩ ngaatĩ haayyi naana ꞌThĩttaan! Eheeddi ꞌBuuhaa cĩ Nyekuci aĩ, ‘Buluth Nyekuc Makayyioohit cunni nẽ idticanoothihuu ĩnõõnnõ diooni.’ ”

Maatteeo 4:7

Ẽdẽcĩ Yeesu anneek, “Eheeddi ꞌBuuhaa cĩ Nyekuci buúk aĩ, ‘Ma hattĩmani Nyekuc Makayyioohit cunni!’ ”

Maarko 7:20

Nẽ aalla õthõõth Yeesu noho aĩ, “Thõõth ꞌcĩ aduha ẽẽtĩ, ꞌcĩ aaꞌnyĩk ĩnõõnnõ hĩĩ ‘ꞌriiring’ ko.

ꞌLuuka 4:12

Ẽdẽcĩ Yeesu ĩnõõnnõ anneek, “Aĩ ꞌBuuhi cĩ Nyekuci, ‘Ma hattĩmani Makayyioohit Nyekuc cunni.’ ”

ꞌLuuka 4:4

Ẽdẽcĩ Yeesu ĩnõõnnõ anneek, “Aitiõõ! Eheeddi ꞌBuuhaa cĩ Nyekuci aĩ, ‘Aitiõõ ẽẽtĩ hõllõngaa arũgĩ, hĩnĩngĩtĩ ꞌgẽẽn dioo.’ ”

ꞌLuuka 4:8

Ẽdẽcĩ hinnia Yeesu anneek, “Eheeddi ꞌBuuhaa cĩ Nyekuci aĩ, ‘Dĩhĩth Nyekuc Makayyioohit cunni nẽ idticanoothihuu ĩnõõnnõ diooni.’ ”

Yõaannẽ 15:26

“Ma ikia Tilooyyiohiti ꞌcĩ hatĩ hĩꞌthõõakuung naa hĩ Baaba, Lori ꞌcĩ Thõõth ꞌcĩ ĩĩn dĩdĩ ꞌcĩ aku hĩ Baaba, aku hatĩ etereꞌthuung ngagiit thõõth caannĩ.

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

ꞌRooma 15:4

Hĩnĩngĩtĩ hẽlẽggĩ baag eteheeddi loota ꞌBuuhaa cĩ Nyekuci baa hũnũũk, baa eheeddi hillimatteet ngagĩĩt temeethi hĩ ngaatĩ akũtanneet ngagĩĩt, hátĩ haꞌnyahit muhẽẽnĩt ꞌcĩ abũnnaa.

Eevvetho 6:17

Aanytĩk ꞌtirrian cĩ Nyekuci ꞌcĩ ẽẽlanneet ngagĩĩt, haau hĩ tẽmẽdẽhĩ ꞌcĩ ĩĩn naꞌngaala nẽ aanytĩhu nyeemuut cĩ Nyekuci ꞌcĩ aku hĩ Lori cĩnnĩ, haau hĩ nyetuboota.