Maatteeo 3:7 - ꞌBuuk cĩ Thõõth cĩ Nyekuci

⁷ Ma baa acĩn Yõaannẽ Variꞌtheei hĩ Thadutheei ꞌcĩg mẽẽlĩg ngaatĩ au aggamĩ baattithimo ho, ikia eggerenyeek ĩhõõggõ ĩĩnnĩk, “Niig eeta ꞌcĩg abaꞌthu aaut hĩ hũkaaꞌnya ho, nganĩ ꞌcĩ aduhaakuung ngagiit aĩ, iita baattithimooa, hátĩ iliittia ukẽẽnĩt ꞌcĩ hatĩ aku ho?

Maatteeo 3:7 ပူးပေါင်းရင်းမြစ်များ

ꞌThianaattõ 3:15

Haaꞌnyuung hatĩ naa ĩĩtõ mĩrõk hĩ ngaa ĩꞌthõng ittirriaak lõhõlĩ cugguung. Õhõdaanni hatĩ ngeerĩnĩ nganiit õõ nẽ etengeduu nii ĩnõõnnõ tiitinyooc cĩnnĩ.”

Maatteeo 12:24

Ma baa athĩhĩ Variꞌtheei thõõth icci ho, iita ĩĩtõ, “ꞌBeelthebub makayyioohit cĩ loriẽẽt ꞌcĩg abathĩ, ꞌcĩ aaꞌnyĩk eet icci hitiggia loriẽẽt ꞌcĩg abathĩ ho.”

Maatteeo 12:34

Niig cĩg abaꞌthu dtẽc aaut hĩ hũkaaꞌnya ho, occa gõõng aduhaannu niig thõõth ꞌcĩ abũnnaa hutuno? Hĩnĩngĩtĩ ꞌgii ꞌcĩ aduhaannu niiga, ẽtẽrꞌtha ꞌgii ꞌcĩ aaĩ ꞌthinneetinii cugguung.

Maatteeo 15:12

Nẽ iita ijinit nuyyiooha cĩgĩnnĩg ĩnõõnnõ ĩĩttĩk, “Aga nii ngaatĩ õdõõmĩ Variꞌtheei thõõthaa ĩĩaa aduha niina?”

Maatteeo 16:1

Ma ho, ummuddiaak Variꞌtheei hĩ Thadutheei Yeesu nẽ idiimito ĩttĩmanit ĩnõõnnõ ngaatĩ ajini thõõth ꞌcĩ ĩnaat eeta ꞌcĩ aku hẽẽtahujjieen.

Maatteeo 16:6

Nẽ itilo Yeesu ĩhõõggõ ĩĩnnĩk, “Ĩcĩnĩt abũũla cĩg Variꞌtheei hĩ cĩg Thadutheei jurrung.”

Maatteeo 22:15

Ma nĩngaata, ulutti Variꞌtheei, õõt ũkũmatteek ꞌgõõl ꞌcĩ hatĩ aggamĩ Yeesu thooꞌthiohĩĩ cĩgĩnnĩg.

Maatteeo 22:23

Baa hõllõngaa ẽlẽmĩ Thadutheei ngaatĩ occa arũgnaanĩ eeta urutaa cĩ daahĩthõõ tarĩ. Ma kõr niccia noho, iita ijinit nẽẽg Yeesu ĩĩttĩk,

Maatteeo 22:34

Ma athĩhĩ Variꞌtheei ngaatĩ anyamũtanaanĩ Yeesu Thadutheei ho, iita ũrũmĩt nẽẽg eleeti cĩggĩĩng.

Maatteeo 23:33

“Niig lohollia cĩg hũkaaꞌnyanu ho! Alĩĩtannu hatĩ niig ukẽẽnĩt cĩ ꞌgwoo ꞌcĩ aalla ũdũt hutuno?

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

Maarko 12:13

Ma baa uruta, iita ĩꞌthõõcõ makayyiooha Variꞌtheei ũgĩ hĩ eet ũgĩ ꞌcĩg ĩĩn lothippit cĩ habu Ẽrõõdẽ hõõt hotogollieek Yeesu, thooꞌthiohĩĩ ꞌcĩg õthõõth nẽẽnĩ.

Maarko 12:18

Baa õõ ajin Thadutheei ũgẽẽgĩ ꞌcĩg ẽppẽhan aĩ hõllõngaa arũgna eeta daahĩtha Yeesu anneek,

Maarko 8:15

Ma nĩngaata, uduhaak Yeesu ĩhõõggõ ĩĩnnĩk, “Ĩcĩnĩt jurrung nẽ aaut dĩkĩĩm, ĩĩtõ ꞌrẽẽttĩg hĩ abũũla cĩg Variꞌtheei hĩ cĩg Ẽrõõdẽ.”

ꞌLuuka 16:14

Ma baa athĩhĩ Variꞌtheei thõõth icci ho, iita atararri nẽẽg Yeesu ꞌbuth, hĩnĩngĩtĩ ĩĩn nẽẽg eet ꞌcĩg ammĩnan ꞌrabbẽẽta.

ꞌLuuka 18:11

Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.

ꞌLuuka 7:30

Baa hinnia abũrĩ Variꞌtheei hĩ ꞌlimmanniook cĩg nyattaalak thõõth cĩ Nyekuci, hĩnĩngĩtĩ baa nga haggameek Yõaannẽ ĩhõõggõ baattithimo.

Yõaannẽ 1:24

Baa ĩꞌthooyyi Variꞌtheei ũgẽẽgĩ hõõt hĩ Yõaannẽ,

Yõaannẽ 8:44

Ĩĩgĩnnu niig lõhõlĩ ꞌcĩg habu cĩ loriẽẽt ꞌcĩg abathĩ nẽ adĩmannu thooꞌthiok ꞌcĩg adiim lorii ꞌcĩ abathĩ ho. Baa ĩĩn nẽẽ eet ꞌcĩ aruk eet baarkit nẽ hõllõngaa aduha thõõth ꞌcĩ ĩĩn dĩdĩ, hĩnĩngĩtĩ nga huduha nẽẽ thõõth ꞌcĩ ĩĩn dĩdĩ. Ma õõlõng lorii ꞌcĩ abathĩ, gõõng nyattal cĩnnĩ niccia, hĩnĩngĩtĩ ĩĩn nẽẽ oloꞌngiaahit ꞌcĩ ĩĩn baattĩ olongo.

Yõaannẽ 9:40

Ma baa athĩhĩ Variꞌtheei ꞌcĩg baag abĩlĩ nĩngaata thõõth icci ho, iita ijinit nẽẽg Yeesu ĩĩttĩk, “Ma naag, hĩĩgĩnna naag buúk rubettĩg?”

Dtiicanĩ cĩg ꞌThooyyiahu 15:5

Nẽẽthĩ, baa iita ĩĩtõ Variꞌtheei ũgẽẽgĩ nuyyiook cĩg Makayyiooktak. Ma nĩngaata, ĩtĩngaacõ nẽ ĩĩtõ, “Eeta ꞌcĩg hõllõngaa ĩĩn ꞌJudeei ꞌcĩg ẽlẽmĩ Makayyioohit, aꞌnyĩĩk hetteeddi eleeti hũnnẽẽcõ nyattal cĩ Mũũꞌtha.”

Dtiicanĩ cĩg ꞌThooyyiahu 20:31

Hõlõ, ebehit eleeti jurrung! Ummuhuttooth nõõ ngaatĩ hirrioonĩkuung naa ngagiit hõdẽĩ hõdẽĩ irkiꞌnyia iyyio baalin hĩ waathĩn tilaalõnĩ.

Dtiicanĩ cĩg ꞌThooyyiahu 26:5

Má occa ẽlẽmĩ nẽẽgĩ, aga nẽẽg aĩ, baa hĩĩnĩ naa eet cĩ lothippit cĩ Variꞌtheei, lothippit ꞌcĩ arrĩcana thõõth cĩnaac cĩ Nyekuci gẽrrẽẽt.

Dtiicanĩ cĩg ꞌThooyyiahu 5:17

Ma baa ho, iita iinanit paadĩrĩ cobbi hĩ Thadutheei dtiic ꞌcĩ adtican ꞌthooyyiaha ho.

ꞌRooma 1:18

Ẽtẽrꞌtha Nyekuci liilii cĩnnĩ hẽẽtahujjieen, ꞌcĩ aꞌnyaheek nẽẽ eet vẽlẽk ꞌcĩg ĩĩn ꞌthẽccanniook, ꞌcĩg ammũt thõõth ꞌcĩ ĩĩn dĩdĩ ꞌthẽccanẽẽtĩĩ cĩggĩĩng,

ꞌRooma 5:9

Nẽẽthĩ ꞌyioko, hĩ baa elemeet Nyekuci ngagĩĩt, hĩnĩngĩtĩ biyyi cĩg Krĩstõ, ĩĩn occa hatĩ elliaanĩtĩ ꞌcĩ ẽẽlanneet Nyekuci lĩĩlĩẽẽttaa cĩnnĩ, hĩnĩngĩtĩ Krĩstõ hutuno!

1 Tẽꞌthaloonika 1:10

Nẽ athithan tarĩ eeta ꞌgõõl ꞌcĩ ereeyyu niig Ngeertĩ Nyekuci, ꞌcĩ hatĩ aku hẽẽtahujjieen, baa arũgtha Nyekuci daahĩtha, ĩnõõnnõ Yeesu ꞌcĩ hatĩ aku ẽẽlanneet ngagĩĩt lĩĩlĩẽẽttaa cĩ Nyekuci, kõr ꞌcĩ hatĩ aku ẽttẽẽdĩ nẽẽ thooꞌthiok cĩg eetuk, hatĩ kõr ꞌcĩ decciaanĩt cĩ lootu.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 6:18

Nẽẽthĩ, aaꞌnyeet Nyekuci thõõth ꞌcĩ aduha nẽẽ hĩ lõbũtĩ cĩnnĩ. Aalla thooꞌthioha ꞌcĩg ĩĩn ꞌramma ho ꞌgõõla hõdẽẽthõng hĩnĩngĩtĩ hõllõngaa occa ĩĩn thõõth ꞌcĩ aduha Nyekuci õlõng. Nẽẽthĩ, naag baag hõõ hũũk hutugunyeet Nyekuci ho, õkõmĩ ꞌthinneeti hĩnĩngĩtĩ hẽrẽ muhẽẽnĩt ꞌcĩ abũnnaa ꞌcĩ nga aayyiaa ĩĩcĩ oou.

1 Yõaannẽ 3:10

ꞌGõõl ꞌcĩ occa hagaĩ naag lõhõlĩ cĩg Nyekuci, hĩ lõhõlĩ cĩg habu cĩ loriẽẽt ꞌcĩg abathĩ cieeni. Ẽẽtĩ ꞌcĩ hõllõngaa adĩman thooꞌthiok ꞌcĩg aũlanĩ, hõllõngaa ĩĩn loholeec cĩ Nyekuci nẽ ẽẽtĩ ꞌcĩ hõllõngaa ammĩnan ꞌgõtõnĩ, hõllõngaa ĩĩn nẽẽ buúk loholeec cĩ Nyekuci.