Maatteeo 3:2 - ꞌBuuk cĩ Thõõth cĩ Nyekuci

² Baa irrioon nẽẽ nyeemuut ꞌcĩ aĩ, “Ũtũngteek ꞌthẽccanẽẽt cugguung nẽ oboddiaau hĩ Nyekuc, hĩnĩngĩtĩ aau habuccieet cĩnnĩ cĩ hẽẽtkujjieen ojoonu.”

Maatteeo 3:2 ပူးပေါင်းရင်းမြစ်များ

Maatteeo 10:7

Nẽ ma oottu, irrioonit nyeemuut ꞌcĩ aĩ, ‘Õbõhĩ habuccieet cĩ hẽẽtkujjieen aau ojoonu.’

Maatteeo 11:20

Nĩngĩtĩ aku alĩĩllĩkĩ Yeesu ꞌtaaũnniook baag adticanĩ nẽẽ thooꞌthiok ꞌcĩg ĩnaat eeta, hĩnĩngĩtĩ baa abũrĩ eeta ngaatĩ ũũnnĩkĩ ꞌthẽccanẽẽt cĩggĩĩng.

Maatteeo 12:41

Kõr ꞌcĩ decciaanĩt cĩ lootu, abĩlĩ hatĩ eeta cĩg Nineve nẽ etteeddihuung ngagiit thõõth. Hĩnĩngĩtĩ baa ẽlẽmĩ nẽẽg thõõth cĩ Nyekuci baa ũũnnĩk nẽẽg ꞌthẽccanẽẽt cĩggĩĩng ꞌrioonaa cĩ põrõvẽtaac Yõõna, nẽẽthĩ ꞌyioko, aaĩ ẽẽtĩ umwaa ꞌcĩ ĩllõõan Yõõna ngaati.

Maatteeo 13:11

Ẽdẽcĩ Yeesu anneek, “Baa illimanoothihuung ngagiit thõõth ꞌcĩ ammiꞌthi cĩ habuccieet cĩ hẽẽtkujjieen nẽ baa nga hillimanoothĩk ĩhõõggõ.

Maatteeo 13:24

Nĩngĩtĩ aduhaakĩ Yeesu ĩhõõggõ dtẽẽllẽn iccig awantoothĩk ko annẽẽkĩ, “Aaĩ habuccieet cĩ hẽẽtkujjieen hĩ thõõth ꞌcĩ athacĩ kattioohiti hinyomo ꞌcĩg abũnnaa manatõõ cĩnnĩ.

Maatteeo 13:31

Ma ho, uduhaak Yeesu ĩhõõggõ dtẽẽllẽn ũgĩ ꞌcĩg awantoothĩk tarĩ anneek, “Aaĩ habuccieet cĩ hẽẽtkujjieen hĩ hinyomooc ꞌcĩ dĩppĩlĩ ꞌcĩ õkõ athaceek ẽẽtĩ manatõõ cĩnnĩ.

Maatteeo 13:33

Nẽ uduhaak nẽẽ ĩhõõggõ dtẽẽllẽn ꞌcĩg awantoothĩk ũgĩ tarĩ ꞌcĩg aĩ, “Aaĩ habuccieet cĩ hẽẽtkujjieen hĩ abũũlana ꞌcĩg õꞌngõõtaneek ngaa umwaa tũkaanatõõ ꞌcĩ ĩĩn ũbũnĩ ĩꞌthõng huduu.”

Maatteeo 13:47

Ma baa kõr umwa tarĩ, õthõõth Yeesu ĩĩ, “Aaĩ habuccieet cĩ hẽẽtkujjieen hĩ nyelelewwa ꞌcĩ haggamĩ ulugo, ꞌcĩ adhuheek ẽẽtĩ bũlũcatõõ nẽ aggam ulugo ꞌgoolliok mẽẽlĩg ꞌrĩng.

Maatteeo 13:52

Nĩngĩtĩ aduhaakĩ Yeesu ĩhõõggõ annẽẽkĩ, “Nẽẽthĩ, ꞌlimmanniooha cĩg nyattal cĩ Mũũꞌtha ꞌcĩg baag etereꞌthioothĩk thooꞌthioha ꞌcĩg habuccieet cĩ hẽẽtkujjieen, aattĩg nẽẽg hĩ baattĩ ꞌcieethu ꞌcĩ attiha baliinit cĩnnĩ ꞌcĩ nga ĩĩn ngeju hĩ ꞌcĩ ũnũũk battaala ꞌcieethaa cĩ ijjioonnu.”

Maatteeo 18:23

“Nẽẽthĩ hoti ho, aaĩ habuccieet cĩ hẽẽtkujjieen hĩ habuui ꞌcĩ adiim dticcianniook cĩgĩnnĩg hũdũmatteek ĩnõõnnõ ꞌrabbẽẽt baag acuhana nẽẽg hĩ ĩnõõnnõ.

Maatteeo 20:1

Baa aduha Yeesu ꞌgõõl ꞌcĩ hatĩ aayyi habuccieet cĩ hẽẽtkujjieen aĩ, “Aaĩ habuccieet cĩ hẽẽtkujjieen hĩ baattĩ manu ꞌcĩ õkõ kõr umwa ngerrenita nẽ ũlũta eet hiita hakattio manaa cĩnnĩ ĩcĩ viinoo.

Maatteeo 22:2

“Aaĩ habuccieet cĩ hẽẽtkujjieen hĩ habuui ꞌcĩ akũmaneek karrama cĩ nyahũũta cĩ ngeerĩnĩ.

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 25:1

“Kõr niccia, aaĩ hatĩ habuccieet cĩ hẽẽtkujjieen hĩ thõõth ꞌcĩ baa ꞌjiaatĩn umwa, õõĩ buheeci õmmõtõ ꞌlõõmẽẽt cĩg ngõõrrak, hõõt homottio hĩ nyattaraan umwa nyahũũtaawa.

Maatteeo 25:14

“Nẽ tarĩ, aaĩ habuccieet cĩ hẽẽtkujjieen hĩ eet ꞌcĩ õkõ hẽẽrõna, ꞌcĩ baa aũ dticcianniook cĩgĩnnĩg nẽ ũtũngẽẽhĩ ijjio cĩgĩnnĩg ĩhõõggõ.

Maatteeo 4:17

Ngaanĩngĩtĩ kõr niccia, iꞌthianaaĩ Yeesu ngaatĩ irrioonĩkĩ eet annẽẽkĩ, “Ũtũngteek ꞌthẽccanẽẽt cugguung, hĩnĩngĩtĩ aau habuccieet cĩ hẽẽtkujjieen ojoonu.”

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maatteeo 5:10

ꞌGattan hĩ eet ꞌcĩg adĩman eeta ꞌbuth, hĩnĩngĩtĩ thõõth ꞌcĩ aũlanĩ, ĩĩn hatĩ habuccieet cĩ hẽẽtkujjieen cĩnĩĩng.

Maatteeo 5:3

“ꞌGattan hĩ eet ꞌcĩg appĩĩrna loriia, ĩĩn hatĩ habuccieet cĩ hẽẽtkujjieen cĩnĩĩng.

Maatteeo 6:10

hikia habuccieet cunnẽẽnĩ, hĩdĩmanĩ tabiiniti cunni loota hĩcĩ adĩmanni hẽẽtahujjieen.

Maatteeo 6:33

Nẽẽthĩ, hẽlẽggẽẽnnĩĩ cĩg vẽlẽk, idiimit nõõ habuccieet cĩ Nyekuci hĩ thõõth cĩnnĩ ꞌcĩ aũlan ĩĩcĩ oou. Nẽẽthĩ hatĩ aaꞌnyuung hẽlẽggĩ vẽlẽk ꞌcĩg adiimmu niiga.

Maarko 1:15

Baa õthõõth nẽẽ aĩ, “Õbõhĩ habuccieet cĩ Nyekuci aau ojoonu. Ũtũngteek ꞌthẽccanẽẽt cugguung nẽ elemtu nyeemuut ꞌcĩ abũnnaa!”

Maarko 1:4

Nĩngĩtĩ uppwaannanĩ Yõaannẽ Batitta horrwatõõ ꞌcĩ õdõhõhĩĩ kak nẽ ikia aggameek eet ꞌcĩg ũtũngteek ꞌthẽccanẽẽt cĩggĩĩng baattithimo, ĩnõõ ꞌcĩ hatĩ ũũnnĩkĩ Nyekuci ꞌthẽccanẽẽt cĩggĩĩng buúk.

Maarko 6:12

Ma ho, ĩtĩngaacõ ꞌthooyyiaha nẽ õõt illimanit eet ꞌgõõl ꞌcĩ ũũnnĩkĩ ꞌthẽccanẽẽt cĩggĩĩng,

ꞌLuuka 1:16

Irrioonĩk hatĩ nẽẽ eet ꞌcĩg mẽẽlĩg looccaa cĩ Ĩꞌthĩraẽlĩ hoboddia hĩ Makayyioohit Nyekuc cĩnĩĩng.

ꞌLuuka 11:20

Nẽẽthĩ, má hiiggia naa loriẽẽt ꞌcĩg abathĩ ꞌtirriaanaa cĩ Nyekuci, ĩko thĩ ikia habuccieet cĩ Nyekuci hĩ ngagiit ẽlẽk.

ꞌLuuka 13:3

Haduhaakuunga, má hõllõngaa uunniku niig ꞌgõõl cĩ ꞌthẽccanẽẽt cugguung, acuddiaannu hatĩ hĩĩ lõõcĩ ꞌthĩĩ!

ꞌLuuka 13:5

Huduhaahuung dĩdĩ, má hõllõngaa uunniku niig buúk ꞌgõõl cĩ ꞌthẽccanẽẽt cugguung, adaaknu hatĩ niig buúk hĩ nẽẽgĩ.”

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 15:7

“Haduhaakuunga, ꞌgõõlaa ꞌcĩ aaĩ hoti, aaĩ hatĩ taliiniti cobbi gẽrrẽẽt hẽẽtahujjieen, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌthẽccan cĩnnĩ, hĩllõõan eet hẽẽn tũrkũwwec hĩ tũrkũwwec ꞌcĩg abũnnaa ꞌcĩg iittiõõ hõllõngaa adiim tũngẽẽnĩt cĩ ꞌthẽccaneetu.”

ꞌLuuka 16:30

“Nĩngĩtĩ annẽẽkĩ ballioohiti Abũrahaamõ, ‘Aitiõõ hõllõngaa occa aaĩ nohotaa nyakangaan, hĩĩ ꞌcĩ õkõ aduhaakĩ ẽẽtĩ umwaa ꞌcĩ adaak ẽlẽk ĩhõõggõ, occa ũũnnĩk nẽẽg ꞌgõõl cĩ ꞌthẽccanẽẽt cĩggĩĩng.’

ꞌLuuka 21:31

Noho buúk, ma icittu ẽdẽẽnyta hẽlẽggĩ cieegi, agaac ngaatĩ õbõhõõĩ habuccieet cĩ Nyekuci.

ꞌLuuka 24:47

nẽ irrioonni hatĩ thõõth cĩ ũũnnõthõõthĩkĩ ꞌthẽccanẽẽta hĩ thõõth ꞌcĩ ammaannothoothĩkĩ eeta loonyini vẽlẽk ꞌthaarĩĩ cĩgĩnnĩg, iꞌthianaanĩ ꞌJeruꞌthalẽma.

ꞌLuuka 6:20

Nĩngĩtĩ akannĩ Yeesu nuyyiook cĩgĩnnĩg hẽbẽrĩ nẽ ĩĩnnĩk, “Aggatatteeu niig ꞌcĩg iiginnu hullaha ho, ĩĩn habuccieet cĩ Nyekuci cunuung.

ꞌLuuka 9:2

nẽ ĩꞌthõ ĩhõõggõ hõõt hillimatteek eet thõõth cĩ habuccieet cĩ Nyekuci nẽ aanytĩk ꞌcĩg õmmõõrĩ hũbũttaathõ.

Dtiicanĩ cĩg ꞌThooyyiahu 11:18

Ma baa athĩhĩ eeta ꞌcĩg etteeddi eleeti thõõth icci õthõõth Pẽẽtũrũ ho, iittiõõ hõllõngaa ẽppẽhanõõ nẽ iꞌthiattaaĩ ubuluthit Nyekuc. Baa aĩ nẽẽg, “Ikia aaꞌnyĩk Nyekuci eet ꞌcĩg hõllõngaa ĩĩn ꞌJudeei, hũtũngteek ꞌthẽccanẽẽt cĩggĩĩng nẽ aaꞌnyĩk ĩhõõggõ rũgẽt ꞌcĩ aalla ooo!”

Dtiicanĩ cĩg ꞌThooyyiahu 17:30

Baarkit, baa ũtũngeek Nyekuci ꞌgiithẽnĩt ꞌcĩ alaĩ eeta nyekuꞌnya ꞌcĩg hõllõngaa ĩĩn dĩdĩ, hĩnĩngĩtĩ baa hõllõngaa aga eeta thooꞌthiok ꞌcĩg baag adĩman nẽẽgĩ. Nẽẽthĩ ꞌyioko, uduhaak Nyekuci eet loonyini vẽlẽk hũtũngteek ꞌthẽccanẽẽt cĩggĩĩng.

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 20:21

Baa hilooti naa eet cĩg ꞌJudeei hĩ ꞌGirik helemit Nyekuc nẽ ũtũngteek ꞌthẽccan nẽ elemit Makayyioohit cĩnaac Yeesu.

Dtiicanĩ cĩg ꞌThooyyiahu 26:20

Baa nõõ hirrioonihi eet cĩg Damaathĩko nẽ baa hũũha ꞌJeruꞌthalẽma hĩ looccaa cĩ ꞌJudeea vẽlẽk. Nẽ dtuurnatta, hũũha thĩ hĩ eet ꞌcĩg hõllõngaa ĩĩn ꞌJudeei nẽ huduhaaha hũtũngteek ꞌthẽccan helemit Nyekuc nẽ etereꞌthia lemiinit hẽlẽggẽẽnnĩĩ ꞌcĩg adĩman nẽẽgĩ.

Dtiicanĩ cĩg ꞌThooyyiahu 3:19

Ũtũngteek ꞌthẽccanẽẽt nẽ elemtu Nyekuc, hátĩ hũtũngtoothĩk ꞌthẽccanẽẽta, hátĩ haaꞌnyuung Makayyioohiti ꞌyiomman,

2 Korinthia 7:10

Ma aaꞌnyuung ngagiit Nyekuci mothiinit gẽrrẽẽt, aĩ nẽẽ, hátĩ oboddiooth niig hĩ ĩnõõnnõ, hátĩ heellia eleeti cugguung, occa aitiõõ ꞌgii umwaa ꞌcĩ ommothiinnu niig tõõ, hĩnĩngĩtĩ thõõth icci. Nẽẽthĩ, ma aaꞌnyuung ngagiit lõõcĩ ciee mothiinit, aku hinnia aꞌnyahaakuung ngagiit daahĩth.

Kolooꞌthe 1:13

Ikia ẽẽlaeet Nyekuci ngagĩĩt habuccieetaa cĩ ꞌThĩttaanõ nẽ aꞌnyahaaeet habuccieetaa cĩ Ngeerĩnĩ ꞌcĩ ammĩnan nẽẽnĩ,

2 Timotteeo 2:25

Nẽ tarĩ, abũnnaa ĩĩn eet ꞌcĩ tarbalĩ buúk, hátĩ hẽtẽrẽth eet ꞌcĩg ẽppẽhanõõ hĩ ĩnõõnnõ. Horoong hatĩ ũũhũ Nyekuci eet niccig, hũtũngteek ꞌthẽccanẽẽt cĩggĩĩng nẽ elemit thõõth cĩnnĩ ꞌcĩ ĩĩn dĩdĩ,

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.

2 Pẽẽtũrũ 3:9

Hõllõngaa iidoceek Makayyioohiti ngaatĩ adĩmanĩ thõõth baa aduha nẽẽnĩ, hĩcĩ ammuk eeta ũgẽẽgĩ. Maka ꞌthĩnĩt cĩ Makayyiookto hĩ ngagiita, ngaatĩ hõllõngaa adiimi eet umwa hadaak, adiim nẽẽ eet vẽlẽk hũtũngteek ꞌthẽccanẽẽt cĩggĩĩng.

Terethiinit 2:21

Haaꞌnyĩha naa ĩnõõnnõ kõr ꞌcĩ ũũnnĩkĩ ꞌthẽccanẽẽt cĩgĩnnĩg ꞌcĩg adĩmani ꞌwaangĩꞌthẽẽt ko nẽ aitiõõ hinnia hõllõngaa adiim ũũnnĩk nẽẽ thooꞌthiok cĩgĩnnĩg ꞌcĩg ĩĩn ꞌriiring ko buúk.

Terethiinit 2:5

Ĩcĩnĩt nõõ, ĩĩ ꞌrẽẽn nĩngĩtĩ adhukiaannu niig gẽrrẽẽt! Oboddia hĩ nganĩĩta nẽ ĩdĩmattu thooꞌthiok baag adĩmannu baa ĩĩcĩ oou. Má hõllõngaa õbõdaannu, hakuu hatĩ hõkõõĩ ꞌthiihit cunuung ꞌcĩ aꞌnyak ꞌloomo ngaatĩ aayyi hataa nẽ hõbõdĩ.