4 Nẽ ĩĩ, “Hẽꞌthẽcana, hõhõppõõcana eet ꞌcĩ ammĩrĩ, nga hẽꞌthẽcan ꞌgiimwa ũdũt.” Ẽdẽcĩ nẽẽg aĩ, “Ne niccia hĩ ngagĩĩt? Ĩĩn niccia thõõth cunni ẽmmẽn.”
Ma baa baal, ikia ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk, “Ĩtĩngaac õõtõ! Ũtũngteek eet cĩgannĩg! Ootti eet cĩg Ĩꞌthĩraẽlĩ buúk. Õõt ubuluthit Makayyioohit hĩ baa adiimmu niiga.
Ma ho, ũtũvvũ habuui cĩ Ijjibi Mũũꞌtha hĩ Arõõnẽ nẽ ĩĩnnĩk ĩhõõggõ, “Hõlõ, hẽꞌthẽcana aattĩ naa kõr icci. Aũlan thõõth cĩ Makayyiookto nẽ hẽꞌthẽcatta naag hĩ eet cĩgannĩg.
Ma hoti ho, iita alaacõ nẽẽg Makayyioohit ĩĩttĩk, “Makayyioohit, ma haaꞌnyeet ngagĩĩt hadaakta, ngaatĩ haruka eet icci. Ma nuun haaꞌnyeet ngagĩĩt heteheellia daahĩth cĩ eet icci ammĩrĩ ho, hĩnĩngĩtĩ aku thõõth ciee hĩcĩ ꞌthẽk atabi niina.”
Ma baa nga iccioloongan Pĩlaatõ dtaabawa cĩnnĩ ĩcĩ habuẽẽꞌthĩtõõ, ikia ĩꞌthõõa ngaa cĩnnĩ nyeemuut ꞌcĩ aĩ, “Ma haddangaahi eet niccia ammĩrĩ hataa, hĩnĩngĩtĩ accanannaa nganĩĩt honoothi aabaal gẽrrẽẽt, hĩnĩngĩtĩ ĩnõõnnõ.”
Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”
Nĩngĩtĩ ajini Pĩlaatõ ĩhõõggõ hĩĩ tabattĩ iyyio annẽẽkĩ, “Inni? Ẽꞌthẽcan ẽẽtĩ ciee neegi? Aitiõõ ꞌgii umwaa ꞌcĩ hammũda naa ꞌcĩ ẽꞌthẽcan ẽẽtĩ ciee tõõ. Ma aaĩ noho, haaꞌnyihi hatĩ naa huuki nẽ alahanoothĩha.”
Aũlan ngaatĩ huukẽnĩ naag, hĩnĩngĩtĩ thooꞌthiok ꞌcĩg abathĩ ꞌcĩg hadĩman naaga, nẽẽthĩ, aꞌngaaꞌnyi ẽẽtĩ ciee haaga.”
Ma adtuuha ꞌgaalac cĩ ũũrũta thooꞌthiok iccig vẽlẽk ho, ĩdĩhĩth Nyekuc nẽ ĩĩ, “Occa ꞌthẽk baa ĩĩn ẽẽtĩ ciee eet ꞌcĩ abũnnaa.”
Baa ara eeta cĩg ꞌJudeei aĩ, “Haꞌnyaka naag nyattal nẽ nyattaalaa tĩho, adiim aruhi nẽẽ, hĩnĩngĩtĩ aĩ hĩĩnĩ Ngeertĩ Nyekuci.”
Tananga baa hõllõngaa ammũda nẽẽg ꞌgõõl ꞌcĩ aũlan ꞌcĩ ẽttẽẽdĩkĩ Yeesu daahĩth, iita uduktaak nẽẽg Pĩlaatõ huruk ĩnõõnnõ.
Nẽẽthĩ ꞌyioko, hagaacõ naag haĩ, ꞌgii vẽlẽk ꞌcĩ aduha nyattalĩ, aduhaak eet ꞌcĩg aattĩg nyattaalatõõ, hátĩ hiittiõõ ẽẽtĩ ꞌcĩ aĩ, nga haga Nyekuc tõõ nẽ ẽtẽrẽtha Nyekuci ngaatĩ ĩĩnnĩ eeta cĩg looc nicci vẽlẽk ꞌthẽccanniook.
Ĩggõõl hatĩ ĩhõõggõ oloꞌngiaaha ꞌcĩg ũtũbũrĩt thõõth cĩ Nyekuci nẽ iittiõõ ꞌthinneeti cĩggĩĩng hõllõngaa athĩhĩ thõõth cĩ Nyekuci.
Õõlõng eeta ꞌcĩg aattĩg noho ho aĩ, hagayya Nyekuc nẽ nẽẽ aduha thooꞌthioha ꞌcĩg adtican nẽẽg ko aĩ, hõllõngaa aga nẽẽg Nyekuc dĩdĩ. Aꞌnyak nẽẽg mẽdẽr ꞌthinneetinitõõ cĩggĩĩng hĩ thõõth ꞌcĩ abũrrĩ thõõth cĩ makayyioohu. Hõllõngaa occa adtican nẽẽg thõõth ꞌcĩ abũnnaa.
Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.
Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.
Ma haattiyyu hĩ Kaiino baa ĩĩn loholeec cĩ ꞌThĩttaanõ nẽ uruk ꞌgõtõnĩ. Aruk occa baa nẽẽ ꞌgõtõnĩ inni? Baa aruk nẽẽ ꞌgõtõnĩ, hĩnĩngĩtĩ baa adĩman nẽẽ thooꞌthiok ꞌcĩg abathĩ nẽ ĩdĩman ꞌgotonnia thooꞌthiok ꞌcĩg aũlanĩ.
Accamanoothĩk hatĩ eeta cĩg lootu nẽ ũrũgũmĩta, aaꞌnyĩk hatĩ ꞌgõõnõgĩ ꞌbaaninit, hĩnĩngĩtĩ thõõth baa adĩmanoothĩk põrõvẽtaaꞌnya ꞌramma, baag ĩĩn hẽbẽrĩ baag aꞌnyahaak ĩhõõggõ pĩĩrnanĩt loota nĩnga.