Maatteeo 27:2 - ꞌBuuk cĩ Thõõth cĩ Nyekuci

² Iita ecebit nẽẽg ĩnõõnnõ nẽ ootti hõõt haanytĩk ꞌgaalac cobbi ꞌcĩ haĩ Pĩlaatõ, ꞌcĩ aggam looc niccia.

Maatteeo 27:2 ပူးပေါင်းရင်းမြစ်များ

ꞌThianaattõ 22:9

Ma baa õdõlan nẽẽg nĩngĩtĩ baa aduha Nyekuci ho, ũũk ẽtẽhẽnya Abũrahamĩ nĩngĩtĩ ĩbbõõrĩ ꞌgaarrieenit nẽ ẽꞌthẽdaneek ꞌrĩĩma lokora. Nĩngĩtĩ ẽcẽbĩ nẽẽ Iꞌthaako nẽ ataadĩk ĩnõõnnõ ꞌrĩĩma lokora.

Maatteeo 20:19

nẽ hatĩ aanytĩk ĩnõõnnõ eet ꞌcĩg hõllõngaa ĩĩn ꞌJudeei, hodoomito ĩnõõnnõ nẽ uukito ĩꞌthõng hotoddoyyieek hurucceea. Ma urutaa cĩ waathinniook iyyio, arũgna hatĩ nẽẽ daahĩtha.”

Maatteeo 28:14

Nẽ má ũũk ĩthĩk ꞌgaalacĩ cobbi thõõth icci, hothoothonna hatĩ hĩ ngagĩĩta nẽ hatĩ iittiõõ thõõth umwaa ꞌcĩ abathĩ hĩ ngagiit tõõ.”

ꞌLuuka 13:1

Kõr niccia, baa au aduhaak eeta ũgẽẽgĩ Yeesu thõõth cĩ daahĩth cĩ eet cĩg ꞌGalileei, ꞌcĩg baag aruk Pĩlaatõ nga ĩbboorĩk nẽẽg Nyekuc ꞌgaarriẽẽn.

ꞌLuuka 20:20

Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta.

ꞌLuuka 23:1

Nĩngĩtĩ ĩꞌngaannĩ lothippiti cĩ lokihoo vẽlẽk nẽ ootti Yeesu hĩ Pĩlaatõ.

ꞌLuuka 23:12

Nganĩngĩtĩ kõr niccia, iita agayyio Ẽrõõdẽ hĩ Pĩlaatõ, hĩnĩngĩtĩ baa aaburroo ĩĩcĩ oou.

ꞌLuuka 3:1

Ma baa irkit ꞌcĩ ĩĩn õmmõtõ hĩ ꞌtur, ꞌcĩ ĩĩnnĩ Tiberio habu cobbi cĩ ꞌRooma hũtũrũũr nẽ ĩĩ Ponthio Pĩlaatõ makayyioohit cĩ ꞌJudeea, nẽ ĩĩ Ẽrõõdẽ habu cĩ ꞌGalileea nẽ tarĩ ĩĩ ꞌgotonnia Pilippo habu cĩ Iturea hĩ Tarakoniti nẽ ĩĩ Lĩthaniathĩ habu cĩ Abileene,

Yõaannẽ 18:12

Ma ho, aggamit athegereeꞌnya hĩ ꞌgaalac cĩnĩĩng cobbi hĩ makayyiook cĩg ꞌJudeei Yeesu nẽ ecebit ĩnõõnnõ thõng.

Yõaannẽ 18:24

Baa nga ecebbi Yeesu noho, ikia ĩꞌthooĩk Annathĩ ĩnõõnnõ hĩ paadĩr cobbi Kaĩava.

Yõaannẽ 18:28

Ma baa ngaalloohoth ngerrenita, ĩtĩngaayyi eeta Yeesu õlõõ cĩ Kaĩava nẽ ootti ꞌcieethaa ꞌcĩ aayyi makayyioohiti cĩ ꞌRooma. Baa ereeyyi lothippiti cĩ eetu battaala. Hĩnĩngĩtĩ ma baa huduhun eet umwaa ĩĩttõõ, occa hinnia baa aku ĩĩn ꞌriiring nẽ iittiõõ eeta hõllõngaa ẽlẽmaakĩ ĩnõõnnõ hadak ꞌgẽẽn cĩ Kõr cĩ Haangittõõ.

Dtiicanĩ cĩg ꞌThooyyiahu 12:6

Ma õõa cĩ baalin ꞌcĩ baa aĩ haꞌnyahaaĩ Ẽrõõdẽ Pẽẽtũrũ lokihooa, baa oongi Pẽẽtũrũ hõrggẽẽnaa cĩ athegereeꞌnya ꞌramma ecebbi nyerikooꞌnyanĩĩ ꞌcĩg obbitig ꞌramma nẽ ebehit athegereeꞌnya hattũũg.

Dtiicanĩ cĩg ꞌThooyyiahu 21:33

Ma ho, ikia ꞌgaalacĩ cobbi ho nẽ aggam Paaulo nẽ uduhaak athegereeꞌnya hecebit ĩnõõnnõ nyerikooꞌnyanĩĩ ꞌcĩg obbitig ꞌramma. Nĩngĩtĩ ajini ĩnõõnnõ nganĩ nẽẽ nẽ ꞌgii tĩhathini ꞌcĩ hatĩ ẽꞌthẽcan nẽẽ ho.

Dtiicanĩ cĩg ꞌThooyyiahu 22:25

Ma baa nga ẽcẽb ũrũtana Paaulo hátĩ huuki, ijin nõõ Paaulo ꞌgaalac cĩ ũũrũta ĩĩnnĩk, “ꞌYioko nooyyia ꞌthẽk abũnnaa ngaatĩ occa uuki nii eet cĩ ꞌRooma, nga hedeeꞌnyia thõõth ꞌcĩ aggamiini ho buúk?”

Dtiicanĩ cĩg ꞌThooyyiahu 22:29

Nẽ eeta ꞌcĩg baag aĩ hijitta Paaulo, eejehit ĩĩcĩ uruto. Nĩngĩtĩ abarti ꞌgaalacĩ cobbi ẽmmẽn, baa ikia agaõõthĩ ngaatĩ ẽcẽbĩ eet cĩ ꞌRooma.

Dtiicanĩ cĩg ꞌThooyyiahu 24:27

Ma baa allacattĩ irkiꞌnyia ꞌramma, irigith ẽẽtĩ ꞌcĩ haĩ Porcio Vẽẽthtõ, Pelicce. Nẽẽthĩ, hĩnĩngĩtĩ baa adiim Pelicce haccamattoothĩk eeta cĩg ꞌJudeei, ikia ũtũngeek nẽẽ Paaulo baabuuthatõõ.

Dtiicanĩ cĩg ꞌThooyyiahu 28:20

Ĩnõõ ꞌyioko ꞌcĩ hauyyuung hiita hothooꞌthio ho. Hecebbi naa nyerikooꞌnyanĩ ĩĩcĩg, hĩnĩngĩtĩ muhẽẽnĩt cĩ abũnnaa cĩ Ĩꞌthĩraẽlĩ.”

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

Dtiicanĩ cĩg ꞌThooyyiahu 4:27

Nẽ dĩdĩ, baa ommottio habuui Ẽrõõdẽ hĩ Ponthio Pĩlaatõ hĩ eet ꞌcĩg hõllõngaa ĩĩn ꞌJudeei hĩ eet cĩg Ĩꞌthĩraẽlĩ ꞌJeruꞌthalẽma ngaati nẽ ĩlĩhĩt dticciannioohit cunni ꞌcĩ ẽllẽẽmĩth Yeesu baa ẽbẽra niina.

Dtiicanĩ cĩg ꞌThooyyiahu 9:2

hĩ makayyiook cĩg ꞌCieethi cĩg Laiittak Damaathĩko. Baa adĩman nẽẽ thooꞌthiok iccig, hĩnĩngĩtĩ adiim aggam eet ꞌcĩg maacĩg hĩ ngaaĩ ꞌcĩg anũ ꞌGõõl cĩ Makayyioohit Yeesu, hõõt hĩĩtõ baabuuthnya ꞌJeruꞌthalẽma.

1 Timotteeo 6:13

Haduhaakii muumaa cĩ Nyekuci ĩcĩ aaꞌnyĩk hẽlẽggĩ vẽlẽk hũrũgĩt, hĩ muumaa cĩ Yeesu Krĩstõ ꞌcĩ baa aduhaak Ponthio Pĩlaatõ lemiinit cĩnnĩ lothippita,

2 Timotteeo 2:9

ꞌcĩ happĩĩrnanĩĩ ngaatĩ hecebiini baabuutha hĩ ꞌthẽccannioohiti. Nẽ occa hõllõngaa ecebbi thõõth cĩ Nyekuci baabuutha.

Ebereei 13:3

Ummukta ꞌgoonogu ꞌcĩg aattĩg baabuuthatõõ, haau hĩcĩ ababuuthaniinnu hĩ ĩhõõggõ hõdẽĩ. Ummuhuttooth ꞌgoonoggu ꞌcĩg ẽhẽc eeta hippiirria nẽ má uuki nẽẽgĩ, aꞌnyĩĩk haau hĩcĩ uukennu niig buúk.