Maatteeo 24:3 - ꞌBuuk cĩ Thõõth cĩ Nyekuci

³ Ma baa urutaa cĩnnĩ, baa nga iccioloongan Yeesu loota ũbũtaa cĩ Muur cĩ Olivi, iita ummuddioothĩk nuyyiooha cĩgĩnnĩg ĩnõõnnõ ẽmmẽn nẽ ijinit ĩĩttĩk, “Adĩmanni hatĩ thõõth ciee hatĩngaan? Ne hatĩ ꞌcĩ ẽtẽrꞌtha aĩ, akuu hatĩ niina, hĩ decciaanĩt cĩ lootu?”

Maatteeo 24:3 ပူးပေါင်းရင်းမြစ်များ

Maatteeo 13:36

Nĩngĩtĩ ũũnnĩkĩ Yeesu lothippit nẽ ũũk ꞌcieetõõ. Ma nĩngaata, iita ijinit nuyyiooha cĩgĩnnĩg ĩnõõnnõ ĩĩttĩk, “Teretheeheet da ngagĩĩt dtẽẽllẽn ꞌcĩg awantoothĩk ꞌdwaanĩ manatõõ tõõ cĩ ꞌgẽẽmẽ ho.”

Maatteeo 13:49

Aaĩ hatĩ hoti kõr cĩ decciaanĩt cĩ lootu. Au hatĩ ahala aajĩlẽẽta eet ꞌcĩg ĩĩn ꞌthẽccanniook eetinii ꞌcĩg abũnnaa,

Maatteeo 15:12

Nẽ iita ijinit nuyyiooha cĩgĩnnĩg ĩnõõnnõ ĩĩttĩk, “Aga nii ngaatĩ õdõõmĩ Variꞌtheei thõõthaa ĩĩaa aduha niina?”

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 17:19

Ma baa urutaa cĩnnĩ, iita ummuddioothĩk nuyyiooha Yeesu ngadiiha nẽ ijinit ĩnõõnnõ ĩĩttĩk, “Inni hatĩ hanyamaneet ngagĩĩt ngaatĩ hiiggiayyia lori ꞌcĩ abathĩ hata?”

Maatteeo 21:1

Ma baa iita Yeesu hĩ nuyyiook cĩgĩnnĩg õbõktõ hĩ ꞌJeruꞌthalẽm, ikia ũũk nẽẽ ĩĩcĩ Bẽthvaje, Muuraa ꞌcĩ Olivi nẽ ĩꞌthõ nuyyiook ꞌramma hõõt ĩĩcĩ oou.

Maatteeo 24:27

Aaĩ hatĩ kõrra ꞌcĩ akuuni Ngeertĩ Eeto hĩ bõrõhẽẽcĩ ꞌcĩ ammadĩ, ꞌcĩ aku ĩĩcĩ uruto, acĩn eeta ĩĩcĩ õkõlõõthĩkĩ kõrra vẽlẽk nẽ aaĩ hatĩ kõrra cĩ akuuni Ngeertĩ Eeto noho.

Maatteeo 24:30

“Ma urutaa cĩnnĩ vẽlẽk, edeeꞌnyia hatĩ terethiiniti hẽẽtahujjieen, ꞌcĩ akuuni Ngeertĩ Eeto, hutullẽẽcõ loonyini vẽlẽk cĩg lootu. Edeenyothi hatĩ nẽẽg Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Maatteeo 24:37

Ma hatĩ õbõda Ngeertĩ Eeto, aattĩg hatĩ eeta hĩ baa waathinniook baag Nõõa.

Maatteeo 24:39

Baa hõllõngaa aga nẽẽg ꞌgii ꞌcĩ hatĩ aku, ĩꞌthõng hikia tawanĩ cobbi hittik eet vẽlẽk. Aaĩ hatĩ noho, kõr ꞌcĩ hatĩ akuuni Ngeertĩ Eeto.

Maatteeo 24:43

Nẽ agaac thõõth icci, má baa haga baattĩ olu ꞌjiaatĩn ꞌcĩ akuuni igorriaahiti, occa baa ẽbẽk õlõ jurrung, hiittiõõ hõllõngaa ĩgõrꞌthĩ.

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

ꞌLuuka 21:7

Nĩngĩtĩ ajini nuyyiooha Yeesu annẽẽkĩ, “ꞌLimmannioohit, aku hatĩ edeeꞌnyia thõõth ciee hatĩngaan? Hau occa hatĩ hagayya kõr ꞌcĩ adĩmaniini thõõth ciee hutuno?”

Dtiicanĩ cĩg ꞌThooyyiahu 1:7

Baa ẽdẽcĩ Yeesu ĩhõõggõ anneek, “Hõllõngaa ĩĩn thõõth ꞌcĩ occa agayyu niig ꞌthaa hode nyĩlõhĩ cĩgĩnnĩg cieeni. Baaba dioo ꞌcĩ aga ꞌtirriaanaa cĩnnĩ.

Ebereei 9:26

Má baa hẽlẽmana Yeesu ẽlẽ cĩnnĩ irkiꞌnyia vẽlẽk, occa baa appĩĩrna nẽẽ tabattĩ mẽẽlĩg nganĩngĩtĩ ẽhẽnytaanĩ lõõcĩ. Nẽẽthĩ, baa ẽlẽmana nẽẽ ẽlẽ cĩnnĩ tabattĩ hõdẽẽthõng diooni dtuurnattaa cĩ kõr tĩho, hátĩ hĩĩ nẽẽ ꞌgaarrieenit ꞌcĩ ũũny ꞌthẽccanẽẽta.