Maatteeo 22:3 - ꞌBuuk cĩ Thõõth cĩ Nyekuci

³ Baa ĩꞌthõ habuui nicciee dticcianniook cĩgĩnnĩg hõõt haꞌnyakta eet cĩg karramaawak, abũrĩ hinnia eeta ngaatĩ auuni.

Maatteeo 22:3 ပူးပေါင်းရင်းမြစ်များ

Maatteeo 21:34

“Ma baa ikia kõrra cĩ janiitto, ũũk ĩꞌthõõa nẽẽ dticcianniook cĩgĩnnĩg hõõt hĩ dticcianniook baag ũũnnĩkĩ nẽẽ mana cĩnnĩ cĩ viinoo, hõõt haꞌnyaktaak ĩnõõnnõ viino ꞌcĩ ibbiira.

Maatteeo 23:37

“Niig eeta cĩg ꞌJeruꞌthalẽmĩ! Uruktu niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiit biyyiẽẽnĩ. Baa hatabi tabattĩ hiriiri halũtaannuung ngagiit hĩ tũhũlũc aagõõng alũtaak lõhõlĩ cĩgĩnnĩg havvuutõnĩĩ cĩgĩnnĩg. Hõllõngaa hinnia ẽlẽmaakaangu buúk.

Maatteeo 3:2

Baa irrioon nẽẽ nyeemuut ꞌcĩ aĩ, “Ũtũngteek ꞌthẽccanẽẽt cugguung nẽ oboddiaau hĩ Nyekuc, hĩnĩngĩtĩ aau habuccieet cĩnnĩ cĩ hẽẽtkujjieen ojoonu.”

Maatteeo 9:15

Ẽdẽcĩ Yeesu ĩhõõggõ anneek, “Occa gõõng ẽdẽta heerinniooha cĩg nyattaraanak eleeti ꞌgẽẽna, hatĩ nga arũmĩ hĩ ĩhõõggõ hutuno? Aku hatĩ kõrra ꞌcĩ aggammaanĩ lõõcĩ ĩhõõggõ nyattaraan, nẽẽthĩ hatĩ edettia nẽẽg eleeti ꞌgẽẽna.

ꞌLuuka 13:34

Ma ho, õppõdan Yeesu ĩĩ, “ꞌWui niig eeta cĩg ꞌJeruꞌthalẽmĩ, aruku bẽrẽ niig põrõvẽtaaꞌnya nẽ ohoddiaau eet ꞌcĩg ĩꞌthooyyiakuung ngagiita. Hĩĩdĩ naa hõdõõkõthĩ ngaatĩ hadiim halũtaanĩ lõhõlĩ cugguung ngaatĩ hõdẽẽthõng, hĩ gõõng alũtaak tũhũlũc lõhõlĩ cĩgĩnnĩg havvuutõnĩtõõ, aburru hinnia niiga.

ꞌLuuka 15:28

“Ma athĩhĩ nẽẽ thõõth icci ho, ikia ĩlĩĩlĩ gẽrrẽẽt hũtũbũr ngaatĩ adukni halang. Nĩngĩtĩ õkõ amammaayanĩ maaꞌnyia.

ꞌLuuka 19:27

Aꞌnyakta thĩ mĩrõk cĩgannĩg ꞌcĩg hõllõngaa adiimma hĩĩ habu haggam ĩhõõggõ ho ngaati nẽ uruktu hẽbẽrẽẽnnĩĩ cĩgannĩg.’ ”

Yõaannẽ 5:40

nẽẽthĩ, aburru hinnia niig ngaatĩ auunnu hĩ nganĩĩt, hátĩ ummuddia rũgẽt ꞌcĩ aalla ooo.

Dtiicanĩ cĩg ꞌThooyyiahu 13:45

Ma baa adtuuha eeta cĩg ꞌJudeei lothippit ko, iita ĩlĩĩllẽẽcõ gẽrrẽẽt, nẽ odoomito Paaulo, hĩnĩngĩtĩ thooꞌthiok ꞌcĩg aduha nẽẽ ho.

ꞌRooma 10:21

Nẽẽthĩ, õthõõth Nyekuci eet cĩg Ĩꞌthĩraẽlĩ aĩ, “Waathĩn hũtũrũũr, hodongi naa athĩn cĩgannĩg hẽẽtahujjieen, hĩnĩngĩtĩ eet ꞌcĩg hõllõngaa athĩknĩ nẽ ũtũbũrĩt Nyekuc.”

Ebereei 12:25

Ĩcĩnĩt jurrung nẽ ma haburru ngaatĩ athiknu Nyekuc ꞌcĩ õthõõth ko. Baa hõllõngaa avvir eeta cĩg Ĩꞌthĩraẽlĩ, baag abũrĩ ngaatĩ athĩknĩ eet baa othoothĩk ĩhõõggõ muuraa cĩ ꞌThĩnaĩ. Ammuku niig ainnu occa avvirru, hatĩ aburru ngaatĩ athiknu eet ꞌcĩ õthõõtha hẽẽtahujjieen?

Ebereei 9:15

Ĩnõõ ꞌcĩ ĩĩnnĩ Yeesu jayyio ꞌcĩ õthõõthĩ eet hĩ Nyekuc lõhõtaa ꞌcĩ ĩĩn ngeju, hátĩ hiita hummuddia eeta vẽlẽk baag avvaa, rũgẽt ꞌcĩ aalla ooo baa aduha Nyekuci. Hĩnĩngĩtĩ baa ꞌthẽk adaahĩ Krĩstõ, hátĩ hõõga ĩhõõggõ ukẽẽttaa cĩ ꞌthẽccanẽẽt baag adĩman lõhõtaa baa ꞌrẽẽnĩ.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.