Maatteeo 2:6 - ꞌBuuk cĩ Thõõth cĩ Nyekuci

⁶ “ ‘Niig eeta cĩg Bẽtẽlẽmĩ looccaa cĩ ꞌJudeea, iiginnu niig tiirik gẽrrẽẽt ꞌtaaũnnioohĩĩ cĩg ꞌJudeea vẽlẽk. Aku hatĩ ẽẽtĩ ꞌcĩ ĩĩn habu ꞌtaaũnaa cunuung ko. Ĩĩn hatĩ nẽẽ tũhayyioohit cĩ eet cĩgannĩg Ĩꞌthĩraẽl.’ ”

Maatteeo 2:6 ပူးပေါင်းရင်းမြစ်များ

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 2:1

Baa ĩĩn Ẽrõõdẽ habu irkitaa ꞌcĩ arrittaanĩ Yeesu Bẽtẽlẽma looccaa cĩ ꞌJudeea. Nẽ waathinnioohĩĩ nĩĩcag, iita uppwaatta ꞌgeeꞌnyiaha ũgẽẽgĩ ꞌcĩg au ĩĩcĩ uruto hiita hõdõlanit ꞌJeruꞌthalẽm.

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

Yõaannẽ 21:16

Ma tarĩ ho, ijin Yeesu ĩnõõnnõ tabattĩ ꞌramma ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ẽdẽcĩ Pẽẽtũrũ anneek, “Eei Makayyioohit, aga nii ngaatĩ hammĩnanni naa nganiita.” Ẽdẽcĩ Yeesu anneek, “ꞌThũũtĩ aꞌtha cĩgannĩg!”

Yõaannẽ 7:42

Hõllõngaa nooyyia aduha ꞌBuuhi cĩ Nyekuci aĩ, arrittiaa hatĩ Krĩstõ hattũũgaa cĩ habu Daavide, Bẽtẽlẽma ꞌtaaũnaa baa aayyi nẽẽnĩ?”

Eevvetho 1:22

Aaꞌnyĩk Nyekuci Krĩstõ ꞌtirrian haggamĩ hẽlẽggĩ vẽlẽk, hátĩ hẽẽlĩ lothippit cĩ lemmioohu, nẽ aaꞌnyĩk ĩnõõnnõ hĩĩ Makayyioohit cĩ hẽlẽggĩ vẽlẽk.

Kolooꞌthe 1:18

Ĩĩn Krĩstõ Makayyioohit cĩ lothippit cĩ lemmioohu. Nẽ ĩĩn lothippiti ciee ẽlẽ cĩnnĩ. Atiman nẽẽ ngaatĩ arũgnaanĩ daahĩtha, hátĩ hĩĩ Makayyioohit cĩ eet vẽlẽk hĩ hẽlẽggĩ vẽlẽk.

Ebereei 7:14

Haga naag vẽlẽk aku Makayyioohiti cĩnaac hattũũgaa cĩ ꞌJuuda nẽ nga huduha Mũũꞌtha thõõth ꞌcĩ occa auuni paadĩrꞌnya hattũũgaa cĩ ꞌJuuda ũdũt.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”

Terethiinit 2:27

“ ‘Aggam hatĩ nẽẽ loonyin vẽlẽk hĩbahĩtaa ꞌcĩ ĩĩn ꞌthiihit, ĩꞌthaan hatĩ nẽẽ loonyin iccig haauto hĩ ijjioꞌnya ꞌcĩg alibi.’ Haaꞌnyihi hatĩ ĩnõõnnõ ꞌtirrian ꞌcĩ aduhõõ hĩ baa aaꞌnya nganĩĩt Baaba caannĩ thõng.

Terethiinit 7:17

Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”