Maatteeo 2:4 - ꞌBuuk cĩ Thõõth cĩ Nyekuci

⁴ Ma ho, ikia ũtũvva Ẽrõõdẽ makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha nẽ ijin ĩhõõggõ ĩĩnnĩk, “Arrittiaa Krĩstõ ngaana?”

Maatteeo 2:4 ပူးပေါင်းရင်းမြစ်များ

Maatteeo 13:52

Nĩngĩtĩ aduhaakĩ Yeesu ĩhõõggõ annẽẽkĩ, “Nẽẽthĩ, ꞌlimmanniooha cĩg nyattal cĩ Mũũꞌtha ꞌcĩg baag etereꞌthioothĩk thooꞌthioha ꞌcĩg habuccieet cĩ hẽẽtkujjieen, aattĩg nẽẽg hĩ baattĩ ꞌcieethu ꞌcĩ attiha baliinit cĩnnĩ ꞌcĩ nga ĩĩn ngeju hĩ ꞌcĩ ũnũũk battaala ꞌcieethaa cĩ ijjioonnu.”

Maatteeo 2:3

Ma baa athĩhĩ habuui Ẽrõõdẽ thõõth icci hoti ho, ikia upuppud ꞌthĩnĩt cĩnnĩ gẽrrẽẽt hĩ eet cĩg ꞌJeruꞌthalẽmĩ vẽlẽk.

Maatteeo 2:5

Ẽdẽcĩ nẽẽg ĩnõõnnõ anneek, “Arrittiaa nẽẽ Bẽtẽlẽma looccaa cĩ ꞌJudeea, hĩ baa ẽhẽẽd põrõvẽtaacĩ aĩ,

Maatteeo 21:15

Ma ho, iita iliiliyyieek makayyiooha cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha Yeesu, ngaatĩ acĩnĩ thooꞌthiok ꞌcĩg ĩnaat eeta ꞌcĩg adĩman nẽẽnĩ nẽ ĩthĩhĩt ꞌgerenyi cĩ loholeenu ngaatĩ õbõhõõ hĩ halang cĩ ꞌCieeth cĩ Nyekuci aĩnnĩ, “Hĩdĩhĩthĩt Nyekuc, hĩnĩngĩtĩ Ngeertĩ Daavide.”

Maatteeo 21:23

Baa õkõ aduhun Yeesu nĩngĩtĩ õbõhõõ hĩ halang cĩ ꞌCieeth cĩ Nyekuci nẽ illiman eeta, ma ho, ummuddiaak makayyiooha cĩg paadĩrꞌnyaannu hĩ makayyiook cĩg eetuk ĩnõõnnõ nẽ ijinit ĩĩttĩk, “Ammũda nii makaaꞌthĩt ꞌcĩ adĩmanĩĩ thooꞌthiok iccig ko ĩĩna? Aaꞌnyi nganĩ?”

Maatteeo 26:3

Ma ho, iita ulutti makayyiooha cĩg paadĩrꞌnyaannu hĩ makayyiook cĩg eetuk ꞌcieethaa cĩ Kaĩava, eet ꞌcĩ baa ĩĩn paadĩr cobbi.

Maatteeo 26:47

Ma baa nga õthõõth Yeesu hoti, uppwaanna ꞌJuuda baa ĩĩn ꞌthooyyiahit ꞌgoonoginnii ꞌcĩg baag ĩĩn õmmõtõ hĩ ꞌramma, õõkõra hĩ lothippit cĩ eet ꞌcĩg aꞌnyak nyetubooꞌnya hĩ hĩbahĩꞌnya, ꞌcĩg baag ĩꞌthõõa makayyiooha cĩg paadĩrꞌnyaannu hĩ makayyiook cĩg eetuk.

Maatteeo 27:1

Ma baa ngaalloohoth ngerrenita gẽrrẽẽt, uluttia makayyiooha cĩg paadĩrꞌnyaannu hĩ makayyiook cĩg eetuk vẽlẽk nẽ iita utuhanit thõõth ꞌcĩ adiim aruhi nẽẽg Yeesu hadaak.

Maatteeo 7:29

hĩnĩngĩtĩ baa alliman nẽẽ eet makaaꞌthĩta nẽ hõllõngaa allimanni hĩ ꞌlimmanniooha cĩg nyattal cĩ Mũũꞌtha.

Maarko 8:31

Ma nĩngaata, iꞌthianaaĩ Yeesu illiman nuyyiook ĩĩnnĩk, “Ammũda hatĩ Ngeertĩ Eeto ꞌcannan cobbi gẽrrẽẽt nẽ abũrĩ hatĩ makayyiooha cĩg eetuk hĩ makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ĩnõõnnõ. Aruhi hatĩ nẽẽ hadaak nẽ ũrũga tarĩ, urutaa cĩ waathinniook iyyio.”

ꞌLuuka 20:19

Nĩngĩtĩ adiim adhuhẽẽkĩ ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu baabuuth nĩĩcĩ noho, hĩnĩngĩtĩ baa aga nẽẽg ngaatĩ ĩĩnnĩ ĩhõõggõ ꞌcĩg awanteek Yeesu thõõth icci ho. Nẽẽthĩ, baa itieelli nẽẽg eeta.

ꞌLuuka 23:10

Baa abĩlĩ makayyiooha cĩg paadĩrꞌnyaannu hĩ ꞌlimmanniook cĩg nyattaalak nĩngaata, ara õhõppõõcan ĩnõõnnõ thooꞌthiohĩĩ ꞌcĩg mẽẽlĩg ꞌrĩng.

Yõaannẽ 18:3

Ma nĩngaata, ikia ꞌJuuda hẽẽnĩĩ ĩtĩko, õõkõra hĩ athegereeꞌnya hĩ makayyiook ũgĩ ꞌcĩg au hĩ makayyiook cĩg paadĩrꞌnyaannu hĩ Variꞌtheei. Baa attũlla nẽẽg ꞌgwoyyiẽẽn nẽ aꞌnyaha hĩbahĩꞌnya hĩ dĩlaꞌnya.

Yõaannẽ 3:10

Ẽdẽcĩ Yeesu ĩnõõnnõ anneek, “Ĩĩnĩ nii ꞌlimmannioohit cĩ Ĩꞌthĩraẽlĩ nẽ erekti thooꞌthioha cieeg nganiit hutuno?

Yõaannẽ 7:32

Ma baa athĩhĩ Variꞌtheei eet ngaatĩ õꞌngõmtĩ thõõth ꞌcĩ Yeesu lothippitatõõ ho, iita ulutti hĩ makayyiook cĩg paadĩrꞌnyaannu nẽ ĩꞌthõõcõ athegereeꞌnya ꞌcĩ ẽbẽk ꞌCieeth cĩ Nyekuci hõõt haggamit Yeesu.

Yõaannẽ 8:3

Ma nĩngaata, aꞌnyakta Variꞌtheei hĩ ꞌlimmanniook cĩg nyattaalak, ngaa umwa ꞌcĩ aggamoothĩk hĩ eet ꞌcĩ ꞌrĩĩng. Nẽ iita aanytĩk ngaa nicci hĩbĩl hõrggẽẽnaa cĩ lothippito.

Dtiicanĩ cĩg ꞌThooyyiahu 23:9

Nẽ baa ĩĩ maka wacahõõnĩ, nĩngĩtĩ ĩꞌngaannĩ ꞌlimmanniooha ũgẽẽgĩ cĩg Nyattaalak ꞌcĩg baag ĩĩn Variꞌtheei nẽ eggerenyit gẽrrẽẽt. Baa aĩ nẽẽg, “Nga hummuddiaawa naag ꞌgiimwa ꞌcĩ abathi ꞌcĩ ẽꞌthẽcan ẽẽtĩ cieeni. Horoong ꞌyioko baa othoothĩk aajĩlõ hode lorii ĩnõõnnõ dĩdĩ.”

Dtiicanĩ cĩg ꞌThooyyiahu 4:5

Ma loohoth cĩnnĩ, ũllũngattaa makayyiooha hĩ eet ꞌcĩg obbitig cĩg eetuk hĩ ꞌlimmanniook cĩg nyattaalak hiita hommottio ꞌJeruꞌthalẽma.

Dtiicanĩ cĩg ꞌThooyyiahu 6:12

Nĩngĩtĩ au aahĩ luulu eetini vẽlẽk hĩ makayyiook cĩg eetuk hĩ ꞌlimmanniook cĩg nyattal cĩ Mũũꞌtha, haggamit Tẽẽvẽnõ. Ma nĩngaata, iita utugurit ĩnõõnnõ ootti hĩ ꞌgaala cĩg lokihooak.