Maatteeo 2:2 - ꞌBuuk cĩ Thõõth cĩ Nyekuci

² Baa nẽ iita ijinit ꞌgeeꞌnyiaha niccieeg eet cĩg ꞌJudeei ĩĩttĩk, “Aaĩ loholeec baa aĩ arrittiaa hĩĩ habu cĩ ꞌJudeei ho ngaana? Baa hacĩnaanna coobooc cĩnnĩ uppwaanna ĩĩcĩ uruto nẽ ꞌyioko, hauunna haĩ hiita hubuluꞌthia ĩnõõnnõ.”

Maatteeo 2:2 ပူးပေါင်းရင်းမြစ်များ

Maatteeo 2:3

Ma baa athĩhĩ habuui Ẽrõõdẽ thõõth icci hoti ho, ikia upuppud ꞌthĩnĩt cĩnnĩ gẽrrẽẽt hĩ eet cĩg ꞌJeruꞌthalẽmĩ vẽlẽk.

Maatteeo 21:5

“Nii tĩnaatĩ ꞌThionĩ, cĩĩn nõõ habu cunni ngaatĩ, ovvooyyianĩ moolĩtaa cĩ thigiiro. Aaꞌnyĩk nẽẽ ẽlẽ cĩnnĩ hĩĩ hĩdĩca.”

Maatteeo 27:11

Ma baa aꞌnyakiaa Yeesu hikia hĩbĩl muumaa cĩ Pĩlaatõ ho, ikia ijin Pĩlaatõ ĩnõõnnõ ĩĩnnĩk, “Ĩĩnĩ nii habu cĩ ꞌJudeei?” Ẽdẽcĩ Yeesu aĩ, “Aaĩ hĩcĩ aduha nii ho.”

ꞌLuuka 19:38

Baa ebenni nẽẽg aĩ, “Aꞌnyĩĩk Nyekuc haggatan habu ꞌcĩ aku ꞌthaarĩĩ ĩcĩg Makayyiookto!” “Aꞌnyĩĩk bũnnai hĩ bulẽẽnĩt haau hĩ Nyekuc hẽẽtahujjieen!”

ꞌLuuka 2:11

Ittirria Ellioohiti cunuung iyyieni ꞌtaaũnaa cĩ Daavide, ĩnõõnnõ Krĩstõ Makayyioohiti.

ꞌLuuka 23:3

Nĩngĩtĩ õkõ ajini Pĩlaatõ Yeesu annẽẽkĩ, “Ĩĩnĩ nii habu cĩ ꞌJudeei?” Ẽdẽcĩ Yeesu aĩ, “Eei, aaĩ hĩcĩ aduha nii hataa.”

ꞌLuuka 23:38

Ma nĩngaata, eteheeddik hurucceea thõõth ꞌcĩ aĩ, “Habu cĩ ꞌJudeei cieeni.”

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 12:13

Ma nĩngaata, itikta nẽẽg taba cĩg mĩlĩlaannu nẽ õõt ithirriamattõõthĩ Yeesu nẽ awacaktõõthĩ ꞌjieena ĩĩtõ, “Hĩdĩhĩthĩt Nyekuc!” “Aꞌnyĩĩk Nyekuc haggatan eet ꞌcĩ aku ꞌthaarĩĩ cĩg Makayyiookto!” “Aꞌnyĩĩk haggatan Nyekuci habu cĩ Ĩꞌthĩraẽlĩ!”

Yõaannẽ 18:37

Nĩngĩtĩ aĩnnĩ Pĩlaatõ, “Ĩĩnĩ thĩ mĩĩ ꞌthẽk habu!” Ẽdẽcĩ Yeesu anneek, “Ẽbẽaneehi ngaatĩ aĩnnĩ hĩĩnĩ naa habu. Nẽ dĩdĩ, baa harrittia naa, hĩnĩngĩtĩ thõõth icci nẽ baa thõõth icci ꞌcĩ hakuuni naa loota nĩnga ho, hátĩ hĩĩ hebereec cĩ thõõth ꞌcĩ ĩĩn dĩdĩ. Nẽ eeta vẽlẽk ꞌcĩg ammĩnan thõõth ꞌcĩ ĩĩn dĩdĩ, athĩhĩ thõõth caannĩ.”

Yõaannẽ 19:19

Nĩngĩtĩ aduhaakĩ Pĩlaatõ eet heteheeddik thõõth ꞌcĩ õhõppõõcaniini Yeesu ho hurucceea lokora ꞌcĩ agiili aĩ, Yeesu cĩ Naaꞌtharẽtĩ habu cĩ ꞌJudeei.

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 9:38

Ma ho, ĩĩnnĩk rubenniaahiti Yeesu, “Makayyioohit, helemmii naa nganiita!” Nĩngĩtĩ alaĩ nẽẽ Yeesu nĩngaata.

Ebereei 1:6

Ma baa ĩꞌthõõa Nyekuci Ngeerĩnĩ ꞌcĩ odoyyii hikia loota nĩnga, ikia õthõõth Nyekuci ĩĩ, “Aꞌnyĩĩk aajĩlẽẽt cĩgannĩg vẽlẽk hakattieek Loholeec caannĩ huruꞌnyia nẽ ubuluthit ĩnõõnnõ.”

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”