Maatteeo 2:16 - ꞌBuuk cĩ Thõõth cĩ Nyekuci

¹⁶ Ma baa ammũda Ẽrõõdẽ ngaatĩ ĩggõõlĩ ꞌgeeꞌnyiaha ĩnõõnnõ thõng ko, ikia ĩlĩĩlĩ gẽrrẽẽt, nĩngĩtĩ aduhaakĩ athegereeꞌnya cĩgĩnnĩg huruhit lõhõlĩ ꞌcĩg hidicig ꞌcĩg maacĩg, ꞌcĩg aattĩg Bẽtẽlẽma hĩ ꞌcĩg õbõhõõ nĩngaata vẽlẽk, ꞌcĩg ĩĩn irkiꞌnyia cĩggĩĩng ꞌramma hĩ ꞌcĩg nga ĩĩn ĩdõlẽẽt vẽlẽk. Baa adticaniini nẽẽ thõõth baa aduhaak ĩnõõnnõ ꞌgeeꞌnyiaha.

Maatteeo 2:16 ပူးပေါင်းရင်းမြစ်များ

ꞌThianaattõ 39:14

ũtũvva dticcianniook cĩg halang cĩnnĩ vẽlẽk nẽ ĩĩnnĩk, “Ĩcĩnĩt nõõ! Aaĩ occa gõõng Ebereeiniti ciee nẽ idiim aara hĩĩ ngaa cĩnnĩ inni? Aku aduknaaka ngaati noho nẽ aggamaanĩ, nĩngĩtĩ hoꞌngonyoonna nẽ hũppũrũcaa cẽrẽm cĩnnĩ noho pũrũc, nĩngĩtĩ hõkõlẽẽkĩ luulu.

ꞌThianaattõ 39:17

Ma baa uppwaanna maac cĩnnĩ ho, ikia uduhaak ĩĩnnĩk, “Aaĩ occa gõõng appahaca aa nunni ĩĩn Ebereeinit ngaati hutuno? Aku ngaati noho nẽ idiim aara hĩĩ ngaa cĩnnĩ.

ꞌThianaattõ 49:7

Ĩccĩĩtteu niig ẽlẽk, hĩnĩngĩtĩ liilii hĩ bathi cunuung ko. Ĩꞌthanothoothĩk hatĩ lohollia cugguung looc vẽlẽk cĩ hattũũgẽt cĩg Ĩꞌthĩraẽlĩ.

Maatteeo 2:1

Baa ĩĩn Ẽrõõdẽ habu irkitaa ꞌcĩ arrittaanĩ Yeesu Bẽtẽlẽma looccaa cĩ ꞌJudeea. Nẽ waathinnioohĩĩ nĩĩcag, iita uppwaatta ꞌgeeꞌnyiaha ũgẽẽgĩ ꞌcĩg au ĩĩcĩ uruto hiita hõdõlanit ꞌJeruꞌthalẽm.

Maatteeo 2:17

Nĩngĩtĩ aku ĩĩnnĩ thõõth baa Makayyiookto dĩdĩ, baa aduha põrõvẽtaacĩ ꞌJeremia aĩ,

Maatteeo 2:7

Nĩngĩtĩ avvaanĩ Ẽrõõdẽ ꞌgeeꞌnyiak ꞌcĩg au ĩĩcĩ uruto ho ĩĩcĩ burki nẽ ijin ꞌthaa ꞌcĩ baa uppwaannakĩ ĩhõõggõ cõõbõõcĩ ho.

Terethiinit 12:4

Ma ho, õrõrrõõcan ꞌbuuhi nicciee mũnyũny ĩĩcĩ odoyyii huulaa cĩnnĩ hẽẽtahujjieen, hudhuktaak looc. Nẽ ĩbĩleek ꞌbuuhi ngaa ꞌcĩ attur ꞌgoonnia ho, aĩ hátĩ hadak loholeec, hatĩ utuhuyyiaa.

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.