Maatteeo 2:12 - ꞌBuuk cĩ Thõõth cĩ Nyekuci

¹² Ma baa urutaa cĩnnĩ, ikia othoothĩk Nyekuci ꞌgeeꞌnyiak niccig honoothittatõõ, hiittiõõ hõllõngaa obodoothi hĩ Ẽrõõdẽ tarĩ. Nĩngĩtĩ õbõdõõꞌthĩ nẽẽg looccaa cĩnĩĩng ꞌgõõlaa umwaanĩ ĩĩcĩ ꞌrĩĩng.

Maatteeo 2:12 ပူးပေါင်းရင်းမြစ်များ

ꞌThianaattõ 31:24

Ma baalin niccia ũꞌnyaahĩtõõ uduhaak Nyekuci Laban eet cĩ Arameea, ĩĩnnĩk, “ꞌMuuk jurrung, ma hõkõ hadĩmani Yakobo ꞌbuth.”

Luugithõõ 1:17

Baa ammũdeek iꞌngolli ngaaĩ ꞌcĩg ũũkca ꞌgõõnõgĩ ho Nyekuc nẽ iittiõõ hõllõngaa adtican thõõth ꞌcĩ aduhaak habuui cĩ Ijjibi ho ĩhõõggõ, nĩngĩtĩ ũũnnĩkĩ lõhõlĩ ꞌcĩg maacĩg hũrũgĩt.

Maatteeo 1:20

Ma baa nga ammuk nẽẽ thõõth icci, ikia uduhaak ĩnõõnnõ aajĩlõ cĩ Makayyiookto honoothittatõõ ĩĩnnĩk, “Ẽlẽ Yothebo ngeertĩ Daavide, ma hiteelli ngaatĩ aꞌthũwanĩĩ Maria hĩĩ ngaa cunni, hĩnĩngĩtĩ ĩĩn loholeec cĩ aꞌnyak Maria ho, loholeec ꞌcĩ aku hĩ Lori ꞌcĩ Ẽllẽẽmĩthĩ.

Maatteeo 2:13

Ma baa oboddioothĩ ꞌgeeꞌnyiaha niccieegi, ikia uppwaannak aajĩlõ cĩ Makayyiookto Yothebo honoothittatõõ nẽ ĩĩnnĩk, “Tĩnga hataman! Viri loholeec hĩ aattĩnnĩ bĩtĩ Ijjiba! Bĩĩt awwuaaĩ ĩĩca ĩꞌthõng, huduhaahi naa kõr ꞌcĩ hatĩ õbõdaanĩ, hĩnĩngĩtĩ adiim Ẽrõõdẽ aruk loholeec.”

Maatteeo 2:19

Ma baa adaak Ẽrõõdẽ, ikia uppwaannak aajĩlõ cĩ Makayyiookto Yothebo honoothitatõõ baa nga aaĩ nẽẽ Ijjiba

Maatteeo 2:22

Ma baa athĩhĩ nẽẽ aĩ ĩĩ, ngeertĩ Ẽrõõdẽ ꞌcĩ haĩ Arkelao habu cĩ ꞌJudeea ho, ikia itingõlĩ ngaatĩ õkõõĩ looccaa cĩ ꞌJudeea. Baa aku adukiaak ĩnõõnnõ thõõth honoothittatõõ hũũk looccaa cĩ ꞌGalileea.

Maatteeo 27:19

Ma baa nga iccioloongan Pĩlaatõ dtaabawa cĩnnĩ ĩcĩ habuẽẽꞌthĩtõõ, ikia ĩꞌthõõa ngaa cĩnnĩ nyeemuut ꞌcĩ aĩ, “Ma haddangaahi eet niccia ammĩrĩ hataa, hĩnĩngĩtĩ accanannaa nganĩĩt honoothi aabaal gẽrrẽẽt, hĩnĩngĩtĩ ĩnõõnnõ.”

ꞌLuuka 2:26

Baa aduhaak Lorii ꞌcĩ Ẽllẽẽmĩth ĩnõõnnõ anneek, aitiõõ hatĩ nẽẽ hõllõngaa adaahĩ nga hĩcĩn Krĩstõ cĩ Makayyiookto.

Dtiicanĩ cĩg ꞌThooyyiahu 10:22

Ẽdẽcĩ eeta niccieeg aĩ, “Ĩꞌthõõanneet ꞌgaalacĩ umwaa cĩ ũũrũta ꞌcĩ haĩ Korneellio. Ĩĩn nẽẽ eet ꞌcĩ abũnnaa ꞌcĩ ala Nyekuc nẽ ammĩnan eeta cĩg ꞌJudeei vẽlẽk ĩnõõnnõ. Aduhaak aajĩlõ ꞌcĩ ẽllẽẽmĩth ĩnõõnnõ hutuvvii nganiit õlõõ cĩnnĩ, hátĩ hũũk hĩthĩk nẽẽ thõõth ꞌcĩ aduhaahi niina.”

Dtiicanĩ cĩg ꞌThooyyiahu 4:19

Baa ẽdẽcĩ Pẽẽtũrũ hĩ Yõaannẽ aĩ, “Ummuhit da nõõ niig hatĩ ma aũlan hĩ Nyekuc ngaatĩ occa hathiknuung naag ngagiit hĩllõõan ngaatĩ occa hathĩkna Nyekuc.

Dtiicanĩ cĩg ꞌThooyyiahu 5:29

Ma ho, edecit Pẽẽtũrũ hĩ ꞌthooyyiak ũgĩ ĩĩttĩk, “Hõllõngaa hathĩkna naag eeta. Hathĩkna naag Nyekuc.

1 Korinthia 3:19

Hĩnĩngĩtĩ ĩĩn ꞌgẽẽnyĩthĩ cĩ looc nicci ꞌgiithẽnĩt muumaa cĩ Nyekuci. Hĩcĩ eheeddi ꞌBuuhaa cĩ Nyekuci aĩ, “Aggam nẽẽ ꞌgeeꞌnyiak ꞌgẽẽnyĩthaa cĩnĩĩng.”

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

Ebereei 8:5

Hĩnĩngĩtĩ baa adticanni nẽẽg ꞌCieetõõ cĩ Nyekuci horrwaa ꞌcĩ õdõhõhĩĩ kak, ꞌCieeth ꞌcĩ ĩĩn ꞌthooura ꞌcĩ ĩthakꞌthoothĩk ꞌCieeth cĩ Nyekuci hẽẽtahujjieen. Ĩnõõ baa annẽẽkĩ Nyekuci Mũũꞌtha baa idiim ẽtẽhẽny ꞌCieeth cĩ Nyekuci nẽẽ, “Gaooth ĩĩ, tẽhẽny ꞌcieeth hĩ baa heterꞌtheekii naa nganiit muuraa cĩ ꞌThĩnaĩ.”