Maatteeo 2:11 - ꞌBuuk cĩ Thõõth cĩ Nyekuci

¹¹ Ma baa õdõlanit nẽẽg ꞌcieeth tĩho, iita ummuddiaak nẽẽg ĩdõlĩ tĩho hĩ aattĩnnĩ Maria nĩngaata, nĩngĩtĩ akannẽẽkĩ huruꞌnyia nẽ alaacõ ĩnõõnnõ. Ma ho, itikta ꞌbaaninit ꞌcĩ ĩĩn ꞌdaab hĩ mõhõõkac hĩ ngõrrõ umwa ꞌcĩ õꞌngõlĩ ẽmmẽdĩ ꞌcĩ haĩ ꞌmiira.

Maatteeo 2:11 ပူးပေါင်းရင်းမြစ်များ

ꞌLuuka 2:16

Nĩngĩtĩ aꞌthũkcĩ ĩꞌthõng hõõt hummudioothĩk Maria hĩ Yothebo nẽ udtuukta ĩdõlĩ ngaatĩ oongiyyi haahũlatõõ cĩ heleggeennu.

Maatteeo 2:2

Baa nẽ iita ijinit ꞌgeeꞌnyiaha niccieeg eet cĩg ꞌJudeei ĩĩttĩk, “Aaĩ loholeec baa aĩ arrittiaa hĩĩ habu cĩ ꞌJudeei ho ngaana? Baa hacĩnaanna coobooc cĩnnĩ uppwaanna ĩĩcĩ uruto nẽ ꞌyioko, hauunna haĩ hiita hubuluꞌthia ĩnõõnnõ.”

Terethiinit 19:10

Ma baa hakanneehi aajĩlõ huruꞌnyia nẽ halawa ĩnõõnnõ ho, anneeka hinnia, “Ma halayya nganĩĩta! Hĩĩnĩ naa eet umwa ꞌcĩ hĩĩnĩ dticciannioohit cĩ Nyekuci haaga hĩ nii buúk nẽ haduhoonna hĩ ꞌgotoonogu ꞌcĩg ẽlẽmĩ Yeesu thõng. Laa nii Nyekuc diooni! Hĩnĩngĩtĩ ẽẽtĩ ꞌcĩ allimaneek ꞌgõõnõgĩ thõõth cĩ Yeesu, allimanni ꞌtirriaanaa cĩ Lori ꞌcĩ Ẽllẽẽmĩthĩ.”

Maatteeo 14:33

nĩngĩtĩ au alaĩ nuyyiooha ꞌcĩg baag aattĩg haahũlatõõ Yeesu annẽẽkĩ, “Ĩĩnĩ nii Ngeertĩ Nyekuci dĩdĩ!”

Terethiinit 5:8

Ma baa aggama nẽẽ ꞌbuuk nicci ho, uruhit hẽlẽggĩ ꞌcĩg arũgĩ ĩĩn ꞌwec hĩ makayyiook ꞌcĩg ĩĩn hẽẽn ꞌramma hĩ ꞌwec ko, looc nẽ akattieek Mĩꞌnyõõn huruꞌnyia. Baa aꞌnyak nẽẽg vẽlẽk addungẽẽt hĩ lohilihilit ꞌcĩg ĩĩn ꞌdaab, ꞌcĩg abbĩꞌthĩĩ mõhõõkacĩ ꞌcĩ ĩĩn laiinit cĩ eet cĩg Nyekuci.

ꞌLuuka 2:38

Ma kõr niccia, ikia ũmmũdaak nẽẽ buúk Yothebo hĩ Maria nẽ atal Nyekuc, nĩngĩtĩ ahĩkĩĩmanaakĩ eet ꞌcĩg baag ẽrẽ elliaanĩt cĩ ꞌJeruꞌthalẽmĩ thõõth cĩ ĩdolo.

ꞌThianaattõ 43:11

Ma nĩngaata, ẽdẽc maaꞌnyia ĩhõõggõ ĩĩnnĩk, “Má aaĩ noho, aꞌnyaktoothĩk thĩ makayyioohit tĩho ꞌbaaninit buúk. Eberria ꞌgeenniok cĩg looc cĩnaac ꞌcĩg ẽmmẽdĩ gẽrrẽẽt. Loteec hĩ ꞌrũkanĩ hĩ ngõõrrõ hĩ ꞌmũũnĩ nẽ ũrũmteehu hẽlẽggĩ aag õꞌngõlĩ ẽmmẽdĩ nĩnga buúk.

Maatteeo 1:18

ꞌGõõl ꞌcĩ baa arrittiaanĩ Yeesu Krĩstõ cieeni: Baa aaĩ bũhẽẽcĩ umwaa ꞌcĩ haĩ Maria ꞌcĩ ẽlẽmmõõ hĩ eet ꞌcĩ haĩ Yothebo cĩ hattũũg cĩ habu Daavide. Ma baa nga hũrũmtĩ hõdẽĩ, ikia ummuddia thõõth ꞌcĩ aĩ, aꞌnyak Maria loholeec ꞌcĩ arrittiaa Loriiaa ꞌcĩ Ẽllẽẽmĩthĩ.

Maatteeo 2:10

Ma baa acĩn nẽẽg coobooc nicci ho, iita accamattoothĩk gẽrrẽẽt.

Maatteeo 12:46

Ma baa nga õthõõthõõ Yeesu hĩ lothippit, uppwaanna hinnia ꞌgotoonoggia hĩ aattĩnnĩ hiita hĩbĩlĩt battaala, adiim au õthõõthõõ hĩ ĩnõõnnõ.

Yõaannẽ 19:39

Baa õõkõr Yothebo hĩ Nikodemo, eet baa aku kõr umwa ĩĩcĩ oou, hikia hĩcĩn Yeesu baal. Baa aꞌnyaha Nikodemo ngõõrrõ ꞌcĩ õꞌngõõtanoothĩk mĩĩra hĩ ẽgẽrnaac. Baa adĩddĩngĩĩ ngõõrra ciee aꞌnyak kiiloꞌnya hẽẽn iyyio.