Maatteeo 18:3 - ꞌBuuk cĩ Thõõth cĩ Nyekuci

³ Nẽ uduhaak Yeesu ĩhõõggõ ĩĩnnĩk, “Haduhaakuung dĩdĩ, ma hõllõngaa oboddu niig eleeti aaut hĩ lohollia ꞌcĩg hidiciẽẽgĩ, hõllõngaa hatĩ aduhunnu habuccieet cĩ hẽẽtkujjieen.

Maatteeo 18:3 ပူးပေါင်းရင်းမြစ်များ

Maatteeo 13:15

Hĩnĩngĩtĩ õkõmĩ ĩhõõggõ vẽlẽk ooti, iita idiitti ĩĩna cĩggĩĩng pĩd, nẽ ĩĩtõ rubettĩg hẽbẽrĩ cĩggĩĩng. ꞌYioko baa hiittiõõ hõllõngaa aattĩg nẽẽg hoti, occa ꞌyioko acĩnĩ hẽbẽrẽẽnnĩĩ cĩggĩĩng, nẽ ĩthĩktõ ĩĩnĩĩ cĩggĩĩng. Ma baa hagaacõ ꞌthinneetinitõõ cĩggĩĩng nẽ iita hĩ nganĩĩta, occa thĩ baa hẽẽla ĩhõõggõ.’

Maatteeo 18:2

Ma ho, ũtũvva Yeesu loholeec ꞌcĩ hidici nẽ aaꞌnyĩk hĩbĩl hõrggẽẽnaa cĩnĩĩng.

Maatteeo 18:4

Nẽẽthĩ hoti ho, ẽẽtĩ ꞌcĩ hõllõngaa õdõng ẽlẽ cĩnnĩ haau hĩ loholeec ciee hidici ho, maka nẽẽ gẽrrẽẽt habuccieetaa cĩ hẽẽtkujjieen.

Maatteeo 19:14

Ẽdẽcĩ Yeesu ĩhõõggõ anneek, “Aꞌnyĩĩk lõhõlĩ ꞌcĩg kidicig hiita hĩ nganĩĩta, ma habĩllu ĩhõõggõ! Eet ꞌcĩg aattĩg hĩ lohollia cieeg kidicig ko, ꞌcĩg ĩĩn eet cĩg habuccieet cĩ hẽẽtkujjieen.”

Maatteeo 19:23

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Õkõmĩ gẽrrẽẽt ũdũt ngaatĩ occa adukni ẽẽtĩ ꞌcĩ aballi habuccieet cĩ hẽẽtkujjieen!

Maatteeo 5:18

Haduhaakuung dĩdĩ, tananga hiꞌngittõõthĩ hẽẽtkujjieen hĩ looc, hõllõngaa hatĩ aꞌnginoothi nyattalĩ ꞌcĩ ẽtẽhẽẽdĩ loota, tananga nyamacaar ꞌcĩ hidici haaga, ĩꞌthõng hiita hũttũbattoothĩk thooꞌthioha vẽlẽk.

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

Maatteeo 6:16

“Ma ẽdẽtaannu niig eleeti ꞌgẽẽna, ma haaꞌnyiku muumti cugguung huꞌngurruunyti hĩ oloꞌngiaaha aag gõõng eterꞌtheek eet aĩ, hẽdẽtaanna eleeti ꞌgẽẽna. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:2

“Nẽẽthĩ, ma eellu pĩĩrnattiaak, ma haduhaaku eet, hĩcĩ adĩman oloꞌngiaaha ꞌCieethinii cĩg Laiittak hĩ ꞌgoolliohĩ, aĩ hátĩ hitingolli eeta ĩhõõggõ. Haduhaakuung dĩdĩ, ummuddia nẽẽg dũman cĩnĩĩng ẽlẽk.

Maatteeo 6:5

“Nẽ má alaiinnu, ma hattiyyu hĩ oloꞌngiaaha aag gõõng ammĩnan ngaatĩ alaiini abĩllĩ ꞌjieena ꞌCieethinii cĩg Laiittak hĩ ꞌgoolliohĩ ngadihẽẽtĩ, aĩ hátĩ hĩcĩtteet eeta. Haduhaakuung dĩdĩ, ũdũmattĩ nẽẽg ẽlẽk.

Maarko 4:12

hĩnĩngĩtĩ “ ‘Acĩnĩ hatĩ eeta cieeg hiriiri nẽ hõllõngaa acĩnĩ, nẽ athĩknĩ hatĩ nẽẽg hiriiri, nẽẽthĩ hinnia, hõllõngaa aga ũdũt, nẽẽthĩ má hagaacõ, occa hatĩ õbõda nẽẽg hĩ Nyekuc, nẽ hatĩ ũtũngeek Nyekuci ꞌthẽccanẽẽt cĩggĩĩng.’ ”

ꞌLuuka 13:24

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

Yõaannẽ 1:51

Ma nĩngaata, õthõõth Yeesu ĩĩ, “Haduhaakuung dĩdĩ, acinnu hatĩ hẽẽtkujjieen ngaatĩ abbuuhẽnĩ nẽ udtuuktau aajĩlẽẽt cĩg Nyekuci, ngaatĩ õtõdĩ nẽ ulluucciak Ngeertĩ Eeto.”

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 3:5

Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

Dtiicanĩ cĩg ꞌThooyyiahu 28:27

Hĩnĩngĩtĩ õkõmĩ ĩhõõggõ vẽlẽk ooti; iita idiitti ĩĩna cĩggĩĩng pĩd, nẽ ĩĩtõ rubettĩg hẽbẽrĩ cĩggĩĩng. ꞌYioko baa hiittiõõ hõllõngaa aattĩg nẽẽg hoti, occa ꞌyioko acĩnĩ hẽbẽrẽẽnnĩĩ cĩggĩĩng, nẽ ĩthĩktõ ĩĩnĩĩ cĩggĩĩng, nẽ ꞌyioko baa hagaacõ ꞌthinneetinitõõ cĩggĩĩng nẽ iita hĩ nganĩĩta, occa thĩ baa hẽẽla ĩhõõggõ.’

Dtiicanĩ cĩg ꞌThooyyiahu 3:19

Ũtũngteek ꞌthẽccanẽẽt nẽ elemtu Nyekuc, hátĩ hũtũngtoothĩk ꞌthẽccanẽẽta, hátĩ haaꞌnyuung Makayyioohiti ꞌyiomman,

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

2 Pẽẽtũrũ 1:11

Nẽ hatĩ elemuung ngagiit Makayyioohiti Ellioohiti cĩnaac Yeesu Krĩstõ bulẽẽtta nẽ aaꞌnyuung uduhunit habuccieetaa cĩnnĩ ĩĩcĩ aalla ooo.