Maatteeo 17:3 - ꞌBuuk cĩ Thõõth cĩ Nyekuci

³ Ma nĩngaata noho, uppwaattak Mũũꞌtha hĩ Eliijja ĩhõõggõ, nĩngĩtĩ au õthõõthõnĩ hĩ Yeesu.

Maatteeo 17:3 ပူးပေါင်းရင်းမြစ်များ

Maatteeo 17:2

Ma muuraa tĩho, ikia ũtũhũĩ ẽlẽ cĩ Yeesu hẽbẽrẽẽnnĩĩ cĩggĩĩng hattaal hĩĩ õõppẽr. Baa attaalĩth muum cĩnnĩ haau hĩ kõrra nẽ attaalito ceremwaana cĩgĩnnĩg buúk, haauto hĩ lanyit cĩ korro.

Maatteeo 17:4

Ma ho, othoothĩk Pẽẽtũrũ Yeesu ĩĩnnĩk, “Makayyioohit, ẽllẽẽmĩth gẽrrẽẽt ngaatĩ haattiyyi naag ngaati, má adiimi, ĩꞌnya hẽtẽhẽnya tuggẽẽt iyyio, cunni hõdẽĩ, cĩ Mũũꞌtha hõdẽĩ nẽ ĩĩ cĩ Eliijja hõdẽĩ.”

Maarko 9:4

Ma ho, iita uppwaattak Eliijja hĩ Mũũꞌtha ĩhõõggõ nĩngaata nẽ othooꞌthio hĩ Yeesu.

ꞌLuuka 1:17

Uwwattẽẽkĩ hatĩ nẽẽ Makayyioohit loriia hĩ ꞌtirriaana cĩ Eliijja. Uwwattaa hatĩ nẽẽ hikia haaꞌnyĩk eet hũkũmattoothĩk, nga hikia Makayyioohiti. Aku hatĩ aaꞌnyĩk nẽẽ lõhõlĩ harraaccio hĩ maajihi, hátĩ haauto lõꞌngõõc nẽ irrioonĩk eet ꞌcĩg hõllõngaa athĩknĩ, hĩthĩhĩt ꞌgẽẽnyĩth cĩ eet ꞌcĩg abũnnaa.”

ꞌLuuka 16:16

Ma ho, irrioonĩk Yeesu nuyyiook ĩĩnnĩk “Baa udukiaak eet vẽlẽk nyattalĩ cĩ Mũũꞌtha hĩ thõõth cĩ põrõvẽtaaꞌnyanu, ĩꞌthõng hikia Yõaannẽ Batitta. Nganĩngĩtĩ irkiꞌnyia nicciag, nga ꞌthẽk allimanoothĩk eet nyeemuut ꞌcĩ abũnnaa cĩ habuccieet cĩ Nyekuci noho nẽ nga ꞌthẽk attĩman eeta vẽlẽk kõmĩĩtha ngaatĩ occa adukni.

ꞌLuuka 24:27

Nẽ ꞌthianaatta hĩ Mũũꞌtha hĩ põrõvẽtaaꞌnya vẽlẽk, uduhaak Yeesu ĩhõõggõ thõõth baa adukiaa ꞌBuuhẽtĩĩ cĩg Nyekuci, hĩnĩngĩtĩ ĩnõõnnõ.

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

ꞌLuuka 9:33

Ma baa ĩꞌngaathĩ Mũũꞌtha hĩ Eliijja õõ ho, othoothĩk Pẽẽtũrũ Yeesu ĩĩnnĩk, “Makayyioohit, ẽllẽẽmĩth ngaatĩ haattiyyi ngaati gẽrrẽẽt, hẽtẽhẽnyta da ꞌcieethi iyyio, cunni hõdẽĩ, cĩ Mũũꞌtha hõdẽĩ nẽ ĩĩ cĩ Eliijja.” Baa hõllõngaa aga Pẽẽtũrũ thõõth ꞌcĩ aduha ho.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.