Maatteeo 13:52 - ꞌBuuk cĩ Thõõth cĩ Nyekuci

⁵² Nĩngĩtĩ aduhaakĩ Yeesu ĩhõõggõ annẽẽkĩ, “Nẽẽthĩ, ꞌlimmanniooha cĩg nyattal cĩ Mũũꞌtha ꞌcĩg baag etereꞌthioothĩk thooꞌthioha ꞌcĩg habuccieet cĩ hẽẽtkujjieen, aattĩg nẽẽg hĩ baattĩ ꞌcieethu ꞌcĩ attiha baliinit cĩnnĩ ꞌcĩ nga ĩĩn ngeju hĩ ꞌcĩ ũnũũk battaala ꞌcieethaa cĩ ijjioonnu.”

Maatteeo 13:52 ပူးပေါင်းရင်းမြစ်များ

Maatteeo 12:35

Õthõõth eeta ꞌcĩg abũnnaa thooꞌthiok ꞌcĩg abũnnaa ꞌcĩg adukna ꞌthinneetinii cĩggĩĩng nẽ othoothito eeta ꞌcĩg abathĩ thooꞌthiok ꞌcĩg abathĩ ꞌcĩg adukna ꞌthinneetinii cĩggĩĩng.

Maatteeo 13:51

Nẽ ijin Yeesu nuyyiook cĩgĩnnĩg ĩĩnnĩk, “Ĩthĩktu niig thooꞌthiok iccig vẽlẽk?” Ẽdẽcĩ nẽẽg aĩ, “Eei, hĩthĩkta.”

Maatteeo 13:53

Ma baa ẽdẽcaak Yeesu ngaatĩ aduhaanĩ dtẽẽllẽn iccig awantoothĩk ko, ikia ũũk nẽẽ

Maatteeo 23:34

Hĩꞌthõõwakuung naa põrõvẽtaaꞌnya hĩ eet ꞌcĩg ẽggẽẽnyĩth hĩ eet ꞌcĩg alliman nyattal cĩ Nyekuci. Aruku hatĩ ũgĩ, nẽ otoddoyyieehu ũgĩ hurucciẽẽtĩ nẽ uuktu ũgĩ ꞌCieethinii cugguung ĩcĩg Laiittak nẽ itiggiayyu ĩhõõggõ ꞌtaaũnnioohĩ.

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

ꞌLuuka 11:49

Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

Yõaannẽ 13:34

“Nẽ haaꞌnyuung naa ngagiit tilooinit ꞌcĩ ĩĩn ngeju, ĩmmĩnanit eleeti cugguung hĩ baa hammĩnannuung naa ngagiita.

2 Korinthia 6:10

nẽ haccamanoothĩka ooo tananga korrioohĩĩ cĩg pĩĩrnattaak. Nẽ tananga hĩĩgĩnna naag hullaha, haanytĩha naag eet ꞌcĩg mẽẽlĩg gẽrrẽẽt baliinit, tananga hiꞌthihi ꞌgii ꞌcĩ haꞌnyaka naaga, ĩĩn hẽlẽggĩ vẽlẽk cĩggaang.

Eevvetho 3:4

Hĩcĩ agiillu niig waraga icci, ammũdaannu hatĩ jurrung ꞌgõõl ꞌcĩ hathĩknĩ naa thõõth cĩ Krĩstõ ꞌcĩ ammiꞌthi.

Eevvetho 3:8

Tananga hĩĩnĩ naa eet umwa haaga eetinii cĩg Nyekuci vẽlẽk, baa aaꞌnyĩhoothĩkaa nganĩĩt bũnnai ciee, hátĩ hillimaneek eet ꞌcĩg hõllõngaa ĩĩn ꞌJudeei baliinit cobbi gẽrrẽẽt ꞌcĩ aaĩ hĩ Krĩstõ.

Kolooꞌthe 1:7

Iita illimattaau niig nyeemuut ꞌcĩ abũnnaa hĩ ꞌgooneet cĩnaang Epavarato. Hadticanoothĩka naag Krĩstõ hĩ ĩnõõnnõ hõdẽĩ, ĩĩn nẽẽ eet ꞌcĩ abũnnaa ꞌcĩ aꞌthũũnnĩ dtiic cĩ Krĩstõ, hĩnĩngĩtĩ ngagĩĩta.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Timotteeo 3:6

Abũnnaa ĩĩn makayyioohiti cĩ lothippit cĩ lemmioohu eet ꞌcĩ ũnũũhĩk lemiinit hĩ Nyekuc, hĩnĩngĩtĩ ma athĩngõõnyanĩ, aĩnanaak hinnia habuui cĩ loriẽẽt ꞌcĩg abathĩ ĩnõõnnõ hẽꞌthẽcanõõ.

Tiito 1:9

Aꞌnyĩĩk hũꞌthũũtĩ thõõth baa ĩĩn dĩdĩ baa allimanoothĩk ĩnõõnnõ, hátĩ hẽẽl ꞌlimmanĩ cĩnnĩ ꞌcĩ ĩĩn dĩdĩ ho ꞌgõõnõgĩ nẽ itilo eet ꞌcĩg adiim abũrĩ thõõth icci.