Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maatteeo 13:3 - ꞌBuuk cĩ Thõõth cĩ Nyekuci

3 Nĩngĩtĩ allimanĩ nẽẽ ĩhõõggõ thooꞌthiohĩĩ ꞌcĩg awantoothĩk annẽẽkĩ, “Baa õkõ athacĩ kattioohiti umwaa hinyomo manatõõ cĩnnĩ.

အခန်းကိုကြည့်ပါ။ ကော်ပီ




Maatteeo 13:3
27 ပူးပေါင်းရင်းမြစ်များ  

Ma baa athac nẽẽ hinyomo, baa ĩꞌthanothoothĩk ũgẽẽgĩ ꞌgõõla nẽ iita adahit hĩbaallĩ.


Ma baa ẽdẽcaak Yeesu ngaatĩ aduhaanĩ dtẽẽllẽn iccig awantoothĩk ko, ikia ũũk nẽẽ


Baa aduhaak Yeesu eet dtẽẽllẽn ꞌcĩg awantoothĩk thõng tarĩ anneek,


“Illimatta thõõth hĩ ꞌmũũnĩc. Ma ũtũrrũũmatta bõllõõha tabanĩ, agayyu ngaatĩ õbõhõõĩ ũrraatĩ.


Baa iꞌthianaanĩ Yeesu aduhaak makayyiook cĩg ꞌJudeei thõõth ꞌcĩ awantoothĩk anneek, “Baa aaĩ ẽẽtĩ umwaa ꞌcĩ atiboolan hẽẽn cĩg viinoaak, nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Nĩngĩtĩ ũũnnĩkĩ mana cĩnnĩ ho kattiook nẽ ũũk hẽẽrõna.


Ma nĩngaata, iita idiimito makayyiooha cĩg ꞌJudeei ꞌgõõl ꞌcĩ aggamĩ Yeesu, hĩnĩngĩtĩ baa aga nẽẽg ngaatĩ awantẽẽkĩ nẽẽ ĩhõõggõ thõõth. Nẽẽthĩ, baa hinnia iꞌngolli nẽẽg lothippit cĩ eetu, nĩngĩtĩ ũũnnĩkĩ ĩnõõnnõ nẽ ammanyattĩ õõta.


Ma ho, ũtũvvũ Yeesu ĩhõõggõ hiita hĩ ĩnõõnnõ nẽ uduhaak thõõth ꞌcĩ awantoothĩk anneek, “Occa gõõng iiggia ꞌThĩttaanĩ ꞌThĩttaan ꞌgõõnĩ hutuno?”


Nĩngĩtĩ ajini Yeesu ĩhõõggõ annẽẽkĩ, “Ma hõllõngaa agayyu niig dtẽẽllẽn ꞌcĩg awantoothĩk ko nẽ hatĩ agayyu dtẽẽllẽn ũgĩ ꞌcĩg awantoothĩk hutuno?


Nẽ illimaneek Yeesu eet thooꞌthiok ꞌcĩg mẽẽlĩg ꞌcĩg awantoothĩk ho ĩꞌthõng hĩthĩhĩt eeta dhoorit umwa.


Nĩngĩtĩ ajini Pẽẽtũrũ Yeesu annẽẽkĩ, “Makayyioohit, aduhaakeet nii ngagĩĩt dioo thõõth ꞌcĩ awantoothĩk ko hode eet vẽlẽk?”


Nĩngĩtĩ ẽdẽcĩ Yeesu ĩhõõggõ annẽẽkĩ, “Baa elemmiakuung ngagiit agaac thooꞌthiok ꞌcĩg ammiꞌthi cĩg habuccieet cĩ Nyekuci ẽlẽk. Nẽẽthĩ, hallimani naa eet ũgĩ thooꞌthiohĩĩ ꞌcĩg awantoothĩk ko, haini hátĩ, “ ‘hedeeꞌnyia thõõth baa aduha ꞌBuuhi cĩ Nyekuci hĩĩ dĩdĩ baa aĩ, Tananga acĩnĩ nẽẽgĩ, aitiõõ hatĩ hõllõngaa adtuuha, nẽ tananga má athĩknĩ, aitiõõ hatĩ hõllõngaa au aga.’


“Tananga baa hadticaniini naa thooꞌthiok ꞌcĩg awantoothĩhĩ, aku hatĩ kõrra ꞌcĩ hõllõngaa hadticaniini naa thooꞌthiok ꞌcĩg awantoothĩk ko tarĩ, nẽẽthĩ, haduhaakuung hatĩ cũrũmũũm thõõth cĩ Baaba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ