Maatteeo 11:7 - ꞌBuuk cĩ Thõõth cĩ Nyekuci

⁷ Ma baa ĩtĩngaacõ nuyyiooha cĩg Yõaannẽ õõta, iꞌthianaaĩ Yeesu ijin lothippit thõõth cĩ Yõaannẽ ĩĩnnĩk, “Eet baa ꞌcĩ aaĩ hutuno ꞌcĩ ooyyu acinnu niig horrwatõõ ꞌcĩ õdõhõhĩĩ kak ko? Aaĩ baa nẽẽ hĩ ĩhaõõcĩ aagõõng uuni uuhan ngõõtĩ?

Maatteeo 11:7 ပူးပေါင်းရင်းမြစ်များ

ꞌThianaattõ 49:4

Loholeec caannĩ ꞌcĩ õpõppaan hĩ tawanĩ. Nẽẽthĩ, baa aduhuni ꞌcieeth caannĩ nẽ õõt atagguuꞌthu hĩ ngaa caannĩ, haduhaakiina, iittiõõ hatĩ gõõng ꞌtirriani hĩ ꞌrianĩĩth tõõ.

Maatteeo 11:8

Má aitiõõ, nganĩ thĩ baa ꞌcĩ ooyyu acinnu niig ko? Eet ꞌcĩ ahimti ceremwaanĩĩ ꞌcĩg ẽllẽẽmĩthĩ? Aitiõõ, eeta ꞌcĩg ahimit ceremwa ꞌcĩg ẽllẽẽmĩthĩ, aattĩg olooyyiohĩĩ cĩg habueetu.

Maatteeo 12:20

Aitiõõ hatĩ nẽẽ hõllõngaa aduul ĩhaooc ꞌcĩ aggiingi, hode adĩĩt ꞌloomo ꞌcĩ attũllĩ, ĩꞌthõng hatĩ haꞌnyaha bũnnai.

Maatteeo 21:25

Nganĩ baa ꞌcĩ aaꞌnyĩk Yõaannẽ makaaꞌthĩt ꞌcĩ aggamẽẽkĩ eet baattithimo? Aaꞌnyĩk baa Nyekuci hode aaꞌnyĩk eet ꞌcĩ holli õõ haaga?” Iita ijitto nẽẽg nyaagwaana ĩĩtõ, “Má haĩ hĩĩttĩk, ‘Aku hẽẽtahujjieen,’ ajinneet hinnia hatĩ anneekeet, ‘Nẽ baa hõllõngaa elemmu ĩnõõnnõ inni?’

Maatteeo 3:5

Nĩngĩtĩ allũnganniaanĩ eeta cĩg ꞌJeruꞌthalẽmĩ hĩ cĩg looc cĩ ꞌJudeea vẽlẽk, hĩ cĩg unak cĩ hidioo cĩ ꞌJõrdanĩ vẽlẽk hiita hĩ Yõaannẽ,

ꞌLuuka 8:18

Nẽẽthĩ, agaac authet ꞌcĩ athĩkneennu jurrung. Ẽẽtĩ ꞌcĩ aꞌnyak ꞌgiimwa, aaꞌnyĩhoothĩk hatĩ ꞌcĩ maka, nẽ ẽẽtĩ ꞌcĩ hiꞌthihi ꞌgiimwa ũdũt, aggammiaa hatĩ ꞌgii ꞌcĩ abadtẽc ꞌcĩ ammuk nẽẽ aĩ haꞌnyahi haau athĩnĩĩ ꞌtẽl.”

Yõaannẽ 1:38

Ma baa abbuudi Yeesu ho, adtuuha hinnia nuyyiook ꞌcĩg ĩĩn ꞌramma ho ngaatĩ anũĩ ĩnõõnnõ, nĩngĩtĩ ajini ĩhõõggõ annẽẽkĩ, “Anũyyiaangu inni?” Ẽdẽcĩ nẽẽg Yeesu anneek, “Rabbi, nĩngĩtĩ aayyi nii ho inoo?” Aĩ thõõth ꞌcĩ aĩ “Rabbi” ho Ebereeiyyi, “ꞌLimmannioohit.”

Yõaannẽ 5:35

Baa ĩĩn Yõaannẽ ꞌloomo ꞌcĩ aaꞌnyuung lanyit nẽ iita eberriaau niig ngaatĩ accamanoothiku hĩdĩhĩdĩĩc, hĩnĩngĩtĩ lanyit cĩnnĩ ho.

Eevvetho 4:14

Occa hõllõngaa haattĩg naag hĩ lohollia ꞌcĩg hidiciẽẽgĩ. Occa hõllõngaa haaꞌnyĩk eet ꞌcĩg ĩĩn oloꞌngiaak higgoollieet ꞌlimmaanaa cĩnĩĩng ĩcĩ ĩĩn õlõng, ĩcĩ aaĩ hĩ ngõõtĩ ꞌcĩ uuhan tahatak.

ꞌJeemith 1:6

Nẽẽthĩ, má alayyu niig Nyekuc ꞌgiimwa, adiim elemmu aĩ, aaꞌnyuung hatĩ nẽẽ ꞌgii tĩho dĩdĩ. Ma hĩccaaddu thõõth umwa, hĩnĩngĩtĩ ẽẽtĩ ꞌcĩ ĩccaad thõõth, aaĩ nẽẽ hĩ maama cĩg bũlũcaak ꞌcĩg uuhan ngõõtĩ.