Maatteeo 10:7 - ꞌBuuk cĩ Thõõth cĩ Nyekuci

⁷ Nẽ ma oottu, irrioonit nyeemuut ꞌcĩ aĩ, ‘Õbõhĩ habuccieet cĩ hẽẽtkujjieen aau ojoonu.’

Maatteeo 10:7 ပူးပေါင်းရင်းမြစ်များ

Maatteeo 10:8

Aanytĩk eet ꞌcĩg õmmõõrĩ hũbũttaathõ, uruguꞌthia eet ꞌcĩg adaahĩ, ũtũũnyĩt eet ꞌcĩg adak helleggeri nẽ itiggiayyu loriẽẽt ꞌcĩg abathĩ. Baa ammũdaannu niig ꞌbaaninit ꞌcĩ hõllõngaa adũmannu thõng, nẽẽthĩ ꞌyioko, eelit niig buúk eet haaga.

Maatteeo 11:1

Ma baa ẽdẽcaak Yeesu ngaatĩ ẽtẽrꞌthĩ nuyyiook cĩgĩnnĩg ĩĩn õmmõtõ hĩ ꞌramma ho ẽlẽk, ikia ĩtĩnga nĩngaata ũũk illimanõõ nẽ irrioon nyeemuut ꞌcĩ abũnnaa ꞌtaaũnnioohĩĩ cĩg ꞌGalileea.

Maatteeo 21:31

“Ma ammuku niig, occa buulenit iina ꞌcĩ athĩhĩ thõõth ꞌcĩ aduhaak maaꞌnyia ho?” Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Buulenit ꞌcĩ oou.” Nĩngĩtĩ aduhaakĩ Yeesu ĩhõõggõ annẽẽkĩ, “Haduhaakuung naa ngagiit thõõth dĩdĩ, aduhun hatĩ eeta ꞌcĩg alũt occoro hĩ ꞌwaaꞌngiak habuccieet cĩ Nyekuci ĩĩcĩ oou hĩ ngagiita!

Maatteeo 21:43

“Nẽẽthĩ hoti ho, haduhaakuung naa ngagiit hanneekuung, aggammiaa hatĩ habuccieet cĩ Nyekuci hĩ ngagiit nẽ aaꞌnyĩhoothĩk eet ꞌcĩg hatĩ adtican thooꞌthiok ꞌcĩg accamana Nyekuci.

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Maatteeo 3:2

Baa irrioon nẽẽ nyeemuut ꞌcĩ aĩ, “Ũtũngteek ꞌthẽccanẽẽt cugguung nẽ oboddiaau hĩ Nyekuc, hĩnĩngĩtĩ aau habuccieet cĩnnĩ cĩ hẽẽtkujjieen ojoonu.”

Maatteeo 4:17

Ngaanĩngĩtĩ kõr niccia, iꞌthianaaĩ Yeesu ngaatĩ irrioonĩkĩ eet annẽẽkĩ, “Ũtũngteek ꞌthẽccanẽẽt cugguung, hĩnĩngĩtĩ aau habuccieet cĩ hẽẽtkujjieen ojoonu.”

Maarko 6:12

Ma ho, ĩtĩngaacõ ꞌthooyyiaha nẽ õõt illimanit eet ꞌgõõl ꞌcĩ ũũnnĩkĩ ꞌthẽccanẽẽt cĩggĩĩng,

ꞌLuuka 16:16

Ma ho, irrioonĩk Yeesu nuyyiook ĩĩnnĩk “Baa udukiaak eet vẽlẽk nyattalĩ cĩ Mũũꞌtha hĩ thõõth cĩ põrõvẽtaaꞌnyanu, ĩꞌthõng hikia Yõaannẽ Batitta. Nganĩngĩtĩ irkiꞌnyia nicciag, nga ꞌthẽk allimanoothĩk eet nyeemuut ꞌcĩ abũnnaa cĩ habuccieet cĩ Nyekuci noho nẽ nga ꞌthẽk attĩman eeta vẽlẽk kõmĩĩtha ngaatĩ occa adukni.

ꞌLuuka 9:2

nẽ ĩꞌthõ ĩhõõggõ hõõt hillimatteek eet thõõth cĩ habuccieet cĩ Nyekuci nẽ aanytĩk ꞌcĩg õmmõõrĩ hũbũttaathõ.

ꞌLuuka 9:6

Nĩngĩtĩ ĩꞌngaannĩ ꞌthooyyiaha õõĩ olooyyiohĩ vẽlẽk nẽ illimanit nyeemuut ꞌcĩ abũnnaa nẽ aanytĩk eet hũbũttaathõ mooriꞌthioohĩ lõkõrẽẽt vẽlẽk.

ꞌLuuka 9:60

Ẽdẽcĩ Yeesu ĩnõõnnõ anneek, “Aꞌnyĩĩk daakiak hũmmũtĩt daakiak nyaagwaana. Bĩĩt nẽẽ nii ꞌlimmaneek eet nyeemuut cĩ habuccieet cĩ Nyekuci.”

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Dtiicanĩ cĩg ꞌThooyyiahu 10:25

Ma baa õdõlan Pẽẽtũrũ õlõ, iiraak Korneellio ĩnõõnnõ nĩĩcĩ noho nẽ akat huruꞌnyia tẽẽlꞌthĩta ꞌcĩ alaĩ ĩnõõnnõ.

Dtiicanĩ cĩg ꞌThooyyiahu 28:31

Nĩngĩtĩ arrĩcanaanĩ Paaulo irriõõnĩ habuccieet cĩ Nyekuci nẽ illimaneek eet thõõth cĩ Makayyioohit Yeesu Krĩstõ nẽ baa hiꞌthihi eet ꞌcĩ ũũlũ ngaatĩ abĩllĩ ĩnõõnnõ ũdũt.

Dtiicanĩ cĩg ꞌThooyyiahu 4:2

Baa alĩĩlĩ nẽẽg gẽrrẽẽt, hĩnĩngĩtĩ alliman ꞌthooyyiaha cieeg eet nẽ udukta thõõth ꞌcĩ arũgnaanĩ Yeesu daahĩtha.