Maatteeo 10:5 - ꞌBuuk cĩ Thõõth cĩ Nyekuci

⁵ Baa ĩꞌthõ Yeesu ꞌthooyyiak iccig ĩĩn õmmõtõ hĩ ꞌramma ho, ꞌgõõlaa ꞌcĩ annẽẽkĩ ĩhõõggõ, “Ma hooyyu hĩ eet ꞌcĩg hõllõngaa ĩĩn ꞌJudeei hode ꞌtaaũnnioohĩĩ cĩg eet cĩg Thamaria.

Maatteeo 10:5 ပူးပေါင်းရင်းမြစ်များ

Maatteeo 22:3

Baa ĩꞌthõ habuui nicciee dticcianniook cĩgĩnnĩg hõõt haꞌnyakta eet cĩg karramaawak, abũrĩ hinnia eeta ngaatĩ auuni.

Maatteeo 4:15

“Niig loonyini cĩg ꞌThebuluni hĩ Navtali, niig loonyini ꞌcĩg aattĩg ꞌgõõlaa ꞌcĩ õkõ ĩĩcĩ bũlũc cĩ hidioo cĩ ꞌJõrdanĩ! Thĩhõõ nii ꞌGalileea, lõõcĩ cĩ eet ꞌcĩg hõllõngaa ĩĩn ꞌJudeei!

Maarko 6:7

Ma nĩngaata, ikia ũtũvvũ nẽẽ ꞌthooyyiak cĩgĩnnĩg õmmõtõ hĩ ꞌramma nẽ ĩꞌthõ ĩhõõggõ hõõt hĩ ꞌramma hĩ ꞌramma nẽ aaꞌnyĩk ꞌtirriani ꞌcĩ õõ iiggiaĩ loriẽẽt ꞌcĩg abathĩ.

ꞌLuuka 10:1

Ma urutaa cĩnnĩ, ẽbẽra Yeesu Makayyioohiti nuyyiook hẽẽn tũkĩramma hĩ ꞌramma tarĩ nẽ ĩꞌthõ hĩ ꞌramma hĩ ꞌramma, hutuwattĩ hõõt ꞌtaaũnnioohĩ hĩ ꞌgoolliohĩ vẽlẽk ĩcĩg hatĩ õkõõĩ nẽẽnĩ.

ꞌLuuka 10:33

“Nẽẽthĩ urutaa cĩnnĩ, uppwaanna Thamaritaanõcĩ umwaa nĩngaata. Ma adtuuha eet nicci awaalĩth loota ho, aarria ĩnõõnnõ ꞌthĩnĩt nẽ atamaatĩk eet nicci.

ꞌLuuka 17:16

Nĩngĩtĩ aku ẽttẽẽdĩ looc ꞌthõõnĩĩ cĩg Yeesu nẽ atal ĩnõõnnõ gẽrrẽẽt. Nẽ baa ĩĩn ẽẽtĩ tĩho eet cĩ looc cĩ Thamaria.

ꞌLuuka 9:1

Ma baa ũtũvva Yeesu ꞌthooyyiak ꞌcĩg ĩĩn õmmõtõ hĩ ꞌramma ho hiita ngaatĩ hõdẽẽthõng, ikia aaꞌnyĩk ĩhõõggõ ꞌtirrian hĩ makaaꞌthĩt ꞌcĩ iiggiaĩ loriẽẽt ꞌcĩg abathĩ vẽlẽk heelliaĩĩ eet mooriꞌthioohĩ,

ꞌLuuka 9:2

nẽ ĩꞌthõ ĩhõõggõ hõõt hillimatteek eet thõõth cĩ habuccieet cĩ Nyekuci nẽ aanytĩk ꞌcĩg õmmõõrĩ hũbũttaathõ.

Yõaannẽ 17:18

Hĩcĩ ĩꞌthõõannaa nii nganĩĩt hikia loota nĩnga, hĩꞌthõ naa buúk nuyyiook hõõt looccaa nĩĩcĩ.

Yõaannẽ 20:21

Nẽ õbõdẽẽhĩ Yeesu õthõõth tarĩ ĩĩ, “Aꞌnyĩĩk ganõn haau hĩ ngagiita! Hĩ baa ĩꞌthõõannaa nganĩĩt Baaba, hĩꞌthooyyuung naa ngagiit buúk.”

Yõaannẽ 4:20

Baa gõõng alayyi hĩbaangĩ cĩggaang muuraa cĩ, ainnu hinnia niig eeta cĩg ꞌJudeei, aaĩ nĩngĩtĩ occa halaĩ Nyekuc ꞌJeruꞌthalẽma dioo.”

Yõaannẽ 4:5

Nĩngĩtĩ õdõlanĩ nẽẽ ꞌtaaũn umwa looccaa cĩ Thamaria ꞌcĩ haĩ Thikar, ngaatĩ baa õbõhõõ hĩ mana umwa, ꞌcĩ baa aaꞌnyĩk Yakobo ngeerĩnĩ Yothebo.

Yõaannẽ 4:9

Ẽdẽcĩ ngaa nicciee Yeesu anneek, “Alayyaa gõõng ẽẽtĩ ꞌcĩ ĩĩnĩ ꞌJudeeinit ngaa ꞌcĩ hĩĩnĩ Thamaritaanoc maam hutuno?” (Baa ĩĩgĩnnõõ eeta cĩg ꞌJudeei hĩ eet cĩg Thamaria mĩrõk.)

Yõaannẽ 7:35

Nĩngĩtĩ ajinõõnĩ makayyiooha cĩg ꞌJudeei ẽmmẽn aĩnnĩ, “Õkõ occa hatĩ nẽẽ ĩĩna hanyamaneet hatĩ ngaatĩ hammũdaanĩ ĩnõõnnõ ho? Õkõ occa hatĩ looccaa cĩ ꞌGirihi, ĩĩ gõõng ĩꞌthanõthõõthĩkĩ eeta cĩggaac eetinii cĩg ꞌGirihi nẽ ũũk illiman eet cĩg ꞌGirihi?

Yõaannẽ 8:48

Ma ho, edecit eeta cĩg ꞌJudeei Yeesu ĩĩttĩk, “Hẽbẽaneeka naag ngaatĩ haĩnna, ĩĩnnĩ nii Thamaritaanoc nẽ aꞌnyahi lori ꞌcĩ abathĩ.”

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 10:45

Lemmiooha ꞌcĩg etteeddi eleeti ꞌcĩg eet ꞌcĩg maacĩg, ꞌcĩg baag õõkõra hĩ Pẽẽtũrũ, iita ukullieek ꞌjieen ngaatĩ akuuni ꞌbaaniniti cĩ Lori ꞌcĩ Ẽllẽẽmĩth hĩ eet ꞌcĩg hõllõngaa ĩĩn ꞌJudeei.

Dtiicanĩ cĩg ꞌThooyyiahu 8:1

Baa abĩlĩ ꞌThaaulo nĩngaata hĩcĩn hoddiaanĩt ꞌcĩ adaaknĩ Tẽẽvẽnõ ho. Ma kõr niccia, itigirriaak pĩĩrnanĩtĩ ꞌcĩ maka gẽrrẽẽt lothippit cĩ lemmioohu ꞌJeruꞌthalẽma. Nĩngĩtĩ ĩꞌthanõthõõthĩkĩ nuyyiooha vẽlẽk looccaa cĩ ꞌJudeea hĩ looccaa cĩ Thamaria, hidionganit ꞌthooyyiaha diooni.

1 Tẽꞌthaloonika 2:16

Alaammeet nẽẽg ngagĩĩt ngaatĩ hallimaneeka eet ꞌcĩg hõllõngaa ĩĩn ꞌJudeei thõõth cĩ Krĩstõ, hátĩ heellia nẽẽgĩ. Nẽ ꞌgõõlaa cĩ, aalla eeta cĩg ꞌJudeei ꞌcĩg hõllõngaa ĩĩn lemmiook cĩg Yeesu, ittoorothi ꞌthẽccanẽẽt cĩggĩĩng noho. Nĩngĩtĩ hatĩ aku alĩĩlĩkĩ Nyekuci ĩhõõggõ uruta.