Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Maatteeo 10:3 - ꞌBuuk cĩ Thõõth cĩ Nyekuci

3 Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

အခန်းကိုကြည့်ပါ။ ကော်ပီ




Maatteeo 10:3
30 ပူးပေါင်းရင်းမြစ်များ  

Má abũrĩ nẽẽ ngaatĩ athĩknĩ ĩhõõggõ, uduktaak thõõth tĩho lothippit cĩ lemmioohu. Má abũrĩ nẽẽ ngaatĩ athĩknĩ lothippit cĩ lemmioohu buúk, aanytĩk haau hĩ eet ꞌcĩ hõllõngaa aga Nyekuc hode hĩ eet ꞌcĩ alũt occoro.


Hõrggẽẽnaa cĩ ngaaĩ iccig, baa aaĩ Maria Madalẽẽna, hĩ Maria aattĩ ꞌJeemithi hĩ Yothebo, ꞌcĩg ĩĩn lõhõlĩ cĩg ꞌThebedeeo.


Ma baa ĩtĩnga Yeesu nĩngaata ũũha, ikia ẽdẽẽnyõthĩ eet umwa ꞌcĩ haĩ Maatteeo iccioloongan ngaatĩ aayyi ẽẽtĩ ꞌcĩ alũt occoro. Ma ho, ũtũvvũ ĩnõõnnõ ĩĩnnĩk “Ijjia nũaa nganĩĩta.” Nĩngĩtĩ ĩꞌngaannĩ Maatteeo nĩĩcĩ noho nẽ ũnũ ĩnõõnnõ.


Nẽ baa aattĩg ngaaĩ ũgẽẽgĩ ꞌcĩg ẽbẽha Yeesu ꞌrẽẽna. Hõrggẽẽnaa cĩnĩĩng, baa aattĩg Maria Madalẽẽna hĩ Maria aattĩ ꞌJeemith baa hidici hĩ ꞌJothẽth hĩ Thaloome nĩngaata.


Ma baa nga õvvõ nẽẽnĩ, ẽdẽẽnyõthĩ ꞌLeevi ngeertĩ Aliveo, iccioloongan ngaatĩ adũmanĩ eeta occoro. Nĩngĩtĩ annẽẽkĩ ĩnõõnnõ, “Nũaa nganĩĩta!” Ma ho, ikia ĩtĩnga ꞌLeevi nẽ ũnũ ĩnõõnnõ.


Andrea, Pilippo, Bartolomeeo, Maatteeo, Tomaaꞌthio, ꞌJeemith ngeertĩ Aliveo, Tadeeo, ꞌThimõõnẽ baa gõõng ĩĩn ꞌThilot,


“Baa aattĩg eeta ꞌramma ꞌcĩg õõ alayyi ꞌCieethaa cĩ Nyekuci. Baa ĩĩn hõdẽĩ Variꞌtheenit nẽ ĩĩ umwaa luttioohit cĩ occoro.


Õkõ alayyi Variꞌtheeniti ꞌjieena aĩ, ‘Nyekuc, hanneekii ĩlaallẽ, hĩnĩngĩtĩ aitiõõ naa hõllõngaa haaĩ hĩ eeta ũgẽẽgĩ. Aitiõõ naa hõllõngaa hĩgõrꞌthĩ nẽ hõllõngaa hĩĩnĩ lobolobbiaahit nẽ hõllõngaa hattihi ngaaĩ cĩg eetuk nẽ tarĩ hõllõngaa ꞌthẽk haaĩ hĩ luttioohiti cĩ occoro ho.


“Baa hinnia abĩllaa luttioohiti cĩ occoro ho ꞌrẽẽna, akannĩ hẽbẽrĩ looc, hĩnĩngĩtĩ aga ngaatĩ ĩĩnĩ ꞌthẽccannioohit ꞌcĩ hõllõngaa occa ũũppan ngaatĩ acĩnõõꞌthĩ hẽẽtkujjieen. Nĩngĩtĩ ĩddaaĩ ĩyyõ nẽ alaõ ĩĩ, ‘Nyekuc, tamaatĩhaa nganĩĩt ꞌthẽccannioohit.’ ”


baa aaĩ eet umwaa ꞌcĩ haĩ ꞌThakeeo ꞌcĩ ĩĩn makayyioohit cĩ luttiook cĩg occoro. Baa ĩĩn nẽẽ eet ꞌcĩ aballi gẽrrẽẽt.


Ma uruta, ĩtĩnga Yeesu ũũk battaala nẽ udtuuha eet umwa ꞌcĩ haĩ ꞌLeevi ꞌcĩ ĩĩn luttioohit cĩ occoro iccioloongan ngaatĩ dtiico. Ma ho, ĩĩnnĩk ĩnõõnnõ, “Nũaa nganĩĩta.”


Ẽdẽcĩ Nathaniele ĩnõõnnõ anneek, “Agayyaa nii nganĩĩt hutuno?” Ẽdẽcĩ Yeesu anneek, “Hacinnii naa nganiit aa nga hutuvvii Pilippo, iccioloongani ꞌmũũnĩca uruta.”


Ma ho ẽdẽc Tomaaꞌthio ꞌcĩ haĩ ꞌthaar ũgĩ Diidimo, nĩngĩ gõõng haĩ naag hũũhũꞌnya, uduhaak ꞌgõõnõgĩ ĩĩnnĩk, “Hõõt naag buúk hadaahit hõdẽĩ hĩ Yeesu.”


Baa aaĩ nuyyioohiti umwaa ꞌcĩ haĩ ꞌJuuda nẽ hõllõngaa ĩĩn ꞌJuuda Ithkarioote. Nĩngĩtĩ ajini nẽẽ Yeesu annẽẽkĩ, “Makayyioohit, inni nii teretheeheet ngagĩĩt ẽlẽ cunni nẽ hõllõngaa eterꞌtheehi eet cĩg looc nicci buúk ko?”


Ma ho, ẽdẽc Tomaaꞌthio ĩnõõnnõ ĩĩnnĩk, “Makayyioohit, erekeet ngagĩĩt nĩngĩtĩ ꞌcĩ hatĩ õkõõĩ nii ho, occa hagayya hatĩ naag ꞌgõõl tĩho hutuno?”


Ẽdẽcĩ Yeesu Pilippo anneek, “Pilippo, hũrũmtĩ naag hĩ ngagiit waathinniook ꞌcĩg mẽẽlĩg nẽ nga gawaa buúk? Má ĩcĩna ẽẽtĩ umwaa nganĩĩta, ĩcĩn nẽẽ Baaba buúk. Anneekaa gõõng ‘Teretheeheet Baaba inni?’


Baa arũmĩ ꞌThimõõnẽ Pẽẽtũrũ hĩ Tomaaꞌthio ꞌcĩ haĩ ꞌthaar ũgĩ Diidimo hĩ Nathaniele ꞌcĩ aku ꞌtaaũnaa cĩ Kana looccaa cĩ ꞌGalileea, hĩ ꞌJeemith hĩ Yõaannẽ lõhõlĩ cĩg ꞌThebedeeo, hĩ nuyyiook ũgĩ ꞌramma nĩngaata.


Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.


Ma ho, othoothĩk Pẽẽtũrũ eet athĩnĩ hĩjjaaktõ nẽ ẽddẽẽbak ĩhõõggõ ꞌgõõl ꞌcĩ õõganĩ Makayyioohiti ĩnõõnnõ baabuutha ho. Nẽ tarĩ ĩĩnnĩk Pẽẽtũrũ ĩhõõggõ, “Uduktaak ꞌJeemith hĩ nuyyiook ũgĩ vẽlẽk thõõth icci.” Nĩngĩtĩ õkõõĩ nẽẽ ĩĩmwaanĩ.


Ma baa ẽdẽcaak nẽẽg ngaatĩ õthõõthĩ ho, ĩtĩnga eet umwaa ꞌcĩ haĩ ꞌJeemith õthõõth ĩĩ, “ꞌGotoonoga hĩ ngoonoga, ĩthĩktaangu nganĩĩta.


Ma baa kõr ꞌcĩ ꞌrĩĩng, hookorria naag vẽlẽk hĩ Paaulo hõõt hĩcĩtta ꞌJeemith nẽ baa aattĩg makayyiooha vẽlẽk tõõ.


Baa aitiõõ hõllõngaa homotoonna hĩ ꞌthooyyiak baag ũgĩ, ꞌJeemith dioo ꞌgõtõõnõgĩ Makayyioohit cĩnaac Yeesu, ꞌcĩ baa homotoonna.


Nẽ dĩdĩ, baa agayyi ꞌJeemithi hĩ Pẽẽtũrũ hĩ Yõaannẽ, ngaatĩ ĩĩnnĩ hitiirrwa cĩg lothippit cĩ lemmioohu. Baa agaoothi nẽẽg ꞌbaaninit baa aaꞌnya nganĩĩt Nyekuci nẽ ẽlẽmta nẽẽg nganĩĩt hĩ Baarnaba hidticattooa hõdẽĩ. Ma ho, iita ũkũtatteet nẽẽg ngagĩĩt hoottia hillimatta eet ꞌcĩg hõllõngaa ĩĩn ꞌJudeei nẽ õõt illimanit nẽẽg eet ꞌcĩg ĩĩn ꞌJudeei.


Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.


Waraga ꞌcĩ heheedi naa ꞌJuudi dticciannioohiti cĩ Yeesu Krĩstõ ꞌcĩ hĩĩnĩ ꞌgõtõnĩ ꞌJeemithi cieeni. Heheedihi naa waraga icci eet vẽlẽk ꞌcĩg baag ũtũvva Nyekuci Baangẽẽtĩ ꞌcĩ amĩnannuung ngagiit tũhaiittaa cĩ Yeesu Krĩstõ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ