Maatteeo 10:2 - ꞌBuuk cĩ Thõõth cĩ Nyekuci

² ꞌThaarriok cĩg ꞌthooyyiak ꞌcĩg ĩĩn õmmõtõ hĩ ꞌramma ho cieegi: Hõdẽĩ ꞌThimõõnẽ ꞌcĩ haĩ ꞌthaar ũgĩ Pẽẽtũrũ, hĩ ꞌgõtõnĩ ꞌcĩ haĩ Andrea, hĩ ꞌJeemith ngeertĩ ꞌThebedeeo, hĩ ꞌgõtõnĩ ꞌcĩ haĩ Yõaannẽ.

Maatteeo 10:2 ပူးပေါင်းရင်းမြစ်များ

Maatteeo 17:1

Ma baa urutaa cĩ waathinniook tõrkõnõn, ikia ũũhĩ Yeesu Pẽẽtũrũ hĩ ꞌJeemith hĩ Yõaannẽ ꞌgõtõnĩ ꞌJeemithi, muuraa umwaanĩ ĩcĩ uuni kĩdak.

Maatteeo 20:20

Ma nĩngaata, ikia ũmmũdaak aattĩ lõhõlẽẽtĩg ꞌThebedeeo Yeesu nẽ akateek ĩnõõnnõ huruꞌnyia nẽ ala ĩnõõnnõ ꞌgii ꞌcĩ adiim nẽẽnĩ.

Maatteeo 26:37

Baa õõkõr nẽẽ hĩ Pẽẽtũrũ hĩ lõhõlẽẽtĩg ꞌThebedeeo ꞌramma, ꞌJeemith hĩ Yõaannẽ, nĩngĩtĩ iꞌthianaanĩ nẽẽ ahayũnganiini nẽ õmmõthĩ gẽrrẽẽt.

Maatteeo 4:18

Kõr umwa, baa õvvõ Yeesu dẽmẽtaa cĩ Bũlũc cĩ ꞌGalileea. Ma ho, ĩcĩn ꞌgõtõn ꞌramma ꞌcĩg adhuheek nyelelewwa bũlũcatõõ, hĩnĩngĩtĩ baa ĩĩn nẽẽg eet ꞌcĩg aggam ulugo. Baa haĩ umwa ꞌThimõõnẽ nẽ hĩĩtõ umwa Andrea. Haĩ ꞌThimõõnẽ ꞌthaar ũgĩ Pẽẽtũrũ.

Maatteeo 4:21

Ma baa nga õvvõ Yeesu nĩngaata, ikia ĩcĩn ꞌgõtõn ꞌramma tarĩ, ꞌJeemith hĩ Yõaannẽ ꞌcĩg baag akũmaneek nyelelewwaꞌnya cĩggĩĩng haahũlatõõ, hĩ maaꞌnyĩ cĩnĩĩng ꞌThebedeeo. Nĩngĩtĩ avvaanĩ Yeesu ĩhõõggõ buúk.

Maarko 1:29

Ma baa uduhutta Yeesu hĩ nuyyiook cĩgĩnnĩg hĩ ꞌJeemith hĩ Yõaannẽ ꞌCieethaa cĩ Laiitto, iita õõt nẽẽg ĩĩcĩ õlõ cĩ ꞌThimõõnẽ hĩ Andrea.

Maarko 13:3

Ma baa uruta, ũũk iccioloongan Yeesu Muura hujjieen ĩcĩ Olivi ngaatĩ abakꞌthõõ hĩ ꞌCieeth cĩ Nyekuci. Ma nĩngaata, iita ijinit Pẽẽtũrũ hĩ ꞌJeemith hĩ Yõaannẽ hĩ Andrea ĩnõõnnõ ĩĩcĩ burki ĩĩttĩk,

Maarko 6:30

Ma baa oboddia ꞌthooyyiaha hĩ Yeesu, iita uduktaak ĩnõõnnõ thooꞌthiok vẽlẽk ꞌcĩg baag õõ adtican nẽẽg, hĩ thooꞌthiok vẽlẽk baag õõ allimaneek nẽẽg eeta.

ꞌLuuka 11:49

Nẽẽthĩ, hĩnĩngĩtĩ thooꞌthiok iccig vẽlẽk, aduha Nyekuci ꞌgẽẽnyĩthaa cĩnnĩ aĩ, ‘Hĩꞌthõõakuung hatĩ põrõvẽtaaꞌnya hĩ ꞌthooyyiak, aruku hatĩ ũgĩ nẽ õhõggõõrattu ũgĩ thõng.’

ꞌLuuka 22:14

Ma baa ũttũbanoothĩk kõrra, õõt udukto Yeesu hĩ ꞌthooyyiak cĩgĩnnĩg.

ꞌLuuka 22:8

ikia ĩꞌthõ Yeesu Pẽẽtũrũ hĩ Yõaannẽ anneek, “Õõt ũkũmatteek ꞌgẽẽn ꞌcĩ hadahĩ Kõr cĩ Haangittõõ.”

ꞌLuuka 5:10

Nẽ ubulan ꞌgõõnõgĩ ꞌcĩg haĩ ꞌJeemith hĩ Yõaannẽ buúk gẽrrẽẽt. Baa ĩĩn cieeg lõhõlĩ cĩg eet ꞌcĩ haĩ ꞌThebedeeo. Ma nĩngaata, uduhaak Yeesu ꞌThimõõnẽ ĩĩnnĩk, “Ma hiꞌngolli ꞌgii umwa, iꞌthianaanĩ kõr nicci, ulutu hatĩ gõõng nii eet hiita hĩthĩhĩt thõõth cĩ Nyekuci hĩgõõng aggami ulugo.”

ꞌLuuka 9:10

Ma baa oboddia ꞌthooyyiaha, iita uduktaak Yeesu dtiicanĩ ꞌcĩg baag adĩman nẽẽg ko. Nĩngĩtĩ õkõõĩ nẽẽ ĩhõõggõ ĩĩcĩ ꞌtaaũn cĩ Beꞌthaida.

Yõaannẽ 12:22

Ma ho, uduhaak Pilippo Andrea thõõth nicci nẽ õõt nẽẽg vẽlẽk uduktaak Yeesu.

Yõaannẽ 13:23

Baa aaĩ nuyyioohiti umwaa ꞌcĩ baa gõõng ammĩnan Yeesu, baa õbõhõõ nẽẽ hĩ Yeesu ꞌthaa ꞌcĩ aduhẽẽnĩ nẽẽgĩ.

Yõaannẽ 20:2

Nĩngĩtĩ avviri nẽẽ ammũdõõthĩkĩ ꞌThimõõnẽ Pẽẽtũrũ hĩ nuyyioohit umwa baa ammĩnan Yeesu nẽ uduhaak ĩhõõggõ ĩĩnnĩk, “Ammanyattõõĩ eeta ẽlẽ cĩ Makayyiookto ꞌloohatõõ nẽ hõllõngaa haga nĩngĩtĩ õõ aarĩkĩ ẽlẽ cĩnnĩ!”

Yõaannẽ 21:2

Baa arũmĩ ꞌThimõõnẽ Pẽẽtũrũ hĩ Tomaaꞌthio ꞌcĩ haĩ ꞌthaar ũgĩ Diidimo hĩ Nathaniele ꞌcĩ aku ꞌtaaũnaa cĩ Kana looccaa cĩ ꞌGalileea, hĩ ꞌJeemith hĩ Yõaannẽ lõhõlĩ cĩg ꞌThebedeeo, hĩ nuyyiook ũgĩ ꞌramma nĩngaata.

Yõaannẽ 21:20

Ma baa ho, ubbuudi Pẽẽtũrũ nẽ udtuuha nuyyioohit baa ammĩnan Yeesu ngaatĩ anũĩ ĩhõõggõ. Baa eejehoothĩk nuyyioohiti ciee Yeesu baa aduhi nẽẽg ꞌjiaat nẽ ijin ĩnõõnnõ ĩĩnnĩk, “Makayyioohit, nganĩ hõrggẽẽnaa cĩnaang ꞌcĩ hatĩ õhõppõõcannii nganiit ko?”

Yõaannẽ 21:24

Nuyyioohit ꞌcĩ aduha thooꞌthiok iccig vẽlẽk ko cieeni nẽ eteheedĩk loota. Haga naag ĩĩn thõõth ꞌcĩ aduha nẽẽ ho dĩdĩ.

Yõaannẽ 6:67

Nĩngĩtĩ ajini Yeesu nuyyiook cĩgĩnnĩg ĩĩn õmmõtõ hĩ ꞌramma ho annẽẽkĩ, “Aitiõõ niig buúk hõllõngaa adiimmu ũũnnĩkaangu?”

Yõaannẽ 6:70

Ẽdẽcĩ Yeesu ĩhõõggõ anneek, “Nga nooyyia hẽbẽraauung naa ngagiit ꞌcĩg iiginnu õmmõtõ hĩ ꞌramma ho? Nẽẽthĩ hinnia, aaĩ eet umwaa hõrggẽẽnaa cunuung ꞌcĩ ĩĩn lori ꞌcĩ abathĩ!”

Yõaannẽ 6:71

Baa õthõõth Yeesu ꞌJuuda, ngeertĩ eet ꞌcĩ haĩ ꞌThimõõnẽ Ithkarioote, ꞌcĩ hatĩ õhõppõõcan ĩnõõnnõ kõr umwa. Tananga baa aaĩ ꞌJuuda buúk nuyyiõõhĩĩ ꞌcĩg ĩĩn õmmõtõ hĩ ꞌramma ho.

Yõaannẽ 6:8

Ma nĩngaata, ẽdẽc nuyyioohiti cĩnnĩ umwaa ꞌcĩ haĩ Andrea ꞌgõtõnĩ ꞌThimõõnẽ Pẽẽtũrũ ĩĩ,

Dtiicanĩ cĩg ꞌThooyyiahu 1:13

Ma baa õdõlanit nẽẽg ꞌtaaũn, õõt otodit ꞌcieetha lokora ngaatĩ baa aattiyyi. ꞌThooyyiak ꞌcĩg baag aattĩg nĩngaata ho cieegi: Pẽẽtũrũ, Yõaannẽ, ꞌJeemith hĩ Andrea, Pilippo hĩ Tomaaꞌthio, Bartolomeeo hĩ Maatteeo, ꞌJeemith ngeertĩ Aliveo, ꞌThimõõnẽ ꞌThilot, ꞌJuuda ngeertĩ ꞌJeemithi.

Dtiicanĩ cĩg ꞌThooyyiahu 1:26

Ma nĩngaata, uruhit tooto, nĩngĩtĩ ẽbẽraanĩ tooto Mattiia hũrũmoothĩk ꞌthooyyiak õmmõtõ hĩ hõdẽĩ.

Dtiicanĩ cĩg ꞌThooyyiahu 12:2

Baa aduhaak nẽẽ athegereeꞌnya hetteeddia õõ cĩ ꞌJeemithi ꞌgõtõnĩ Yõaannẽ.

Dtiicanĩ cĩg ꞌThooyyiahu 3:1

Kõr umwa, baa õõ Pẽẽtũrũ hĩ Yõaannẽ ꞌCieethaa cĩ Nyekuci ꞌthaa cĩ laiitto, baa ꞌthaa iyyio cĩ ꞌjiaatinu.

1 Korinthia 15:7

Ma ho, uppwaannak nẽẽ ꞌJeemith, ma uruta, ikia uppwaannak ꞌthooyyiak vẽlẽk,

Eevvetho 4:11

Baa ĩnõõnnõ ꞌcĩ ẽbẽra eet ũgĩ hĩĩtõ ꞌthooyyiak nẽ ẽbẽra ũgĩ hĩĩtõ põrõvẽtaaꞌnya nẽ ẽbẽra ũgĩ hĩĩtõ eet ꞌcĩg allimaneek eet thõõth cĩ Nyekuci nẽ ẽbẽra ũgĩ hĩĩtõ paadĩrꞌnya hĩ ꞌlimmanniook,

Ebereei 3:1

Niig ꞌgotoonoga hĩ ngoonoga cieegi, ẽbẽraauung Nyekuci ngagiit ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, ummuhit Yeesu ꞌcĩ hanneek naag ꞌthooyyiahit cĩ Nyekuci nẽ ĩĩ paadĩr cobbi ꞌcĩ hẽlẽmĩ naag ko.

1 Pẽẽtũrũ 1:1

Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

2 Yõaannẽ 1:1

Waraga ꞌcĩ aku hĩ nganĩĩt Yõaannẽ makayyioohit cĩ lothippit cĩ lemmioohu cieeni. Hẽhẽẽdahi naa waraga ngaa ꞌcĩ baa ẽbẽra Nyekuci hĩ lõhõlĩ cĩgĩnnĩg vẽlẽk ꞌcĩg hammĩnani naa thõõthaa ꞌcĩ ĩĩn dĩdĩ, haau hĩcĩ ammĩnan ĩnõõnnõ eeta vẽlẽk ꞌcĩg aga thõõth ꞌcĩ ĩĩn dĩdĩ.

3 Yõaannẽ 1:1

Waraga ꞌcĩ heheedi naa Yõaannẽ makayyioohiti cĩ lothippit cĩ lemmioohu cieeni. Heheedihi waraga ꞌgõõna ꞌGaio eet ꞌcĩ hammĩnani gẽrrẽẽt thõõthaa ꞌcĩ ĩĩn dĩdĩ.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.

Terethiinit 1:9

Nganĩĩt ꞌgotonu Yõaannẽ ꞌcĩ hĩĩnĩ ꞌthooyyiahit cĩ Krĩstõ, hõthõl naag hĩ ngagiit temeethi cĩ ꞌcannan ꞌcĩ ammũda eeta cĩg habuccieet cĩ Nyekuci thõng. Baa hiiggiaoothihi naa dtuungaa cĩ Patamo, hĩnĩngĩtĩ hirriooni thõõth cĩ Nyekuci hĩ thõõth ꞌcĩ ĩĩn dĩdĩ, baa ẽtẽrꞌtha Krĩstõ.

Terethiinit 18:20

Accamattoothĩk niig eeta cĩg Nyekuci hẽẽtahujjieen hĩ ꞌthooyyiak hĩ põrõvẽtaaꞌnya cĩgĩnnĩg vẽlẽk, hĩnĩngĩtĩ uuk Nyekuci ꞌtaaũn nicci hakattio hĩ ꞌgõõl baa adĩmannuung nẽẽ ngagiit buúk.’ ”

Terethiinit 22:8

Baa nganĩĩt Yõaannẽ ꞌcĩ hathihi nẽ hĩcĩna thooꞌthiok iccig. Ma baa hĩthĩha nẽ hĩcĩna thooꞌthiok iccig, hakata huruꞌnyia nẽ halaõ muumaa cĩ aajĩlõ ꞌcĩ aku eterꞌtheeka thooꞌthiok iccig ko.