Maatteeo 10:1 - ꞌBuuk cĩ Thõõth cĩ Nyekuci

¹ Ũtũvva Yeesu ꞌthooyyiak cĩgĩnnĩg õmmõtõ hĩ ꞌramma hiita hĩ ĩnõõnnõ nẽ aaꞌnyĩk ꞌtirrian ꞌcĩ iiggiaĩ loriẽẽt ꞌcĩg abathĩ hĩ ꞌcĩg ẽẽlanĩ eet mooriꞌthioohĩ cũũmõ cũũmõ.

Maatteeo 10:1 ပူးပေါင်းရင်းမြစ်များ

Maatteeo 19:28

Ẽdẽcĩ Yeesu ĩnõõnnõ anneek, “Eei, iittu niig vẽlẽk nuyyiook cĩgannĩg nẽ haduhaakuung dĩdĩ, ma iccioloongan Ngeertĩ Eeto dtaabawaa cĩnnĩ ĩĩcĩ bulẽẽttõ, iccioloongannu hatĩ niig buúk dtaabĩtĩĩ ꞌcĩg ĩĩn õmmõtõ hĩ ꞌramma nẽ etteeddu thooꞌthiok cĩg habuccieeꞌnya õmmõtõ hĩ ꞌramma cĩg Ĩꞌthĩraẽlĩ.

Maatteeo 26:20

Ma baa õdõlan ꞌjiaatĩnĩ niccia, iita aauto Yeesu hĩ nuyyiook cĩgĩnnĩg ꞌcĩg ĩĩn õmmõtõ hĩ ꞌramma tẽrẽmẽẽjawa.

Maatteeo 26:47

Ma baa nga õthõõth Yeesu hoti, uppwaanna ꞌJuuda baa ĩĩn ꞌthooyyiahit ꞌgoonoginnii ꞌcĩg baag ĩĩn õmmõtõ hĩ ꞌramma, õõkõra hĩ lothippit cĩ eet ꞌcĩg aꞌnyak nyetubooꞌnya hĩ hĩbahĩꞌnya, ꞌcĩg baag ĩꞌthõõa makayyiooha cĩg paadĩrꞌnyaannu hĩ makayyiook cĩg eetuk.

Maatteeo 4:23

Baa õvvõõĩ Yeesu looc cĩ ꞌGalileea vẽlẽk alliman eet ꞌCieethinii cĩg Laiittak nẽ irrioon nyeemuut ꞌcĩ abũnnaa cĩ habuccieet cĩ Nyekuci nẽ tarĩ aaꞌnyĩk eet ꞌcĩg õmmõõrĩ mooriꞌthiook cũũmõ cũũmõ hũbũttaathõ.

Maatteeo 6:13

Ma haaꞌnyeet ngagĩĩt hĩttĩmaneet ꞌThĩttaanĩ, nẽẽthĩ, õgaaeet ngagĩĩt ꞌtĩmmaniittaa cĩ ꞌThĩttaanõ.’

Maatteeo 9:35

Baa õkõ Yeesu ꞌtaaũnnioohĩ hĩ olooyyiohĩ vẽlẽk alliman eet ꞌCieethinii cĩg Laiittak, irrioon nyeemuut ꞌcĩ abũnnaa cĩ habuccieet cĩ Nyekuci nẽ aaꞌnyĩk eet ꞌcĩg õmmõõrĩ vẽlẽk hũbũttaathõ.

Maatteeo 9:38

Nẽẽthĩ hoti ho, ijinit Makayyioohit cĩ manu haꞌnyaha dticcianniook cĩg janiittak manatõõ cĩnnĩ.”

ꞌLuuka 10:19

Haaꞌnyuung naa ngagiit ꞌtirriani ꞌcĩ õõ õrõrrõõcannu hũkaaꞌnya hĩ nyadokorrooꞌnya ẽlẽk, hĩ ꞌtirrian ꞌcĩ ĩllõõannu mĩrõk nẽ aitiõõ ꞌthẽk hatĩ ꞌgii ꞌcĩ adakuung tõõ.

ꞌLuuka 21:15

Haaꞌnyuung hatĩ naa ꞌgẽẽnyĩth ꞌcĩ hõllõngaa ũũlũ eeta ꞌcĩg abilluung ko, ngaatĩ athĩknĩ hode ngaatĩ ilocanĩ.

ꞌLuuka 24:49

Hõkõ hatĩ hĩꞌthõõakuung naa ngagiit eet baa aduha Baaba. Nẽẽthĩ, aallattia ꞌtaaũnatõõ ĩꞌthõng haaꞌnyĩhoothĩhuung ꞌtirriani ꞌcĩ aku hẽẽtahujjieen.”

ꞌLuuka 6:13

Ma baa ĩĩ lõõcĩ wataak, ũtũvva nẽẽ nuyyiook cĩgĩnnĩg vẽlẽk nẽ ẽbẽra õmmõtõ hĩ ꞌramma nẽ aaꞌnyĩk hĩĩtõ ꞌthooyyiak cĩgĩnnĩg.

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 3:27

Ẽdẽcĩ Yõaannẽ ĩhõõggõ anneek, “Aitiõõ ẽẽtĩ ꞌcĩ occa ammũda ꞌgiimwa, hatĩ nga hẽlẽmaahĩ Nyekuci ĩnõõnnõ hũũk hẽẽtahujjieen.

Yõaannẽ 3:35

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.

Yõaannẽ 6:70

Ẽdẽcĩ Yeesu ĩhõõggõ anneek, “Nga nooyyia hẽbẽraauung naa ngagiit ꞌcĩg iiginnu õmmõtõ hĩ ꞌramma ho? Nẽẽthĩ hinnia, aaĩ eet umwaa hõrggẽẽnaa cunuung ꞌcĩ ĩĩn lori ꞌcĩ abathĩ!”

Dtiicanĩ cĩg ꞌThooyyiahu 1:8

Nẽẽthĩ, ammũdaannu hatĩ ꞌtirriani, hatĩ ikia Lorii ꞌcĩ Ẽllẽẽmĩth hĩ ngagiita. Nẽ hatĩ iittu niig hẽbẽrĩ cĩgannĩg ꞌJeruꞌthalẽma hĩ looccaa cĩ ꞌJudeea hĩ looccaa cĩ Thamaria hĩ looc vẽlẽk.”

Dtiicanĩ cĩg ꞌThooyyiahu 19:15

Ma kõr umwa, ĩĩnnĩk lorii umwaa ꞌcĩ abathĩ lõhõlĩ cĩg Cẽẽva ho, “Haga naa Yeesu nẽ hagawa Paaulo buúk. Ma niig hĩ nganĩ niig?”

Terethiinit 12:1

Ma ho, hudtuuha ꞌgiimwa ꞌcĩ ĩnaat eeta ꞌcĩ edeeꞌnyia hẽẽtahujjieen. Ĩĩn ngaa umwa ꞌcĩ ahimit ceremwa ꞌcĩg ĩĩn kõr, abĩlĩ nyĩlõõha nẽ itihim temedek ꞌcĩ aꞌnyak mũnyũny õmmõtõ hĩ ꞌramma.