Maatteeo 1:2 - ꞌBuuk cĩ Thõõth cĩ Nyekuci

² Baa ĩĩn Abũrahamĩ maaꞌnyĩ Iꞌthaako, nẽ ĩĩ Iꞌthaako maaꞌnyĩ Yakobo. Nẽ ĩĩ Yakobo maaꞌnyĩ ꞌJuuda hĩ ꞌgõtõõnõgĩ.

Maatteeo 1:2 ပူးပေါင်းရင်းမြစ်များ

ꞌThianaattõ 25:19

Hattũũg cĩ Iꞌthaako ngeertĩ Abũrahamĩ cieeni.

ꞌThianaattõ 25:26

Ma baa ũũkcaa ĩdõlĩ ꞌcĩ uruto ho, aggam hinnia ꞌgõtõnĩ ꞌcĩ oou ho tiitinyooc, nĩngĩtĩ akannõõthĩkĩ ꞌthaara ꞌcĩg haĩ Yakobo. Baa ĩĩn Iꞌthaako irkiꞌnyia hẽẽn tõrkõnõn, baa arrittiaa lohollia cĩgĩnnĩg ko.

Maatteeo 1:1

Baa arrittiaa Yeesu Krĩstõ halaangatõõ cĩ habu Daavide hĩ halaangatõõ cĩ Abũrahamĩ. Nẽ ꞌthaarriok cĩg hĩbaangĩ cĩgĩnnĩg cieegi.

Maatteeo 1:3

Ma ho, ikia ittira ꞌJuuda Pẽrẽth hĩ ꞌThẽẽra, ꞌcĩg baag haĩ aattĩnĩĩng Tamar, baa ĩĩn Pẽrẽthĩ maaꞌnyĩ Hethoronĩ, nẽ ĩĩ Hethoronĩ maaꞌnyĩ Ramĩ,

Dtiicanĩ cĩg ꞌThooyyiahu 7:8

Nĩngĩtĩ aaꞌnyĩkĩ Nyekuci Abũrahaamõ lõhõt ꞌcĩ ẽttẽẽdĩ ẽlẽ cĩ eet ꞌcĩ maacĩ. Ma ho, ikia ittira nẽẽ Iꞌthaako nẽ aaꞌnyĩk hẽttẽẽdĩ ẽlẽ baa ĩĩtõ waathinniooha turkiyyio. Ma uruta, ikia ittira Iꞌthaako Yakobo nẽ ikia Yakobo ĩĩ maaꞌnyĩ nyahaapanĩt õmmõtõ hĩ ꞌramma, ꞌcĩg hiita hĩĩtõ hĩbaangĩ cĩggaac.

Ebereei 11:11

Baa lemiinit ꞌcĩ aaꞌnyĩk Thaara haꞌnyak loholeec, tananga baa hõllõngaa aꞌnyaki nẽẽnĩ nẽ baa atahaany gẽrrẽẽt. Baa ẽlẽmĩ nẽẽ thõõth baa aduhaak Nyekuci ĩnõõnnõ.

Ebereei 7:14

Haga naag vẽlẽk aku Makayyioohiti cĩnaac hattũũgaa cĩ ꞌJuuda nẽ nga huduha Mũũꞌtha thõõth ꞌcĩ occa auuni paadĩrꞌnya hattũũgaa cĩ ꞌJuuda ũdũt.

Terethiinit 7:5

Baa ammacaaranni eeta alibnya õmmõtõ hĩ ꞌramma (12,000) habuccieetaa cĩ ꞌJuuda. Nẽ ammacaarattĩ eeta alibnya õmmõtõ hĩ ꞌramma (12,000) habuccieetaa cĩ ꞌRuubenĩ. Ammacaaranni tarĩ eeta alibnya õmmõtõ hĩ ꞌramma (12,000) habuccieetaa cĩ ꞌGaadĩ.