Maatteeo 1:1 - ꞌBuuk cĩ Thõõth cĩ Nyekuci

¹ Baa arrittiaa Yeesu Krĩstõ halaangatõõ cĩ habu Daavide hĩ halaangatõõ cĩ Abũrahamĩ. Nẽ ꞌthaarriok cĩg hĩbaangĩ cĩgĩnnĩg cieegi.

Maatteeo 1:1 ပူးပေါင်းရင်းမြစ်များ

ꞌThianaattõ 12:3

Haggatani hatĩ naa eet ꞌcĩg aggatannii nganiita, nẽ hĩccĩĩna eet ꞌcĩg acciinni nganiita. Haggatani hatĩ naa eet loonyini vẽlẽk, hĩnĩngĩtĩ nganiita.”

ꞌThianaattõ 2:4

ꞌGõõl ꞌcĩ baa ẽhẽnytaanĩ Nyekuci looc ko cieeni. Baa ẽhẽnyta Makayyioohiti Nyekuci hẽẽtkujjieen hĩ looc,

ꞌThianaattõ 22:18

Nẽ hĩnĩngĩtĩ athĩknaa nii nganĩĩta, ammũda hatĩ eeta cĩg loonyinu vẽlẽk ꞌgattan lõhõlẽẽnĩĩ cugunnig.”

ꞌThianaattõ 5:1

Hattũũg cĩ õlõ cĩ Aadamĩ cieeni. Baa ẽhẽnyta Nyekuci eet hĩ ngaaĩ haauto hĩ nẽẽnĩ.

Maatteeo 1:18

ꞌGõõl ꞌcĩ baa arrittiaanĩ Yeesu Krĩstõ cieeni: Baa aaĩ bũhẽẽcĩ umwaa ꞌcĩ haĩ Maria ꞌcĩ ẽlẽmmõõ hĩ eet ꞌcĩ haĩ Yothebo cĩ hattũũg cĩ habu Daavide. Ma baa nga hũrũmtĩ hõdẽĩ, ikia ummuddia thõõth ꞌcĩ aĩ, aꞌnyak Maria loholeec ꞌcĩ arrittiaa Loriiaa ꞌcĩ Ẽllẽẽmĩthĩ.

Maatteeo 1:2

Baa ĩĩn Abũrahamĩ maaꞌnyĩ Iꞌthaako, nẽ ĩĩ Iꞌthaako maaꞌnyĩ Yakobo. Nẽ ĩĩ Yakobo maaꞌnyĩ ꞌJuuda hĩ ꞌgõtõõnõgĩ.

Maatteeo 15:22

Ma ho, ikia uppwaanna ngaa umwaa ꞌcĩ ĩĩn Kanaaneenit cĩ looc niccia, arruyyia ꞌjieena aĩ, “Makayyioohit, Ngeertĩ Daavide, tamaatĩhaanĩ! Appĩĩrna loholeec caannĩ aꞌnyak loriẽẽt ꞌcĩg abathĩ.”

Maatteeo 3:16

Ngaanĩngĩtĩ aggamĩ Yeesu baattithimo ho, ikia ĩꞌngõtha nẽẽ maamĩ battaala. Ma nĩngaata noho, ẽdẽẽnyõthĩ hẽẽtkujjieen ngaatĩ abbuuhẽnĩ nẽ udtuuha Lori cĩ Nyekuci ngaatĩ alluucciakĩ ĩnõõnnõ, ꞌcĩ aaĩ hĩ bõllõõĩ hikia hiccioloonganĩ ĩnõõnnõ.

Maatteeo 9:27

Ma baa nga õvvõ Yeesu ꞌgõõla, iita ũnnẽẽcõ eeta ũgẽẽgĩ ꞌramma ꞌcĩg rubettĩg ĩnõõnnõ nẽ ĩĩtõ, “Ngeertĩ Daavide, tamaatĩheet ngagĩĩta!”

ꞌLuuka 1:33

Ĩĩn hatĩ nẽẽ habu habuccieetaa cĩ Yakobo ũdũt. Aitiõõ hatĩ habuccieet cĩnnĩ hõllõngaa edeccia.”

Yõaannẽ 7:42

Hõllõngaa nooyyia aduha ꞌBuuhi cĩ Nyekuci aĩ, arrittiaa hatĩ Krĩstõ hattũũgaa cĩ habu Daavide, Bẽtẽlẽma ꞌtaaũnaa baa aayyi nẽẽnĩ?”

Dtiicanĩ cĩg ꞌThooyyiahu 2:30

Nẽẽthĩ, baa ĩĩn Daavide põrõvẽtaac nẽ aga ngaatĩ aduhaakĩ Nyekuci ĩnõõnnõ ngaatĩ hatĩ aarĩkĩ loholeec umwa cĩ hattũũg cĩnnĩ, hikia haavvi dtaaba cĩnnĩ hĩĩ habu.

ꞌRooma 1:3

ĩĩn nyeemuut ciee abũnnaa ho, cĩ Ngeerĩnĩ baa aku arrittiaa hĩĩ eet hĩ naaga, hattũũgaa cĩ habu Daavide.

ꞌRooma 4:13

Baa hõllõngaa ammũda Abũrahamĩ hĩ lõhõlĩ cĩg lõhõlĩ cĩgĩnnĩg, thõõth ꞌcĩ aduha Nyekuci, aĩ ĩĩn hatĩ nẽẽg ꞌrigiꞌthiook cĩg lootu, hĩnĩngĩtĩ nyattal. Nẽẽthĩ, baa ammũda, hĩnĩngĩtĩ bũnnai ꞌcĩ aku, hĩnĩngĩtĩ lemiinit.

ꞌRooma 9:5

Ĩĩn Abũrahamĩ hĩ Iꞌthaako hĩ Yakobo maajihi cĩggĩĩng nẽ baa ĩĩn Yeesu Krĩstõ buúk Ĩꞌthĩraẽleenit hĩ ẽẽtĩ ꞌcĩ holli õõ. Nẽ ĩĩn nẽẽ Nyekuc, ꞌcĩ aggam looc vẽlẽk, hátĩ hĩdĩhĩthĩt eeta ĩnõõnnõ ooo! Aamẽn.

ꞌGalaaꞌthia 3:16

Baa aduhaak Nyekuci Abũrahaamõ hĩ loholeec cĩnnĩ thõõth ꞌcĩ hatĩ aggatanĩ nẽẽ eet loonyini vẽlẽk, hĩnĩngĩtĩ Abũrahaamõ. Nẽ agaac ngaatĩ hõllõngaa aduhaanĩ ꞌBuuhi cĩ Nyekuci aĩnnĩ, “Hõllõngaa õkõ ꞌgattanĩ ciee hĩ lõhõlĩ cĩgĩnnĩg,” ꞌcĩg mẽẽlĩg, ĩko aĩ õkõ, “Hĩ loholeec cĩnnĩ,” nẽ ĩĩn loholeec niccia Krĩstõ.

1 Timotteeo 2:5

Hĩnĩngĩtĩ aaĩ Nyekuci hõdẽẽthõng diooni nẽ Yeesu Krĩstõ dioo ꞌcĩ ĩĩn jayyio ꞌcĩ aꞌnyaha eet hĩ Nyekuc.

2 Timotteeo 2:8

Muhunooth Yeesu Krĩstõ, baa arũgtha Nyekuci daahĩtha, baa arrittiaa nẽẽ hattũũgaa cĩ habu Daavide. Nyeemuut ꞌcĩ abũnnaa ꞌcĩ hallimani naa ho cieeni,

Terethiinit 22:16

“Nganĩĩt Yeesu! Nẽ nganĩĩt ꞌcĩ hĩꞌthõõakii nganiit aajĩlõ caannĩ ho, hikia huduhaahi thooꞌthiok iccig, hátĩ hĩthĩhĩt lothippiꞌnya cĩg lemmioohu vẽlẽk. Hĩĩnĩ naa habuccieet cĩ hattũũg cĩ õlõ cĩ Daavide. Nẽ Hĩĩnĩ coobooc gõõng aara ngerrenita.”