Maarko 9:43 - ꞌBuuk cĩ Thõõth cĩ Nyekuci

⁴³ Má aaꞌnyi nganiit aꞌthiiti cunni dĩman ꞌthẽccan, ꞌtẽẽdak tuu. Mẽẽn ngaatĩ adukni rũgẽtaa ꞌcĩ aalla ooo aꞌnyahi aꞌthiit hõdẽẽthõng, hĩllõõan ngaatĩ aꞌnyahĩ athĩn vẽlẽk nẽ uuhu ꞌgwoyyiatõõ ꞌcĩ aalla ooo,

Maarko 9:43 ပူးပေါင်းရင်းမြစ်များ

Maatteeo 17:27

Bĩĩt dhuheek nyelelewwa bũlũcatõõ nẽ utuguraa ulugooc ꞌcĩ oou ꞌcĩ aggami. ꞌBuuk ũtũg cĩnnĩ, ammũda hatĩ ꞌrabbaacit ꞌcĩ hũtũrĩ ũtũũgatõõ ꞌcĩ ũũppan ꞌdinaarꞌnya ꞌwec, ꞌtiha dũmanĩ occoro cugguung hĩ cĩgannĩg buúk.”

Maatteeo 25:41

“Nẽ aduhaak hatĩ habuui eet ꞌcĩg aattĩg ĩĩcĩ aꞌthiit cĩnnĩ ꞌcĩ hidici ho anneek, ‘Ammanyattĩ hĩ nganĩĩta, niig eeta ꞌcĩg ĩccĩĩttothoothihu ꞌgwoo ꞌcĩ aalla ooo, baa ẽhẽnytaak habu cĩ loriẽẽt ꞌcĩg abathĩ hĩ aajĩlẽẽt cĩgĩnnĩg.

Maatteeo 3:12

Aꞌnyak nẽẽ hẽddẽm cĩ anyiitto attiaa cĩnnĩ. Aany hatĩ nẽẽ haal hilongana nẽ aarĩk ĩragawatõõ nẽ udduutik ngarrimo ꞌgwoyyiaa ꞌcĩ hõllõngaa adĩĩtĩ.”

Maatteeo 5:22

Nẽẽthĩ, haduhaakuung dĩdĩ, má aliilliku niig eet umwa, ooyyu hatĩ lokihooa. Nẽ tarĩ, má akanneeku eet umwa ꞌgiithẽnĩt, occa hatĩ ammũdaannu niig bathi ꞌcĩ ooyyu lokihooa. Má ainnu ĩĩn eet umwaa ꞌgiimwa haaga, obokii hĩ ngagiit ꞌgwaa ꞌcĩ aalla ũdũt.

Maarko 9:44

ngaatĩ ‘aattiyyi huluta ꞌcĩg hõllõngaa adaahĩ nẽ hõllõngaa adĩĩtĩ ꞌgwaa ũdũt.’

ꞌLuuka 14:13

Nẽẽthĩ, ma aꞌnyahi karrama, tũvva ꞌguurthettiaak hĩ ꞌngoolliak hĩ rubenniaak.

ꞌLuuka 14:21

“Nĩngĩtĩ õbõdaanĩ dticciannioohiti aku aduhaakĩ makayyioohit cĩnnĩ thõõth icci. Ma nĩngaata, ikia ĩlĩĩlĩ makayyioohiti gẽrrẽẽt nẽ uduhaak dticciannioohit cĩnnĩ ĩĩnnĩk, ‘Viir hataman, bĩĩt ꞌgoolliohĩĩ cĩg ꞌtaaũnaak nẽ ũũk ũlũtaahaa hullaha hĩ tuhuulliak hĩ rubenniaak hiita.’

ꞌLuuka 3:17

Aꞌnyak nẽẽ hẽddẽm cĩ anyiitto attiaa cĩnnĩ. Aany hatĩ nẽẽ haal hilongana nẽ ẽtẽgẽẽl haauto cũũmõ cũũmõ nẽ ũtũũth ngarrimo ꞌgwoyyiaa ꞌcĩ ĩĩn ꞌgelemit ꞌcĩ hõllõngaa adĩĩtĩ ũdũt.”

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

1 Korinthia 9:27

Haꞌthũũnnĩ naa ẽlẽ caannĩ hĩ irettioohiti nẽ haaꞌnyĩha hĩĩ appahaca caannĩ, hátĩ hiittiõõ hõllõngaa hadhukia urutaa ꞌcĩ hirriõõnĩhĩĩ eet ũgĩ nyeemuut ꞌcĩ abũnnaa.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

Tiito 2:12

Allimanneet thõõth cĩ Nyekuci ꞌcĩ abũnnaa, hũtũbũrĩt thooꞌthiok ꞌcĩg ĩĩn ꞌriiring cĩg looc nicci nẽ huꞌthuutti eleeti cĩggaac hũnnẽẽc ꞌlimman cĩ Nyekuci dioo, hĩcĩ adiim nẽẽnĩ;

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

1 Pẽẽtũrũ 2:1

Nẽẽthĩ hoti ho, ma nga haaburreeku eet ũgĩ nẽ ma haggiiꞌthu eeta, nẽẽthĩ, iꞌthiattaaĩ udukta thõõth ꞌcĩ ĩĩn dĩdĩ. Ma hanyigaranoonnu hode ma hothooꞌthu ꞌgoonogu ꞌbuth.