Maarko 9:42 - ꞌBuuk cĩ Thõõth cĩ Nyekuci

⁴² “Nẽ má aaꞌnyĩk ẽẽtĩ umwaa loholeec hõrggẽẽnaa cĩ lõhõlĩ iccig ẽlẽmma nganĩĩt ko hĩdĩman ꞌthẽccan, occa abũnnaa ngaatĩ hẽcẽbẽẽkĩ bẽẽ cobbi iꞌnyiaawaa cĩ eet tĩho nẽ hudhukteek bũlũcatõõ.

Maarko 9:42 ပူးပေါင်းရင်းမြစ်များ

Maatteeo 17:27

Bĩĩt dhuheek nyelelewwa bũlũcatõõ nẽ utuguraa ulugooc ꞌcĩ oou ꞌcĩ aggami. ꞌBuuk ũtũg cĩnnĩ, ammũda hatĩ ꞌrabbaacit ꞌcĩ hũtũrĩ ũtũũgatõõ ꞌcĩ ũũppan ꞌdinaarꞌnya ꞌwec, ꞌtiha dũmanĩ occoro cugguung hĩ cĩgannĩg buúk.”

Maatteeo 18:10

Ma nĩngaata, õthõõth Yeesu ĩĩ, “Ma hararru lõhõlĩ ꞌcĩg kidicig ꞌcĩg aattĩg hĩ cieegi. Hĩnĩngĩtĩ haduhaakuung dĩdĩ, acĩn aajĩlẽẽta cĩggĩĩng hẽẽtahujjieen hõdõõkõthĩ muum cĩ Baaba.

Maatteeo 18:6

“Nẽ má aaꞌnyĩk ẽẽtĩ umwaa loholeec ꞌcĩ hidici ꞌcĩ ẽlẽmma nganĩĩt ko hẽꞌthẽcanõõ, occa mẽẽn ngaatĩ ẽcẽbõõthĩkĩ hirriaaĩ cobbi iꞌnyiaawa cĩnnĩ nẽ udhuhoothĩk bũlũcatõõ cobbi hũtũdũdĩt maama.

Dtiicanĩ cĩg ꞌThooyyiahu 9:4

Nĩngĩtĩ ẽttẽẽdĩ ꞌThaaulo looc nẽ ĩthĩk molook umwa ꞌcĩ anneek ĩnõõnnõ, “ꞌThaaulo, ꞌThaaulo, arukaa nii nganĩĩt inni?”

ꞌRooma 14:13

Nẽẽthĩ, hibilli ngaatĩ hẽttẽẽdĩkĩ ꞌgoonogeet thõõth. Nẽẽthĩ hinnianĩ, hũkũmatteek muhẽẽnĩt, hátĩ hiittiõõ hõllõngaa hahĩĩnak ꞌgotoonogeet hẽꞌthẽcattõõ.

ꞌRooma 15:21

Aaĩ ꞌthẽk hĩcĩ aduha ꞌBuuhi cĩ Nyekuci aĩ, “Eeta ꞌcĩg baag nga hudukiaak thõõth cĩnnẽẽnĩ, acĩn hatĩ ĩnõõnnõ, nẽ eeta ꞌcĩg nga hĩthĩhĩt ĩnõõnnõ, au hatĩ aga ĩnõõnnõ.”

ꞌRooma 16:17

Halayyuung naa ngagiit ꞌgotoonoga hĩ ngoonoga, uꞌthuutti eleeti eetinii ꞌcĩg ĩkõõtha ngẽrõõnĩt hõrggẽẽnaa cunuung nẽ õhõrrattuung ngagiit ꞌgõõlaa ꞌcĩ hõllõngaa õõkõrõõ hĩ ꞌlimman baa allimannu niiga. Ĩĩtõ ꞌrẽẽttĩg hĩ ĩhõõggõ.

2 Korinthia 6:3

Baa hõllõngaa hõhõõrranna naag ꞌgõõl cĩ eet umwa, hátĩ hiittiõõ bathi ꞌcĩ ammuddiaa dtiicaa cĩnaang ko tõõ, ĩnõõ ꞌcĩ hattĩmanna gẽrrẽẽt ngaatĩ hõllõngaa hahĩĩnanna thõõth umwa ꞌcĩ abathĩ.

Pilippi 1:10

Hĩnĩngĩtĩ hadiimmuung naa ngagiit agaac ꞌgõõl ꞌcĩ ẽbẽraannu thooꞌthiok ꞌcĩg aũlanĩ, hátĩ nuun aꞌnyahit rũgẽt ꞌcĩ tẽllĩ nẽ iittu eet ꞌcĩg ammĩrru, ĩꞌthõng kõr ꞌcĩ hatĩ õbõdaanĩ Krĩstõ.

1 Timotteeo 5:14

Ĩnõõ ꞌcĩ haduhaakĩ naa ngaatĩbõyyĩꞌnya ꞌcĩg nga hidicig hũꞌthũwattĩ tarĩ, hátĩ hittirria lõhõlĩ nẽ uꞌthuutti olooyyiok cĩggĩĩng jurrung, hiittiõõ hõllõngaa ongomĩtteet mĩrõha cĩggaac ngagĩĩta.

2 Pẽẽtũrũ 2:2

Mẽẽlĩg hatĩ eeta ꞌcĩg anũ ĩhõõggõ nẽ ĩthahiꞌthia thooꞌthiok cĩggĩĩng ꞌcĩg abathĩ nẽ ĩĩnattaak ꞌgõõnõgĩ hudukta thooꞌthiok ꞌcĩg ĩĩn õlõng ꞌlimmaanaa ꞌcĩ ĩĩn dĩdĩ.