Maarko 9:32 - ꞌBuuk cĩ Thõõth cĩ Nyekuci

³² Nẽẽthĩ, baa hõllõngaa athĩhĩ nuyyiooha thõõth ꞌcĩ aduha Yeesu ho nẽ itieelli ngaatĩ ajini ĩnõõnnõ thõõth tĩho.

Maarko 9:32 ပူးပေါင်းရင်းမြစ်များ

Maarko 16:14

Ma urutaa cĩnnĩ vẽlẽk, ikia uppwaannak Yeesu nuyyiook ꞌcĩg ĩĩn õmmõtõ hĩ hõdẽĩ baa nga aduhi. Baa eggerꞌnyeek Yeesu ĩhõõggõ, hĩnĩngĩtĩ aitiõõ hõllõngaa aꞌnyak lemiinit. Hĩnĩngĩtĩ baa õkõmĩ nuyyiook ꞌthinneeti ngaatĩ ẽlẽmmĩ thõõth cĩ eet baag ĩcĩnĩt Yeesu, baa ũrũga nẽẽ daahĩtha.

Maarko 7:18

Ẽdẽcĩ Yeesu ĩhõõggõ anneek, “Aggiithennu niig buúk thõng? Hõllõngaa agayyu niig aĩ, aitiõõ ꞌgẽẽn ꞌcĩ adak ẽẽtĩ hõllõngaa occa aaꞌnyĩk eet hĩĩ ꞌriiring?

Maarko 8:33

Ma nĩngaata, ubbuudõthĩ Yeesu nuyyiook cĩgĩnnĩg nẽ eggerꞌnyeek Pẽẽtũrũ ĩĩnnĩk, “Ĩĩnĩ nii ꞌThĩttaan! Bĩĩt ĩĩcĩ bahuc caannĩ.” Nẽ tarĩ ĩĩnnĩk, “Ĩĩn muhẽẽnĩtĩ cunni muhẽẽnĩt cĩ eeto haaga, hõllõngaa ĩĩn cĩ Nyekuci.”

Maarko 9:10

Baa aꞌthũũnnĩ nẽẽg thõõth ꞌcĩ ilootĩ Yeesu ĩhõõggõ ho, tananga baa ĩccaad nẽẽg thõõth baa õthõõth Yeesu aĩ, “Harũgna hatĩ daahĩtha.”

ꞌLuuka 18:34

Baa hõllõngaa aga nuyyiooha thõõth ꞌcĩ õthõõth Yeesu ho, hĩnĩngĩtĩ baa ammiꞌthi thõõth ciee hĩ ĩhõõggõ.

ꞌLuuka 2:50

Baa hinnia aitiõõ nẽẽg hõllõngaa aga thõõth ꞌcĩ aduhaak Yeesu ĩhõõggõ ho.

ꞌLuuka 24:45

Nĩngĩtĩ abbuuhi nẽẽ ooti cĩggĩĩng hĩthĩhĩt thõõth ꞌcĩ eheeddi ꞌBuuhẽtĩĩ cĩg Nyekuci.

ꞌLuuka 9:45

Baa hinnia aitiõõ hõllõngaa aga nẽẽg thõõth ꞌcĩ õthõõth Yeesu ho, hĩnĩngĩtĩ baa ammiꞌthi hĩ ĩhõõggõ hiittiõõ hõllõngaa aga. Nẽ tarĩ, baa itieelli nẽẽg ngaatĩ ajini ĩnõõnnõ.

Yõaannẽ 12:16

Ĩĩcĩ oou, baa hõllõngaa aga nuyyiooha cĩg Yeesu thõõth icci. Ma baa ubuluthi Yeesu ẽlẽk, iita agayyiõõthĩ nẽẽg ngaatĩ baa eheedini thõõth ciee ꞌBuuhaa cĩ Nyekuci nẽ ĩdĩmatteek eeta ĩnõõnnõ thooꞌthiok iccig.

Yõaannẽ 16:19

Ammũdeek baa aga Yeesu ngaatĩ adiim ajini nuyyiooha ĩnõõnnõ thooꞌthiok iccig, nĩngĩtĩ annẽẽkĩ ĩhõõggõ, “Ajinoonnu niig, hĩnĩngĩtĩ thõõth aa haduha naa haini, ‘Hõllõngaa nõõ hatĩ acĩnnaangu hĩdĩhĩdĩĩc nẽ urutaa cĩnnĩ, hiita hĩcĩttõõ tarĩ’?

Yõaannẽ 4:27

Ma nĩngaata noho, oboddia nuyyiooha cĩg Yeesu nẽ ukullieek ꞌjieen ngaatĩ ammũdẽẽkĩ õthõõthõnĩ Yeesu hĩ ngaa nicci nẽ baa hiꞌthihi eet umwa hõrggẽẽnaa cĩnĩĩng ꞌcĩ ajin Yeesu thõõth ꞌcĩ õthõõthõnĩ hĩ ngaa nicci ho buúk.