Maarko 9:31 - ꞌBuuk cĩ Thõõth cĩ Nyekuci

³¹ hĩnĩngĩtĩ baa alliman nẽẽ nuyyiook cĩgĩnnĩg anneek, “Õhõppõõcanoothĩk hatĩ Ngeertĩ Eeto athĩnĩĩ cĩg eet ꞌcĩg hatĩ õõ aruk ĩnõõnnõ. Nẽ urutaa cĩ waathinniook iyyio, arũgna hatĩ nẽẽ daahĩtha.”

Maarko 9:31 ပူးပေါင်းရင်းမြစ်များ

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 26:2

“Hĩcĩ agayyu niig buúk, idiongattaa waathinniooha ꞌramma thõng nẽ hatĩ ĩĩ Kõr cĩ Haangittõõ, aaꞌnyĩhoothĩk hatĩ Ngeertĩ Eeto eet ꞌcĩg õõ odooddĩk ĩnõõnnõ hurucceea.”

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

Maarko 10:34

ꞌcĩg hatĩ õõ õdõõm ĩnõõnnõ nẽ uttuurrik ammũt nẽ uukito nẽ õõt uruhit hadaak thõng. Ma hatĩ urutaa cĩ waathinniook iyyio, arũgna hatĩ nẽẽ daahĩtha.”

Maarko 8:31

Ma nĩngaata, iꞌthianaaĩ Yeesu illiman nuyyiook ĩĩnnĩk, “Ammũda hatĩ Ngeertĩ Eeto ꞌcannan cobbi gẽrrẽẽt nẽ abũrĩ hatĩ makayyiooha cĩg eetuk hĩ makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ĩnõõnnõ. Aruhi hatĩ nẽẽ hadaak nẽ ũrũga tarĩ, urutaa cĩ waathinniook iyyio.”

Maarko 9:12

Ẽdẽcĩ Yeesu ĩhõõggõ anneek, “Occa uwwattaa Eliijja ĩĩcĩ oou, hátĩ hikia hũkũmaneek ꞌgii vẽlẽk. Nẽ inni hẽtẽhẽẽdĩ ꞌBuuhaa cĩ Nyekuci hĩĩ, adiim accananni Ngeertĩ Eeto nẽ ĩdĩmanit eeta ĩnõõnnõ ꞌbuth gẽrrẽẽt ko?

ꞌLuuka 24:26

Erekuung baa nooyyia ngagiit ngaatĩ occa accananiini Krĩstõ nga haaꞌnyĩhoothĩk bulẽẽnĩtĩ cĩnnẽẽnĩ?”

ꞌLuuka 9:44

“Ĩthĩhĩt thõõth ꞌcĩ hẽppẽẽdahuung naa ho jurrung. Õhõppõõcanoothĩk hatĩ Ngeertĩ Eeto athĩnĩĩ cĩg eetuk.”

Yõaannẽ 10:18

Aitiõõ ẽẽtĩ ꞌcĩ aggamaanna nganĩĩt rũgẽt caannĩ tõõ. Hẽlẽmanaa naa rũgẽt caannĩ ẽmmẽn. Haꞌnyahi naa makaaꞌthĩt ꞌcĩ hẽlẽmanaanĩ rũgẽt caannĩ nẽ hõbõdaaĩ tarĩ, hĩ baa aduhaaka Baaba.”

Yõaannẽ 2:19

Ẽdẽcĩ Yeesu ĩhõõggõ anneek, “Ĩꞌthaanit ꞌCieeth icci Nyekuci ho, nẽ hatĩ hẽtẽhẽnya naa waathinnioohĩĩ ꞌcĩg ĩĩn iyyio hĩbĩl tarĩ.”

Yõaannẽ 3:14

Nẽ adiim odoꞌngi Ngeertĩ Eeto hẽẽtahujjieen, haau hĩ baa õdõng Mũũꞌtha hũkaat ꞌcĩ ĩĩn ꞌthiihit, horrwatõõ umwaanĩ ĩĩcĩ õdõhõhĩĩ kak.

2 Timotteeo 2:12

Má hẽmmẽẽthĩ naag ꞌcannan, haggam hatĩ naag looc hõdẽĩ hĩ ĩnõõnnõ. Má haburi naag ĩnõõnnõ, abũrreet hatĩ nẽẽ buúk ngagĩĩta.