Maarko 9:25 - ꞌBuuk cĩ Thõõth cĩ Nyekuci

²⁵ Ma baa acĩn Yeesu lothippit ngaatĩ ẽẽjẽhaanĩ hõbõktõ hĩ ĩhõõggõ ojoonu ho, ikia eggerenyeek lori ꞌcĩ abathĩ ho ĩĩnnĩk, “Lorii ꞌcĩ adĩĩtennii ĩĩna nẽ hõllõngaa othoothi ho, haduhaakii naa hanneekii, duhuna ẽllaa cĩ loholeeco nẽ ma ꞌthẽk nga haduhuni ẽllaa cĩnnĩ tarĩ!”

Maarko 9:25 ပူးပေါင်းရင်းမြစ်များ

Maatteeo 12:22

Ma ho, aꞌnyaktaak eeta Yeesu eet umwa ꞌcĩ rubenĩ ꞌcĩ ijjiaaki kim nẽ aꞌnyak lori ꞌcĩ abathĩ, nĩngĩtĩ aaꞌnyĩkĩ Yeesu ĩnõõnnõ hũbũna hikia hõthõõth nẽ ĩcĩnĩ.

Maatteeo 17:18

Nĩngĩtĩ ẽggẽrꞌnyẽẽkĩ Yeesu lori ꞌcĩ abathĩ nẽ uduhuna buuletta nĩĩcĩ battaala, nĩngĩtĩ abũnnayyĩ nẽẽ ꞌthaa tĩho noho.

Maarko 9:15

Ma nĩngaata, ukullieek eeta ꞌjieen gẽrrẽẽt ngaatĩ acĩnĩ Yeesu, nĩngĩtĩ avviri õõ ĩꞌthaaĩ ĩnõõnnõ.

Maarko 9:24

Ma nĩngaata, utulu maaꞌnyĩ loholeeco nĩĩcĩ noho ĩĩ, “Haꞌnyahi naa lemiinit ꞌcĩ hidici haaga, ẽlaa nuun ꞌtoorĩka hĩĩ maka!”

Maarko 9:26

Ma ho, urruuo lorii ꞌcĩ abathĩ ho nẽ õtõmõõĩ loholeec gẽrrẽẽt, nĩngĩtĩ aduknaanĩ ũũnnĩkĩ ĩnõõnnõ. Ma nĩngaata, ikia aau loholeec hĩ daakiahiti nẽ baa ĩĩtõ eeta vẽlẽk nĩngaata, “Adaaha!”

ꞌLuuka 11:14

Baa iiggia Yeesu lori ꞌcĩ abathĩ ꞌcĩ aaꞌnyĩk eet hĩjjaahõ kim. Ma baa ũtũngeek lorii ꞌcĩ abathĩ ho eet, ikia õthõõth ẽẽtĩ lõꞌngõõc, nĩngĩtĩ ĩnaatĩ lothippiti thõõth icci gẽrrẽẽt.

ꞌLuuka 4:35

Ma nĩngaata, eggerenyeek Yeesu lori nicci ĩĩnnĩk, “ꞌJaahõ kim!” Nĩngĩtĩ ĩttanyĩ lorii ꞌcĩ abathĩ ho eet nicci looc hẽbẽrẽẽnnĩĩ cĩg eet vẽlẽk noho ꞌlir, nĩngĩtĩ aꞌnginõõꞌthĩ haau ẽẽtĩ lõꞌngõõc.

ꞌLuuka 4:41

Baa mẽẽlĩg eeta ꞌcĩg aꞌnyak loriẽẽt ꞌcĩg abathĩ, nĩngĩtĩ aduhaakĩ Yeesu ĩhõõggõ huduhutta eleetinii cĩg eetuk battaala nẽ urruuyyiõthĩ ĩĩtõ, “Ĩĩnĩ nii Ngeertĩ Nyekuci!” Nẽẽthĩ, hĩnĩngĩtĩ baa aga nẽẽg ngaatĩ ĩĩnnĩ Yeesu Krĩstõ, ikia eggerenyeek nẽẽ ĩhõõggõ hiittiõõ hõllõngaa õthõõthĩ.

ꞌLuuka 8:29

Nĩngĩtĩ ẽggẽrꞌnyẽẽkĩ Yeesu lori ꞌcĩ abathĩ ho hũtũngeek eet nicci. Nẽ baa gõõng waathinniook vẽlẽk, ara urwacanĩ eet looc haaga. Tananga ẽcẽb eeta ꞌthoo hĩ athĩn ꞌthĩĩhĩ nẽ ebehit thõng buúk, aalla ẽttẽẽd lorii ꞌcĩ abathĩ ho thĩĩk noho nẽ ũũhĩ eet ngaatĩ õkõ aaꞌnyĩkĩ haau ẽmmẽn.

ꞌLuuka 9:42

Tananga baa nga õkõ buuleniti ĩĩcĩ aayyi Yeesu, ara ẽttẽẽdĩ lorii ꞌcĩ abathĩ ho ĩnõõnnõ looc noho ꞌlir hẽvẽvvẽr. Ma ho, eggerꞌnyeek Yeesu lori ꞌcĩ abathĩ ho, hũbũna buuleniti nĩĩcĩ noho. Ma nĩngaata, õbõdẽẽhĩ Yeesu loholeec maaꞌnyĩ.

Dtiicanĩ cĩg ꞌThooyyiahu 16:18

Ara õthõõth bũhẽẽcĩ ciee thooꞌthiok iccig hõdõõkõthĩ waathinniook ꞌcĩg mẽẽlĩg. Ma ho, ikia ĩlĩĩlĩ Paaulo gẽrrẽẽt, nĩngĩtĩ abbuudẽnĩ nẽ ĩĩnnĩk lori ꞌcĩ abathĩ ho, “ꞌThaarĩĩ cĩg Yeesu Krĩstõ, haduhaaki hanneeki, tũngeek bũhẽẽc icci ẽmmẽn!” Ma ꞌthẽk nĩngaata noho, ũtũngeek lorii ꞌcĩ abathĩ ho bũhẽẽc tĩho.

ꞌJuud 1:9

Tananga Mikaĩlẽ habuui cĩ aajĩleetu buúk, baa hõllõngaa ũũlũ ngaatĩ õdõõmĩ habu cĩ loriẽẽt ꞌcĩg abathĩ baa ẽppẽhanõõnĩ nẽẽg ꞌrammaattĩg ẽlẽ cĩ Mũũꞌtha. Thõõth vẽlẽk ꞌcĩ baa õthõõth Mikaĩlẽ dioo ꞌcĩ aĩ, “Uuki hatĩ nganiit Makayyioohiti!”