Maarko 9:24 - ꞌBuuk cĩ Thõõth cĩ Nyekuci

²⁴ Ma nĩngaata, utulu maaꞌnyĩ loholeeco nĩĩcĩ noho ĩĩ, “Haꞌnyahi naa lemiinit ꞌcĩ hidici haaga, ẽlaa nuun ꞌtoorĩka hĩĩ maka!”

Maarko 9:24 ပူးပေါင်းရင်းမြစ်များ

Maarko 9:23

Ẽdẽcĩ Yeesu ĩnõõnnõ anneek, “Inni nii ĩnnĩhaa nganĩĩt occa adĩmani ꞌgiimwa ho? Ammũjĩ hẽlẽggĩ vẽlẽk hĩ eet ꞌcĩ aꞌnyak lemiinit.”

Maarko 9:25

Ma baa acĩn Yeesu lothippit ngaatĩ ẽẽjẽhaanĩ hõbõktõ hĩ ĩhõõggõ ojoonu ho, ikia eggerenyeek lori ꞌcĩ abathĩ ho ĩĩnnĩk, “Lorii ꞌcĩ adĩĩtennii ĩĩna nẽ hõllõngaa othoothi ho, haduhaakii naa hanneekii, duhuna ẽllaa cĩ loholeeco nẽ ma ꞌthẽk nga haduhuni ẽllaa cĩnnĩ tarĩ!”

ꞌLuuka 17:5

Nĩngĩtĩ alaĩ ꞌthooyyiaha Yeesu annẽẽkĩ, “Makayyioohit, ꞌtõõr baaĩ nuun lemiinit cĩnaang hĩĩ maka!”

ꞌLuuka 7:38

nẽ ikia ũũk ĩbĩl ĩĩcĩ bahuc cĩnnĩ. Ma ho, utulu ĩꞌthõng hĩdtĩlattoothĩk tilaalõ ꞌthoo cĩg Yeesu nẽ upuppuucan ĩmanĩĩ cĩgĩnnĩg nẽ ũcũũcũ ꞌthoo cĩgĩnnĩg nẽ udduuttik ngõõrrõ.

ꞌLuuka 7:44

Nĩngĩtĩ ũũkõthõõthĩkĩ ngaa nicci nẽ ĩĩnnĩk ꞌThimõõnẽ, “Adtuuha nii ngaa icci? Nganĩngĩtĩ haduknaanĩ naa õlõ cunni ho, nga aꞌnyaa maam ꞌcĩg hacũũranĩĩ ꞌthoo. Nẽẽthĩ, ũtũũny ngaa ciee ꞌthoo cĩgannĩg tilaalõnĩ nẽ upuppuucan ĩmaa cĩgĩnnĩg.

Dtiicanĩ cĩg ꞌThooyyiahu 10:19

Ma baa nga ammuk Pẽẽtũrũ thõõth icci, ikia ĩĩnnĩk Lorii ꞌcĩ Ẽllẽẽmĩth ĩnõõnnõ, “ꞌThimõõnẽ, adiimmi eeta iyyio nganiita.

Dtiicanĩ cĩg ꞌThooyyiahu 10:31

nẽ ĩĩ, ‘Korneellio, ĩthĩk Nyekuci laiinit cunni nẽ ummuhõõthĩ ꞌbaaninit gõõng aaꞌnyihi nii hullaha.

2 Korinthia 2:4

Hĩnĩngĩtĩ hẽhẽẽdakuung pĩĩrnatta hĩ mothiitta, cobbi hĩ tilaalõnĩ, hátĩ hiittiõõ hõllõngaa haaꞌnyuung naa ngagiit huciith, hátĩ agaac ĩĩtõ, maka mĩnnanĩ caannĩ hĩ ngagiit gẽrrẽẽt.

Eevvetho 2:8

Baa eelliannu niig, hĩnĩngĩtĩ elemmu Nyekuc ꞌcĩ aꞌthũũnneet ngagĩĩt jurrung, hĩllõõan ꞌgii ꞌcĩ hadiim naaga. ꞌBaaninit cĩ Nyekuci hĩ ngagiit cieeni nẽ hõllõngaa ĩĩn ꞌgiimwa ꞌcĩ baa adĩmannu niig ẽmmẽn.

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

2 Tẽꞌthaloonika 1:11

Ĩnõõ ꞌcĩ halaiinnuung naag ngagiit hõdõõkõthĩ haĩnna, aꞌnyĩĩk Nyekuc haaꞌnyuung eet baag ẽbẽraauung nẽẽ ẽlẽk ko, uꞌthuutti thõõth cĩnnĩ authetaa ꞌcĩ aattiyyu. Aꞌnyĩĩk ĩnõõnnõ heeluung ngagiit ꞌtirriaanaa cĩnnĩ ũbũttaath nẽ elemtu thõõth cĩnnĩ.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

2 Timotteeo 1:4

Hammuhoothi kõr baa adhukiaanĩ nganiit tilaalõ nẽ hadiimi gẽrrẽẽt ngaatĩ hakuu hacinni tarĩ. Haccamanoothihi hatĩ gẽrrẽẽt kõr ꞌcĩ hõmmõtõõnĩ.

Ebereei 12:17

Agayyu niig urutaa cĩnnĩ ikia idiim Eꞌthaau haggatan maaꞌnyia ĩnõõnnõ, aku hinnia abũrĩ maaꞌnyia thõng. Nẽẽthĩ, baa aꞌnyaman Eꞌthaau ngaatĩ amammaayanĩ maaꞌnyĩ hõbõdaaĩ ꞌthĩnĩt haggatan ĩnõõnnõ, tananga baa arruui nẽẽ gẽrrẽẽt.

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.

Ebereei 5:7

Waathinnioohĩĩ ĩbaag aayyi Yeesu loota nĩnga, baa ala nẽẽ Nyekuc nẽ ĩĩnnĩk ĩlaallẽ nẽ utuluuik Nyekuc ꞌcĩ occa ẽẽla ĩnõõnnõ daahĩtha. Ma ho, ĩthĩk Nyekuci ĩnõõnnõ, hĩnĩngĩtĩ baa ẽlẽmĩ Yeesu thõõth ꞌcĩ aduhaak Maaꞌnyia.