Maarko 9:23 - ꞌBuuk cĩ Thõõth cĩ Nyekuci

²³ Ẽdẽcĩ Yeesu ĩnõõnnõ anneek, “Inni nii ĩnnĩhaa nganĩĩt occa adĩmani ꞌgiimwa ho? Ammũjĩ hẽlẽggĩ vẽlẽk hĩ eet ꞌcĩ aꞌnyak lemiinit.”

Maarko 9:23 ပူးပေါင်းရင်းမြစ်များ

Maatteeo 14:29

Ẽdẽcĩ Yeesu ĩnõõnnõ anneek, “Tooyyia ijjia!” Nĩngĩtĩ ĩꞌngõthaanĩ Pẽẽtũrũ haahũla battaala nẽ õtõ maamĩ hujjieen ũũk ĩĩcĩ aayyi Yeesu.

Maatteeo 17:20

Ẽdẽcĩ Yeesu ĩhõõggõ anneek, “Aꞌnyamannuung ngagiit lorii ꞌcĩ abathĩ, hĩnĩngĩtĩ aitiõõ ngagiit lemiiniti tõõ! Nẽẽthĩ haduhaakuung dĩdĩ, má aꞌnyahit lemiinit ꞌcĩ hidici ꞌcĩ ĩĩkĩ buraacit ꞌcĩ dĩppĩlĩ, occa ꞌthẽk anneeku muur icci, ‘Tĩnga nĩnga bĩĩt ĩĩca,’ ĩꞌngaathĩ ꞌthẽk hatĩnĩ. Aitiõõ hatĩ thõõth ꞌcĩ aꞌnyamannuung ngagiit tõõ.”

Maarko 11:23

Haduhaakuung naa ngagiit thõõth dĩdĩ, má aduhaak ẽẽtĩ umwaa muur icci anneek, ‘Bĩĩt dhuhoothĩk bũlũcatõõ,’ nẽ hõllõngaa akidan ꞌthĩnĩtatõõ cĩnnĩ nẽ ẽlẽm ĩĩ, ĩĩn hatĩ thõõth ꞌcĩ aduha nẽẽ ho dĩdĩ, aku ꞌthẽk hatĩ ĩĩn thõõth tĩho dĩdĩ.

Maarko 9:22

Adhuheek ĩnõõnnõ lorii ꞌcĩ abathĩ ho hõdõõkõthĩ ꞌgwoyyiatõõ hode maamĩtõõ hatĩ adiim aruk ĩnõõnnõ. Nẽẽthĩ, má occa adĩmani ꞌgiimwa, tamaatĩheet ngagĩĩt nẽ eleeta.”

Maarko 9:24

Ma nĩngaata, utulu maaꞌnyĩ loholeeco nĩĩcĩ noho ĩĩ, “Haꞌnyahi naa lemiinit ꞌcĩ hidici haaga, ẽlaa nuun ꞌtoorĩka hĩĩ maka!”

ꞌLuuka 17:6

Ẽdẽcĩ Yeesu ĩhõõggõ anneek, “ꞌYioko ꞌthẽk hĩĩ ꞌcĩ aꞌnyaku lemiinit ꞌcĩ hidici ꞌcĩ ĩĩkĩ hinyomooc ꞌcĩ mĩllĩꞌnyĩ, occa ꞌthẽk uuluyyu ngaatĩ anneeku ꞌmũũnĩc nicci, ‘ꞌButtannia bĩĩt tiboolanĩ bũlũcatõõ.’ Occa ꞌthẽk athiknuunga.”

Yõaannẽ 11:40

Ẽdẽcĩ Yeesu ĩnõõnnõ anneek, “Nga nooyyia huduhaahii naa nganiit hiinnihi, má aꞌnyahi lemiinit, acini hatĩ bulẽẽnĩt cĩ Nyekuci?”

Dtiicanĩ cĩg ꞌThooyyiahu 14:9

Baa athĩhĩ ẽẽtĩ ciee ꞌrioon cĩ Paaulo. Ma baa akannĩ Paaulo ĩnõõnnõ hẽbẽrĩ ho, adtuuha hinnia aꞌnyak lemiinit hĩ Yeesu ꞌcĩ occa aaꞌnyĩk ĩnõõnnõ hũbũna,

Ebereei 11:6

Má hiꞌthihi lemiinit, aitiõõ ẽẽtĩ ꞌcĩ occa aaꞌnyĩk Nyekuc haccamanoothĩk tõõ. Hadiim hẽlẽmĩ naag haĩ, aaĩ Nyekuci dĩdĩ nẽ hẽlẽmĩ ngaatĩ adũmanĩ Nyekuci eet vẽlẽk ꞌcĩg adiim ĩnõõnnõ.