Maarko 9:19 - ꞌBuuk cĩ Thõõth cĩ Nyekuci

¹⁹ Ma nĩngaata, uduhaak Yeesu lothippit ĩĩnnĩk, “Niig eeta ꞌcĩg aitioonnuung lemiiniti tõõ ho, ĩꞌthõng ꞌthẽk hatĩ ningina ꞌcĩ occa harũmẽẽnĩ naag hĩ ngagiit? Nẽ ĩꞌthõng hatĩ ningina ꞌcĩ occa hemeeꞌthuung naa ngagiit? Aꞌnyaktahaangu nganĩĩt buulenit ngaati!”

Maarko 9:19 ပူးပေါင်းရင်းမြစ်များ

Maatteeo 17:17

Ma ho, uduhaak Yeesu ĩhõõggõ ĩĩnnĩk, “Ĩĩgĩnnu niig eet ꞌcĩg okommuung ooti nẽ aitiõõ lemiiniti tõõ! Harũmĩ hatĩ naag hĩ ngagiit ĩꞌthõng ningina? Hemeeꞌthuung hatĩ naa ngagiit ĩꞌthõng ningina? Aꞌnyaktahaangu da buulenit nicci ngaati.”

Maarko 16:14

Ma urutaa cĩnnĩ vẽlẽk, ikia uppwaannak Yeesu nuyyiook ꞌcĩg ĩĩn õmmõtõ hĩ hõdẽĩ baa nga aduhi. Baa eggerꞌnyeek Yeesu ĩhõõggõ, hĩnĩngĩtĩ aitiõõ hõllõngaa aꞌnyak lemiinit. Hĩnĩngĩtĩ baa õkõmĩ nuyyiook ꞌthinneeti ngaatĩ ẽlẽmmĩ thõõth cĩ eet baag ĩcĩnĩt Yeesu, baa ũrũga nẽẽ daahĩtha.

Maarko 9:18

Nẽ ma ikia aggam lorii ꞌcĩ abathĩ ho buulenit, ẽttẽẽdĩ ĩnõõnnõ looc, aaꞌnyĩk huduu ũtũgĩ nẽ aaꞌnyĩk hadak nyĩgĩt nẽ aaꞌnyĩk hõkõm ẽlẽ kak. Baa haduhaahi nuyyiook cugunnig hitiggiaacõ lori nicci, aꞌnyaman hinnia ĩhõõggõ ũdũt.”

Maarko 9:20

Nĩngĩtĩ aꞌnyahaanĩ nẽẽg buulenit hĩ Yeesu. Ma baa acĩn lorii ꞌcĩ abathĩ Yeesu ho, ikia õtõmõõĩ buulenit hĩdĩĩkoothong hẽttẽẽdĩ looc hẽvẽvvẽr huduu ũtũgĩ.

ꞌLuuka 24:25

Ma ho, ijin Yeesu ĩhõõggõ ĩĩnnĩk, “Aggiithennu niig hutuno hõlõ! Inni ꞌthinneeti cugguung hĩĩtõ gigigigi ngaatĩ ẽlẽmmĩ thooꞌthiok vẽlẽk baag aduha põrõvẽtaaꞌnya ho?

ꞌLuuka 9:41

Nĩngĩtĩ annẽẽkĩ Yeesu ĩhõõggõ, “Illoorru niig eeta cĩg irkiꞌnyia iccig ko gẽrrẽẽt nẽ nga aitioonnuung lemiiniti tõõ. Adiimmu niig hũrũmtĩ naag hĩ ngagiit ĩꞌthõng hatĩngaan? ꞌNyaha daho loholeec cunni ho ngaati ẽlẽ.”

Yõaannẽ 12:27

“Homoꞌthi naa ꞌyioko gẽrrẽẽt nẽ occa ꞌyioko hĩĩ ne? Occa ꞌyioko hĩĩ, ‘Baaba ẽlaawaa kõr nicci?’ Aitiõõ tõõ, dĩdĩ baa hakuu naa loota nĩnga hikia haccananĩ kõr nicci.

Yõaannẽ 20:27

Ma nĩngaata, ĩĩnnĩk nẽẽ Tomaaꞌthio, “Arĩĩk aꞌthiit cunni ngaati nẽ icinu athĩn cĩgannĩg. Arĩĩk aꞌthiit cunni ngatubeettaa caannĩ. Ma nga hĩccaadi tarĩ, lẽmõ!”