Maarko 9:12 - ꞌBuuk cĩ Thõõth cĩ Nyekuci

¹² Ẽdẽcĩ Yeesu ĩhõõggõ anneek, “Occa uwwattaa Eliijja ĩĩcĩ oou, hátĩ hikia hũkũmaneek ꞌgii vẽlẽk. Nẽ inni hẽtẽhẽẽdĩ ꞌBuuhaa cĩ Nyekuci hĩĩ, adiim accananni Ngeertĩ Eeto nẽ ĩdĩmanit eeta ĩnõõnnõ ꞌbuth gẽrrẽẽt ko?

Maarko 9:12 ပူးပေါင်းရင်းမြစ်များ

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 26:24

Adaahĩ hatĩ Ngeertĩ Eeto hĩ baa aduha ꞌBuuhi cĩ Nyekuci. Nẽẽthĩ, appĩĩrna hatĩ ẽẽtĩ ꞌcĩ õhõppõõcan Ngeertĩ Eeto ho gẽrrẽẽt! Occa baa mẽẽn hĩ ĩnõõnnõ ngaatĩ hõllõngaa arrittiaanĩ.”

Maarko 10:33

Baa aduhaak nẽẽ nuyyiook anneek, “Ĩthĩktõ, hõõ ꞌyioko naag ꞌJeruꞌthalẽma, ngaatĩ hatĩ õkõ õhõppõõcanõõthĩkĩ Ngeertĩ Eeto makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha. Etteedĩk hatĩ nẽẽg ĩnõõnnõ daahĩth nẽ aanytĩk eet ꞌcĩg hõllõngaa ĩĩn ꞌJudeei,

Maarko 9:13

Nẽẽthĩ, haduhaakuung naa ngagiita, ikia Eliijja ẽlẽk nẽ ĩdĩmatteek eeta ĩnõõnnõ thooꞌthiok ꞌcĩg abathĩ ꞌcĩg adiim nẽẽgĩ, hĩcĩ eheeddi ꞌBuuhaa cĩ Nyekuci.”

Maarko 9:31

hĩnĩngĩtĩ baa alliman nẽẽ nuyyiook cĩgĩnnĩg anneek, “Õhõppõõcanoothĩk hatĩ Ngeertĩ Eeto athĩnĩĩ cĩg eet ꞌcĩg hatĩ õõ aruk ĩnõõnnõ. Nẽ urutaa cĩ waathinniook iyyio, arũgna hatĩ nẽẽ daahĩtha.”

ꞌLuuka 1:76

Nẽẽthĩ, niina loholeec caannĩ ho, auyyi hatĩ eeta anneeki põrõvẽtaac cĩ Nyekuc ꞌcĩ ĩllõõan vẽlẽk, hĩnĩngĩtĩ uwwattẽẽkĩ hatĩ nii Makayyioohit õkõ akũmanẽẽkĩ ĩnõõnnõ ꞌgõõla.

ꞌLuuka 23:11

Nĩngĩtĩ uranganĩ Ẽrõõdẽ hĩ athegereeꞌnya cĩgĩnnĩg Yeesu nẽ odoomito thõng. Ma nĩngaata, itihimtẽẽhĩ cẽrẽm ꞌcĩ ẽllẽẽmĩthĩ ne iꞌthooyyik hõbõdõõthĩ hĩ Pĩlaatõ.

ꞌLuuka 23:39

Nĩngĩtĩ õdõõmĩ ꞌloorriahiti umwa ꞌcĩ õdõõddĩ hĩ ĩnõõnnõ annẽẽkĩ, “Hõllõngaa nooyyia ĩĩnĩ nii Krĩstõ? Ẽla thiggia ẽlẽ cunni hĩ ngagĩĩt buúk.”

Dtiicanĩ cĩg ꞌThooyyiahu 1:6

Ma baa õmmõtõõ ꞌthooyyiaha vẽlẽk ngaatĩ hõdẽẽthõng ko, iita ijinit nẽẽg Yeesu ĩĩttĩk, “Makayyioohit, ꞌyioko hatĩ kõr nicci õbõdẽẽkĩ nii habuẽẽꞌthĩt eet cĩg Ĩꞌthĩraẽlĩ?”

Dtiicanĩ cĩg ꞌThooyyiahu 4:11

Aaĩ Yeesu hĩ, “ ‘Bẽẽ baa aburru niig teheꞌnyiooha nẽ ꞌyioko, ĩĩ bẽẽ ꞌcĩ abũnnaa hĩllõõan ꞌgoonoginni vẽlẽk.’