Maarko 8:6 - ꞌBuuk cĩ Thõõth cĩ Nyekuci

⁶ Ma ho, uduhaak nẽẽ lothippit haau loota. Nĩngĩtĩ aggamaanĩ ũbũnẽẽt ꞌcĩg ĩĩn tũkĩramma ho nẽ ĩĩnnĩk Nyekuc ĩlaallẽ nẽ appaha, nĩngĩtĩ aaꞌnyĩkĩ nuyyiook cĩgĩnnĩg heꞌngerrieek eeta. Baa nẽ ĩdĩmanit nuyyiooha hĩcĩ aduha nẽẽ ho.

Maarko 8:6 ပူးပေါင်းရင်းမြစ်များ

Maatteeo 26:26

Ma baa nga aduhi nẽẽgĩ, ittiha Yeesu ũbũnĩ, aggatana nẽ appak hĩĩ ꞌramma, nĩngĩtĩ aaꞌnyĩkĩ nuyyiook cĩgĩnnĩg nẽ ĩĩ, “Erito uduhit ẽlẽ caannĩ cieeni.”

Maarko 8:20

“Nẽ hĩ baa happahĩ naa ũbũnẽẽt tũkĩramma nẽ heꞌngereeha eet aalibꞌnya ꞌwec, ĩĩn nooyyia lohoddwaana ꞌcĩg abbĩꞌthĩĩ ꞌcĩg thuruthur ꞌcĩg alũtaannu niig thõng?” Ẽdẽcĩ nẽẽg aĩ, “Ĩĩn tũkĩramma.”

Maarko 8:5

Nẽ ijin Yeesu ĩhõõggõ ĩĩnnĩk, “Aꞌnyaku niig ũbũnẽẽt thõng?” Ẽdẽcĩ nẽẽg Yeesu anneek, “Haꞌnyaka ũbũnẽẽt tũkĩramma.”

Maarko 8:7

Nẽ tarĩ baa ammũdeek aꞌnyak nẽẽg ulugo ꞌcĩg abadtẽc buúk, nĩngĩtĩ aggatanĩ Yeesu ulugo niccig nẽ aaꞌnyĩk nuyyiook heꞌngerrieek eeta.

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

ꞌLuuka 24:30

Ma baa iccioloongan Yeesu, hátĩ hudukto, ittiha ũbũnĩ nẽ aggatana nẽ appak, nĩngĩtĩ aaꞌnyĩkĩ ĩhõõggõ.

Yõaannẽ 2:5

Nĩngĩtĩ aduhaakĩ Maria dticcianniook nĩngaata annẽẽkĩ, “Ĩdĩmanit nẽẽ niig ꞌgii vẽlẽk ꞌcĩ aduhaakuung nẽẽnĩ.”

Yõaannẽ 6:23

Baa au haahũlĩta ũgẽẽgĩ ĩĩcĩ ꞌtaaũn cĩ Tiberia hiita hõdõlanit nĩngĩtĩ õbõhõõ hĩ nĩngĩ baa aggatanĩ Makayyioohiti ũbũnẽẽt nẽ udukto eeta.

ꞌRooma 14:6

Nuyyiooha vẽlẽk ꞌcĩg arrĩcana waathĩn hõdẽẽthõng hĩllõõan waathinniook vẽlẽk, adĩman noho, hátĩ hubuluthit Makayyioohit. Nẽ nuyyiooha vẽlẽk ꞌcĩg adak iding, anneek Nyekuc ĩlaallẽ haauto hĩ eeta ꞌcĩg hõllõngaa adak iding.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.