Maarko 8:38 - ꞌBuuk cĩ Thõõth cĩ Nyekuci

³⁸ Má aꞌngaaõn ẽẽtĩ umwaa, hĩnĩngĩtĩ nganĩĩt hĩ ꞌlimman caannĩ waathinnioohĩĩ cĩg eet cĩg attihi eeta ngaaĩ cĩg eetuk hĩ waathinnioohĩ ꞌcĩg ĩĩnnĩ eeta ꞌthẽccanniook ko, aꞌngaaõn hatĩ Ngeertĩ Eeto buúk, hĩnĩngĩtĩ eet tĩho, hatĩ õbõda nẽẽ bulẽẽttaa cĩ Maacõnĩ, hatĩ ookorria hĩ aajĩlẽẽt ꞌcĩg ẽllẽẽmĩthĩ.”

Maarko 8:38 ပူးပေါင်းရင်းမြစ်များ

Maatteeo 12:39

Ẽdẽcĩ Yeesu aĩ, “Adiimmu niig terethiinit, hĩnĩngĩtĩ ĩĩgĩnnu niig ꞌthẽccanniook! Terethiinit cĩ põrõvẽtaac Yõõna diooni, ꞌcĩ hatĩ aaꞌnyĩhoothĩkuung ngagiita.

Maatteeo 13:41

Ĩꞌthõ hatĩ Ngeertĩ Eeto aajĩlẽẽt cĩgĩnnĩg hõõt huluttia eet vẽlẽk habuccieetaa cĩnnĩ ꞌcĩg adĩman thooꞌthiok ꞌcĩg abathĩ, hĩ ꞌcĩg aaꞌnyĩk ꞌgõõnõgĩ hẽꞌthẽcattõõ.

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 16:28

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ngaati, ꞌcĩg hatĩ hõllõngaa adaahĩ nga hĩcĩnĩt Ngeertĩ Eeto, ngaatĩ alluuccianĩ habuccieetaa cĩnnĩ.”

Maatteeo 16:4

Adiimmu niig terethiinit, hĩnĩngĩtĩ iiginnu ꞌthẽccanniook nẽ hõllõngaa aꞌnyaku lemiinit! Nẽẽthĩ, terethiinit cĩ Yõõna diooni ꞌcĩ hatĩ aaꞌnyĩhoothĩkuung ngagiita.” Nĩngĩtĩ ũũnnĩkĩ Yeesu ĩhõõggõ nẽ ũũha.

Maatteeo 24:30

“Ma urutaa cĩnnĩ vẽlẽk, edeeꞌnyia hatĩ terethiiniti hẽẽtahujjieen, ꞌcĩ akuuni Ngeertĩ Eeto, hutullẽẽcõ loonyini vẽlẽk cĩg lootu. Edeenyothi hatĩ nẽẽg Ngeertĩ Eeto ngaatĩ alluuccianĩ diiꞌthiohĩĩ cĩg hẽẽtkujjieen, makaaꞌthĩta hĩ bulẽẽttaa cobbi.

Maatteeo 25:31

“Nẽ kõr ꞌcĩ hatĩ akuuni Ngeertĩ Eeto bulẽẽttaa cĩnnĩ hĩ aajĩlẽẽt cĩgĩnnĩg vẽlẽk, iccioloongan hatĩ nẽẽ dtaabawaa cobbi bulẽẽttaa cĩ hẽẽtkujjieen.

Maatteeo 26:64

Ẽdẽcĩ Yeesu aĩ, “Eei, aaĩ hĩcĩ aduha nii ho. Nẽẽthĩ, haduhaakuung ngagiit vẽlẽk, horumwa acinnu hatĩ niig Ngeertĩ Eeto iccioloongan attiaa cobbi ĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maatteeo 8:20

Ẽdẽcĩ Yeesu anneek, “Aꞌnyak irrieerrwaana ꞌlõõhĩt nẽ aꞌnyahit hĩbaallĩ ꞌcieethi cĩggĩĩng, nẽẽthĩ aitiõõ Ngeertĩ Eeto nĩngĩtĩ oongiyyi haaga tõõ.”

Maarko 13:26

“Ma kõr tĩho, edeenyothi hatĩ eeta Ngeertĩ Eeto ngaatĩ alluuccianĩ diiꞌthiohĩtõõ makaaꞌthĩtaa cobbi hĩ bulẽẽtta.

Maarko 14:62

Ẽdẽcĩ Yeesu anneek, “Eei, acinnu hatĩ niig Ngeertĩ Eeto ngaatĩ iccioloonganĩ attiaa cobbi ĩĩcĩ Nyekuc Gayyioohit vẽlẽk nẽ ulluuccia diiꞌthiohĩ hẽẽtahujjieen.”

Maarko 8:37

Ne ꞌcĩ occa ataalõnĩ ẽẽtĩ hĩ lori cĩnnĩ?

ꞌLuuka 19:26

“Ẽdẽcĩ makayyioohiti anneek, ‘Ẽẽtĩ ꞌcĩ aꞌnyak ꞌgii ꞌcĩ abadtẽc, aaꞌnyĩhoothĩk hatĩ ꞌgii ꞌcĩ maka nẽ ẽẽtĩ ꞌcĩ hiꞌthihi ꞌgiimwa, aggammiaa hatĩ ꞌgii ꞌcĩ abadtẽc ꞌcĩ aꞌnyak nẽẽ haau athĩnĩĩ ꞌtẽl.

ꞌLuuka 9:26

Nẽ má abũrĩ ẽẽtĩ umwaa ngaatĩ ẽlẽmma nganĩĩt hĩ thõõth caannĩ, abũrĩ hatĩ Ngeertĩ Eeto buúk ngaatĩ ẽlẽmmĩ ĩnõõnnõ, hatĩ ikia nẽẽ bulẽẽttaa cĩnnĩ, hĩ ĩĩcĩ Maacõnĩ, hĩ ĩĩcĩ aajĩlẽẽt ꞌcĩg ẽllẽẽmĩthĩ.

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:51

Ma nĩngaata, õthõõth Yeesu ĩĩ, “Haduhaakuung dĩdĩ, acinnu hatĩ hẽẽtkujjieen ngaatĩ abbuuhẽnĩ nẽ udtuuktau aajĩlẽẽt cĩg Nyekuci, ngaatĩ õtõdĩ nẽ ulluucciak Ngeertĩ Eeto.”

Yõaannẽ 12:34

Nĩngĩtĩ õthõõthĩ lothippiti aĩnnĩ, “Baa hathĩkna naag aĩ nyattalĩ, aalla hatĩ Krĩstõ ũdũt. Nẽ inni ĩĩ nii odoꞌngi hatĩ Ngeertĩ Eeto hẽẽtahujjieen ko? Nganĩ ꞌcĩ ĩĩn Ngeertĩ Eeto ho?”

Yõaannẽ 5:27

Nẽ aaꞌnyĩk Maaꞌnyia ĩnõõnnõ makaaꞌthĩt ꞌcĩ ẽttẽẽdĩ thooꞌthiok cĩg eet vẽlẽk, hĩnĩngĩtĩ ĩĩn nẽẽ Ngeertĩ Eeto.

Dtiicanĩ cĩg ꞌThooyyiahu 10:22

Ẽdẽcĩ eeta niccieeg aĩ, “Ĩꞌthõõanneet ꞌgaalacĩ umwaa cĩ ũũrũta ꞌcĩ haĩ Korneellio. Ĩĩn nẽẽ eet ꞌcĩ abũnnaa ꞌcĩ ala Nyekuc nẽ ammĩnan eeta cĩg ꞌJudeei vẽlẽk ĩnõõnnõ. Aduhaak aajĩlõ ꞌcĩ ẽllẽẽmĩth ĩnõõnnõ hutuvvii nganiit õlõõ cĩnnĩ, hátĩ hũũk hĩthĩk nẽẽ thõõth ꞌcĩ aduhaahi niina.”

Dtiicanĩ cĩg ꞌThooyyiahu 5:41

Ma baa uduhutta ꞌthooyyiaha ꞌcieethaa cĩ lokihoo, baa atalĩ nẽẽg gẽrrẽẽt, hĩnĩngĩtĩ accamana Nyekuci ĩhõõggõ pĩĩrnattaa cĩ uukẽnĩ ꞌthaarĩĩ cĩg Yeesu.

ꞌRooma 1:16

Hõllõngaa haꞌngaaoni naa ngaatĩ hirriõõnĩ nyeemuut ꞌcĩ abũnnaa, hĩnĩngĩtĩ ĩĩn nẽẽ ꞌtirrian cĩ Nyekuci ꞌcĩ eellianĩ eeta vẽlẽk ꞌcĩg ĩĩn lemmiook, ꞌJudeei nõõ ĩcĩ oou, nẽẽthĩ hatĩ ĩĩ eet ꞌcĩg hõllõngaa ĩĩn ꞌJudeei uruta.

ꞌGalaaꞌthia 6:14

Occa hirriani, hĩnĩngĩtĩ hurucce cĩ Makayyioohit cĩnaac Yeesu Krĩstõ diooni, hĩnĩngĩtĩ hurucce cĩnnĩ, ikia adaak lõõcĩ hĩ thooꞌthiok ꞌcĩg abathĩ vẽlẽk hĩ nganĩĩta nẽ hadaaha naa buúk hĩnĩngĩtĩ thooꞌthiok ꞌcĩg abathĩ cĩg looc nicci.

1 Tẽꞌthaloonika 2:19

Ma uppwaanna Makayyioohiti Yeesu, ngagiit hatĩ dioo ꞌcĩg aaꞌnyeetu ngagĩĩt muhẽẽnĩt ꞌcĩ abũnnaa hĩ taliinit nẽ aauttu hĩ bulẽẽnĩtĩ cĩnaang.

1 Tẽꞌthaloonika 3:13

Halayyi naa haini, aꞌnyĩĩk ꞌthinneeti cugguung hokomit, hátĩ hĩĩtõ tẽllĩg muumaa cĩ Nyekuc Baangeet cĩnaac, kõr ꞌcĩ hatĩ akuuni Makayyioohiti cĩnaac Yeesu Krĩstõ, hĩ eet cĩgĩnnĩg vẽlẽk ꞌcĩg ẽllẽẽmĩthĩ.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

2 Timotteeo 1:16

Aꞌnyĩĩk Nyekuc hatamaatĩk Onethivoro hĩ halang cĩnnĩ, hĩnĩngĩtĩ ĩnõõnnõ ꞌcĩ baa aaꞌnya hõkõm ꞌthĩnĩt, baa hõllõngaa aꞌngaaõn nẽẽ ngaatĩ aku acĩnna nganĩĩt, baa haaĩ baabuuthatõõ.

2 Timotteeo 1:8

Ma haꞌngaaoni ngaatĩ aduhaakĩ eet thõõth cĩ Makayyioohit cĩnaac, hode ma haꞌngaaoni, hĩnĩngĩtĩ nganĩĩt buúk, tananga haaĩ baabuutha, hĩnĩngĩtĩ hadticanoothihi Krĩstõ. Dticcianõõĩ ꞌtirrian baa aaꞌnyi Nyekuci nẽ hotholit hĩ nganĩĩt pĩĩrnanĩt ꞌcĩ hammũda naag, hatĩ haduhaak eet nyeemuut ꞌcĩ abũnnaa.

Ebereei 11:16

Nẽẽthĩ, baa adiim nẽẽg looc ꞌcĩ abũnnaa ꞌcĩ aaĩ hĩĩ hẽẽtkujjieen. Ĩnõõ ꞌcĩ hõllõngaa aꞌngaaõnĩ Nyekuci hatĩ avvĩ nẽẽg ĩnõõnnõ annẽẽkĩ Nyekuc cĩnĩĩng, hĩnĩngĩtĩ baa etehenyeek Nyekuci ĩhõõggõ ꞌtaaũn cobbi.

Ebereei 11:26

Baa ammuk Mũũꞌtha aĩ, mẽẽn ngaatĩ appĩĩrnanĩ nẽẽ hĩnĩngĩtĩ Krĩstõ, hĩllõõan ngaatĩ ammũdaanĩ baliinit cĩ Ijjibi, hĩnĩngĩtĩ ẽrẽ nẽẽ dũman cĩnnĩ cobbi ꞌcĩ hatĩ aku horumwa.

Ebereei 13:13

Ĩnõõ ꞌcĩ adiim hõõĩ naag buúk battaalaa cĩ ꞌtaaũnõõ hõõt hummuddioothĩk Yeesu, hátĩ hotholit pĩĩrnanĩt cĩnnĩ.

ꞌJeemith 4:4

Niig eeta ꞌcĩg adĩmannu hẽlẽggĩ ꞌcĩg ĩĩn ꞌriiring ko, hõllõngaa agayyu niig ngaatĩ aaꞌnyuung ꞌgõnnaꞌthẽẽt cĩ lootu ĩĩtõ mĩrõk cĩg Nyekuci? Nẽ má eberriaau ngaatĩ iiginnu ꞌgõõnõgĩ lootu, iittu niig mĩrõk cĩg Nyekuci.

1 Yõaannẽ 2:23

Ẽẽtĩ ꞌcĩ abũrĩ Ngeertĩ Nyekuci, abũrĩ nẽẽ Maaꞌnyĩ buúk. Nẽẽthĩ, ẽẽtĩ ꞌcĩ ẽlẽmĩ Ngeertĩ Nyekuci, ẽlẽmĩ nẽẽ Maaꞌnyĩ buúk.

1 Yõaannẽ 2:28

Niig lohollia, aallattia ũrũmtĩ hĩ Krĩstõ ꞌthinneetinitõõ cugguung. Nẽ ma õbõda nẽẽnĩ, õkõmĩ hatĩ ꞌthinneeti cugguung nẽ iittiõõ thõõth ꞌcĩ aguꞌtheennu ngaaoniitta tõõ.

Terethiinit 14:10

ahũd hatĩ nẽẽ viino ꞌcĩ adduuttiak battaali lĩĩlĩẽẽttaa cĩ Nyekuci. Accananni hatĩ nẽẽ ꞌgwoyyiatõõ ꞌcĩ aaburii padtahac, ẽbẽk Mĩꞌnyõõn hĩ aajĩlẽẽt cĩgĩnnĩg ꞌcĩg ẽllẽẽmĩth noho.