Maarko 8:34 - ꞌBuuk cĩ Thõõth cĩ Nyekuci

³⁴ Nĩngĩtĩ avvaanĩ Yeesu lothippit hĩ nuyyiook cĩgĩnnĩg hummuddiaak ĩnõõnnõ nẽ uduhaak ĩhõõggõ ĩĩnnĩk, “Má adiim eet umwaa ĩĩn nuyyioohit caannĩ, aꞌnyĩĩk ĩnõõnnõ hũtũbũr ẽlẽ cĩnnĩ nẽ irriongan hurucce cĩnnĩ nẽ ũnũa nganĩĩta.

Maarko 8:34 ပူးပေါင်းရင်းမြစ်များ

Maatteeo 10:38

nẽ ẽẽtĩ ꞌcĩ hõllõngaa irriongan hurucce cĩnnĩ nẽ ũnũa nganĩĩta, hõllõngaa ĩĩn nuyyioohit caannĩ.

Maatteeo 16:24

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Má adiim eet umwaa ĩĩn nuyyioohit caannĩ, aꞌnyĩĩk hataarõthĩ ẽlẽ cĩnnĩ nẽ irriongan hurucce cĩnnĩ nẽ ũnũa nganĩĩta.

Maatteeo 27:32

Ma baa nga õvvõ nẽẽg ꞌgõõla, iita ommottio hĩ eet umwa ꞌcĩ haĩ ꞌThimõõnẽ cĩ looc cĩ Cireene, nĩngĩtĩ attĩnganẽẽkĩ ĩnõõnnõ hirriongan hurucce cĩ Yeesu ho.

Maarko 10:21

Nĩngĩtĩ akannĩ Yeesu ĩnõõnnõ hẽbẽrĩ jurrung mĩnnaniitta nẽ ĩĩnnĩk, “Adiimi nii ꞌgii hõdẽẽthõng diooni ꞌcĩ nga uunnihi niina. Bĩĩt tũũõĩ hẽlẽggĩ vẽlẽk ꞌcĩg aꞌnyahi niina nẽ eꞌngereehu ꞌrabbẽẽt tĩko eet ꞌcĩg ĩĩn hullaha, nẽẽthĩ hátĩ aꞌnyahu baliinit cunni hẽẽtahujjieen nẽ õbõda ikia ũnũa nganĩĩta.”

Maarko 7:14

Ma baa ũtũvva Yeesu lothippit hikia hĩ ĩnõõnnõ tarĩ, ikia ĩĩnnĩk nẽẽ ĩhõõggõ, “Ĩthĩktaangu niig vẽlẽk nganĩĩt nẽ agaac jurrung,

ꞌLuuka 13:24

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

ꞌLuuka 14:33

Nẽ ꞌgõõlaa cĩ, hiꞌthihi eet ꞌcĩ occa ĩĩn nuyyioohit caannĩ, hatĩ nga hũtũngeek ꞌgii vẽlẽk.

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 20:45

Ma baa ꞌthẽk nga athĩknĩ eeta vẽlẽk, irrioonĩk Yeesu nuyyiook ĩĩnnĩk,

ꞌLuuka 9:23

Ma ho, uduhaak ĩhõõggõ vẽlẽk ĩĩnnĩk, “Ẽẽtĩ ꞌcĩ adiim anũyya nganĩĩta, aꞌnyĩĩk hẽlẽmana ẽlẽ cĩnnĩ nẽ irriongan hurucce cĩnnĩ nẽ ũnũaanĩ.

Yõaannẽ 10:27

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Yõaannẽ 19:17

Baa irriongan Yeesu hurucce cĩnnĩ ẽmmẽn, ĩꞌthõng nĩngĩtĩ haĩ, Ẽmmẽẽn cĩ õõ cĩ eeto, ꞌcĩ haĩ Aramaayyi ꞌGologooꞌtha.

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

ꞌRooma 6:6

Haga naag haĩ, otoddoyyioothĩk eleeti baaggaac ꞌrẽẽttĩg hurucceea hĩ Yeesu. Baa adĩmanni thõõth ciee, hátĩ hiittiõõ eleeti cĩggaac hõllõngaa ĩĩn appahacaaꞌnya cĩg ꞌthẽccaanak tarĩ.

ꞌRooma 8:17

Nẽ ꞌyioko má hĩĩtõ naag lõhõlĩ cĩg Nyekuci hõdẽĩ hĩ Krĩstõ, hau harigith naag ꞌgattan ꞌcĩ aaꞌnyeet Nyekuci, hĩ baa arigith Krĩstõ buúk ꞌgattan nẽ má hõthõl naag hĩ Yeesu pĩĩrnanĩt cĩnnĩ dĩdĩ, hõthõl hatĩ naag hĩ ĩnõõnnõ bulẽẽnĩt cĩnnĩ buúk.

1 Korinthia 15:31

Nẽ inni hommottiooa naa hĩ daahĩth hõdõõkõthĩ ho? ꞌRianĩĩth ꞌcĩ haꞌnyahi naa hĩ ngagiit, hĩnĩngĩtĩ Yeesu Krĩstõ Makayyioohit cĩnaac, ꞌcĩ aaꞌnya nganĩĩt huduha thõõth icci ho.

1 Korinthia 8:13

Nẽẽthĩ hoti ho, má aaꞌnyĩk idingi ꞌcĩ hadahi naa ꞌgõtõna hĩ ngõõna hẽꞌthẽcattõõ, occa hatĩ hõllõngaa hadahi naa iding tĩho tarĩ, hátĩ hiittiõõ nẽẽg hõllõngaa ẽꞌthẽcanĩ.

1 Korinthia 9:19

Hõllõngaa hĩĩnĩ naa appahaca cĩ eet umwa. Nẽẽthĩ hinnia, hikia hĩĩna appahaca cĩ eet vẽlẽk, hátĩ hũlũllũũmana eet ꞌcĩg mẽẽlĩg gẽrrẽẽt helemit Krĩstõ.

ꞌGalaaꞌthia 2:20

Baa hadaakta naag hĩ Krĩstõ hurucceea ẽlẽk nẽ ꞌyioko, ĩĩ ĩnõõnnõ dioo ꞌcĩ arũgĩ ẽllaa caannĩ. Nẽ rũgẽtĩ ꞌcĩ haꞌnyahi naa ẽllaa caannĩ ho, harugi naa hĩnĩngĩtĩ lemiinit cĩ Ngeertĩ Nyekuc baa ammĩnannaa nganĩĩt nẽ adaak, hĩnĩngĩtĩ nganĩĩta.

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

ꞌGalaaꞌthia 6:14

Occa hirriani, hĩnĩngĩtĩ hurucce cĩ Makayyioohit cĩnaac Yeesu Krĩstõ diooni, hĩnĩngĩtĩ hurucce cĩnnĩ, ikia adaak lõõcĩ hĩ thooꞌthiok ꞌcĩg abathĩ vẽlẽk hĩ nganĩĩta nẽ hadaaha naa buúk hĩnĩngĩtĩ thooꞌthiok ꞌcĩg abathĩ cĩg looc nicci.

Pilippi 3:10

Hadiimi haga naa Krĩstõ hĩ ꞌtirrian cĩ Nyekuc baa arũgtha ĩnõõnnõ daahĩtha. Hadiimi haccanannii naa buúk hĩ baa accananni nẽẽnĩ nẽ hadaaha hĩ baa adaahĩ nẽẽnĩ,

Pilippi 3:7

Nẽẽthĩ ꞌyioko, eteretheeha Krĩstõ nganĩĩt ngaatĩ ĩĩnnĩ thõõth baa gõõng hammuhi naa haini tiir, thõõth umwa haaga.

Kolooꞌthe 1:24

Haccamanoothihi naa hatĩ haccanannii hĩnĩngĩtĩ ngagiit ẽllaa caannĩ, hĩnĩngĩtĩ hõthõlla naag hĩ Krĩstõ ꞌcannan cĩnnĩ ꞌcĩ aalla, hĩnĩngĩtĩ ẽlẽ cĩnnĩ ꞌcĩ ĩĩn lothippit cĩ lemmioohu.

Kolooꞌthe 3:5

Nẽẽthĩ hoti ho, ũtũngteek thooꞌthiok ꞌcĩg ĩĩn ꞌriiring ꞌcĩg abũraneek eleeti cugguung. Thooꞌthiok ꞌcĩg aattĩg hĩcĩg attihõõnĩ eeta tahatak, muhẽẽnĩt cĩ thooꞌthiok ꞌcĩg ĩĩn ꞌriiring, thõõth ꞌcĩ abũraneeku thooꞌthiok ꞌcĩg abathĩ, hode ma hainnu ngaam ngaam, aduhoo thooꞌthioha cieeg hĩ ngaatĩ alayyu nyekuꞌnya ꞌcĩg hõllõngaa ĩĩn dĩdĩ thõng.

2 Tẽꞌthaloonika 3:11

Hõthõõꞌtha naag hoti, hĩnĩngĩtĩ hathĩkna aĩ, aattĩg eeta ũgẽẽgĩ hõrggẽẽnaa cunuung, ꞌcĩg alatan haaga nẽ hõllõngaa adticanni nẽ ara ngaatĩ ẽdtẽbanĩ ꞌgõõnõgĩ dioo.

Tiito 2:12

Allimanneet thõõth cĩ Nyekuci ꞌcĩ abũnnaa, hũtũbũrĩt thooꞌthiok ꞌcĩg ĩĩn ꞌriiring cĩg looc nicci nẽ huꞌthuutti eleeti cĩggaac hũnnẽẽc ꞌlimman cĩ Nyekuci dioo, hĩcĩ adiim nẽẽnĩ;

Ebereei 13:13

Ĩnõõ ꞌcĩ adiim hõõĩ naag buúk battaalaa cĩ ꞌtaaũnõõ hõõt hummuddioothĩk Yeesu, hátĩ hotholit pĩĩrnanĩt cĩnnĩ.

1 Pẽẽtũrũ 4:1

Nẽẽthĩ hoti ho, hĩ baa accananni Krĩstõ loota nĩnga, adiim akũmanoothiku, hátĩ agaac ngaatĩ hatĩ accananiinnu niig buúk hĩ baa nẽẽnĩ. Hĩnĩngĩtĩ ẽtẽrꞌtha ꞌcannani ngaatĩ ũtũngteehu niig ꞌthẽccan.

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

2 Pẽẽtũrũ 1:14

Hĩnĩngĩtĩ eteretheeha Makayyioohiti cĩnaac Yeesu Krĩstõ ẽlẽk, ngaatĩ hidiim hũtũngẽẽhĩ naa rũgẽt cĩ looc nicci.

1 Yõaannẽ 3:16

ꞌGõõl ꞌcĩ hagaĩ naag mĩnnan cieeni. Baa ẽlẽmana Yeesu Krĩstõ ẽlẽ cĩnnĩ, hĩnĩngĩtĩ ngagĩĩta. Nẽ adiim occa hẽlẽmana naag buúk eleeti cĩggaac, hĩnĩngĩtĩ ꞌgotoonogeet hĩ ngoonogeet.

Terethiinit 2:10

Nẽ ma hiꞌngolinnu ꞌgõõl ꞌcĩ hatĩ õõ accananiinnu. Aggammuung hatĩ habuui cĩ loriẽẽt ꞌcĩg abathĩ nẽ aarihuung baabuuthatõõ, accananiinnu hatĩ gẽrrẽẽt waathinniook õmmõtõ, ꞌgõõl ꞌcĩ hatĩ attĩmannuung habuui cĩ loriẽẽt ꞌcĩg abathĩ ho niccia. Ma huunniku thõõth cĩ Nyekuci ũdũt, tananga adiim arukuunga habuui cĩ loriẽẽt ꞌcĩg abathĩ ho. Haaꞌnyuung hatĩ naa ꞌbaaninit ꞌcĩ rũgẽt ꞌcĩ aalla ooo, hĩnĩngĩtĩ ĩllõõattu niig ꞌtĩmman cĩ ꞌThĩttaanõ.