Maarko 8:29 - ꞌBuuk cĩ Thõõth cĩ Nyekuci

²⁹ Nẽ ijin Yeesu ĩhõõggõ tarĩ ĩĩnnĩk, “Ma ꞌthẽk niig dẽẽdẽ, ainnu nganĩ naa?” Ẽdẽcĩ Pẽẽtũrũ aĩ, “Ĩĩnĩ nii Krĩstõ.”

Maarko 8:29 ပူးပေါင်းရင်းမြစ်များ

Maarko 4:11

Ẽdẽcĩ Yeesu ĩhõõggõ anneek, “Baa aaꞌnyĩhoothĩhuung ngagiit thõõth ꞌcĩ ammiꞌthi cĩ habuccieet cĩ Nyekuci. Nẽ haduhaahi naa eet ꞌcĩg battaalu thooꞌthiok ꞌcĩg awantoothĩk,

ꞌLuuka 9:20

Nĩngĩtĩ ajini Yeesu ĩhõõggõ tarĩ annẽẽkĩ, “Ma niig ainnu nganĩ naa?” Ẽdẽcĩ Pẽẽtũrũ aĩ, “Ĩĩnĩ nii Krĩstõ ꞌcĩ ĩꞌthõõa Nyekuci.”

Yõaannẽ 11:27

Ẽdẽcĩ Maarta anneek, “Eei, helemi Makayyioohit! Helemi naa ngaatĩ ĩĩnnĩ nii Krĩstõ Ngeertĩ Nyekuci, baa hammuka naag haĩnna aku hatĩ looccaa nĩĩcĩ.”

Yõaannẽ 4:42

Ma baa ho, iita uduktaak nẽẽg ngaa nicci ĩĩttĩk, “Hẽlẽmta naag Yeesu, hĩnĩngĩtĩ thõõth ꞌcĩ aduha nẽẽ dẽẽdẽ, hõllõngaa hẽlẽmma, hĩnĩngĩtĩ thõõth baa aduhaakeet nii diooni. Hẽlẽmta, hĩnĩngĩtĩ ĩko ĩĩn nẽẽ Ellioohit cĩ lootu dĩdĩ!”

Yõaannẽ 6:68

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Makayyioohit! Nganĩ umwaa tarĩ ꞌcĩ occa hooyyia naag ko? Thõõth cunni dioo ꞌcĩ aaꞌnyeet rũgẽt ꞌcĩ aalla ooo!

Yõaannẽ 6:69

Helemmi naag nganiit nẽ hagayyia ngaatĩ ĩĩnnĩ nii Loholeec ꞌcĩ Odoyyii ꞌcĩ Elleemi cĩ Nyekuci.”

Dtiicanĩ cĩg ꞌThooyyiahu 8:36

Ma baa nga ẽdẽcĩ nẽẽg ꞌgõõla, iita ummuddiaak nĩngĩtĩ õllõõdĩkĩ maama nẽ ĩĩ ꞌgaalacĩ, “Cĩĩn nõõ, maam ũgĩ cieegi. Ĩcca occa hõllõngaa haggami baattithimo?”

Dtiicanĩ cĩg ꞌThooyyiahu 9:20

Ma hĩdĩĩkoothong, iꞌthianaaĩ nẽẽ irrioon thõõth ꞌcĩ ĩĩnnĩ Yeesu Ngeertĩ Nyekuci ꞌCieethinii cĩg Laiittak.

1 Pẽẽtũrũ 2:7

Nẽ niig eeta ꞌcĩg elemmu ĩnõõnnõ ho, aaddi bẽẽ ciee gẽrrẽẽt. Nẽẽthĩ, hĩ eet ꞌcĩg hõllõngaa ẽlẽmĩ, “Ikia ĩĩ bẽẽ ꞌcĩ tiiri gẽrrẽẽt,”

1 Yõaannẽ 4:15

Arũmĩ Nyekuci hõdẽĩ hĩ eet vẽlẽk ꞌcĩg aduha lothippita aĩ, ĩĩn Yeesu Ngeertĩ Nyekuci. ꞌGõõl ꞌcĩ harũmẽẽnĩ hõdẽĩ hĩ Nyekuc ko niccia,

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.