Maarko 8:23 - ꞌBuuk cĩ Thõõth cĩ Nyekuci

²³ Ma nĩngaata, ikia aggam Yeesu aꞌthiit cĩ rubenniookto ho nẽ ũũhĩ ĩnõõnnõ battaalaa cĩ olu. Nĩngĩtĩ õkõ attũũrĩkĩ ĩnõõnnõ ammũt hẽbẽrẽẽnnĩĩ cĩgĩnnĩg nẽ ataadĩk athĩn cĩgĩnnĩg ẽllaa cĩ rubenniookto nẽ ijin ĩnõõnnõ ĩĩnnĩk, “Occa icinu ꞌgiimwa?”

Maarko 8:23 ပူးပေါင်းရင်းမြစ်များ

Maarko 5:23

nẽ ĩĩlaleek Yeesu ĩĩnnĩk, “Õmmõõrĩ nganĩĩt loholeec ꞌcĩ ngayyi ꞌcĩ hidici gẽrrẽẽt. Ijjia baaĩ nuun bĩĩt huum ĩnõõnnõ athĩnĩĩ cugunnig, hátĩ hũbũna nẽ ũrũga!”

Maarko 7:33

Ma ho, ẽꞌnyẽẽhõĩ Yeesu eet ꞌcĩ adĩĩtĩ ĩĩna ho, lothippitatõõ ngadiiha nẽ uꞌthuuhik athĩn cĩgĩnnĩg ĩĩnĩtõõ cĩg eetak nẽ ũttũũrĩk ammũt, nĩngĩtĩ ahumẽẽkĩ ahaataa cĩ eet nicci.

Maarko 8:24

Ma ho, ĩcĩnõõthĩ ẽẽtĩ hẽẽtkujjieen nẽ ĩĩ, “Eeĩ, hacini eeta, hacini aattĩg hĩ hẽẽna ꞌcĩg õvvõ thõng.”

Maarko 8:26

Nĩngĩtĩ ĩꞌthõõĩkĩ Yeesu ĩnõõnnõ ꞌgõõl hũũk ĩĩcĩ õlõ cĩnnĩ nẽ uduhaak ĩĩnnĩk, “Ma nga hobodoothi hõkõ ꞌtaaũna tarĩ.”

Dtiicanĩ cĩg ꞌThooyyiahu 23:19

Ma ho, aggam ꞌgaalacĩ cobbi nyahaappan nicci aꞌthiit, nĩngĩtĩ õkõõyyĩ ĩnõõnnõ ngadiiha nẽ ũũk ijin ĩĩnnĩk, “Thõõth ꞌcĩ aaĩ hutuno ꞌcĩ adiim aduhaaka nii nganĩĩt ko?”

Dtiicanĩ cĩg ꞌThooyyiahu 9:8

Ma ho, ĩtĩnga ꞌThaaulo ꞌjieena nẽ ma aĩ hĩcĩnĩ ho, ruben hinnia thõng. Nĩngĩtĩ atĩꞌthĩtĩ eeta ĩnõõnnõ õõyyĩ ꞌtaaũnatõõ cĩ Damaathĩko.

Ebereei 8:9

Aitiõõ hatĩ lõhõt ciee hõllõngaa aaĩ hĩ baa hadaka naag hĩ hĩbaangĩ cĩggĩĩng baa haluuganĩĩ ĩhõõggõ Ijjiba, hikia hũtũbũra naa ĩhõõggõ, hĩnĩngĩtĩ baa hõllõngaa aꞌthũũnnĩ nẽẽg lõhõt caannĩ ho.

Terethiinit 3:18

Haĩ hitiloouung naa ngagiit utuuyyia hĩ nganĩĩt ꞌdaab ꞌcĩ ĩwaadĩ ꞌgwoyyia ĩĩ tẽlla, hátĩ aballio nẽ itihimtu ceremwa ꞌcĩg õõrĩg, hátĩ ũmmũtĩt ngaaoni ꞌcĩ aattiyyu ngũtũtũũny nẽ utuuyyiau ẽgẽrnaac cĩ hebereennu, hátĩ haaꞌnyuung ngagiit ĩcĩttĩ jurrung.