Maarko 8:15 - ꞌBuuk cĩ Thõõth cĩ Nyekuci

¹⁵ Ma nĩngaata, uduhaak Yeesu ĩhõõggõ ĩĩnnĩk, “Ĩcĩnĩt jurrung nẽ aaut dĩkĩĩm, ĩĩtõ ꞌrẽẽttĩg hĩ abũũla cĩg Variꞌtheei hĩ cĩg Ẽrõõdẽ.”

Maarko 8:15 ပူးပေါင်းရင်းမြစ်များ

Maatteeo 14:1

Waathinnioohĩ nĩĩcag, baa ĩĩn Ẽrõõdẽ habu, ikia ĩthĩk nẽẽ nyeemuut cĩ Yeesu.

Maatteeo 14:3

Baa aggam Ẽrõõdẽ Yõaannẽ hẽcẽb nẽ aarĩk baabuuthatõõ, hĩnĩngĩtĩ ngagõtõnõõnĩ ꞌcĩ haĩ Erodia, ngaa cĩ Pilippo,

Maatteeo 14:6

Ma baa õdõlanit waathinniooha cĩg karrama cĩ kõr baa arrittiaanĩ Ẽrõõdẽ, ikia tĩnaatĩ Erodia ũrũgũmeek eet cĩg karramaawak nẽ aaꞌnyĩk Ẽrõõdẽ haccamanoothĩk gẽrrẽẽt,

Maatteeo 16:6

Nẽ itilo Yeesu ĩhõõggõ ĩĩnnĩk, “Ĩcĩnĩt abũũla cĩg Variꞌtheei hĩ cĩg Thadutheei jurrung.”

Maarko 12:13

Ma baa uruta, iita ĩꞌthõõcõ makayyiooha Variꞌtheei ũgĩ hĩ eet ũgĩ ꞌcĩg ĩĩn lothippit cĩ habu Ẽrõõdẽ hõõt hotogollieek Yeesu, thooꞌthiohĩĩ ꞌcĩg õthõõth nẽẽnĩ.

Maarko 8:14

Baa ataarriothĩ nuyyiooha ngaatĩ aꞌnyahaanĩ ũbũnẽẽt hĩĩ mẽẽlĩg, baa hinnia aꞌnyak ũbũnĩ hõdẽẽthõng dioo haahũlatõõ.

Maarko 8:16

Ma ho, othoothito nuyyiooha nyaagwaana ĩĩtõ, “Õthõõth Yeesu hoti, hĩnĩngĩtĩ hõllõngaa haꞌnyak naag ũbũnẽẽta.”

ꞌLuuka 12:15

Nĩngĩtĩ annẽẽkĩ lothippit, “Uꞌthuutti eleeti! Ma hainnu ngaam ngaam, hĩnĩngĩtĩ lõbõlõbẽẽꞌthĩt cĩ hẽlẽggĩ cĩg looc nicci. Aitiõõ ẽẽtĩ hõllõngaa arũgĩ, hĩnĩngĩtĩ baliinit cĩnnĩ.”

1 Timotteeo 5:21

Haduhaaki muumaa cĩ Nyekuci hĩ ĩcĩ Yeesu Krĩstõ, hĩ aajĩlẽẽt cĩgĩnnĩg vẽlẽk baag eberriaa hanneeki, nũũ thooꞌthiok ꞌcĩg haduhaaki naa ho. Nẽ ma hahali eet thõng.

1 Timotteeo 6:13

Haduhaakii muumaa cĩ Nyekuci ĩcĩ aaꞌnyĩk hẽlẽggĩ vẽlẽk hũrũgĩt, hĩ muumaa cĩ Yeesu Krĩstõ ꞌcĩ baa aduhaak Ponthio Pĩlaatõ lemiinit cĩnnĩ lothippita,

2 Timotteeo 2:14

Nii Timotteeo, ma haaꞌnyihi eet umwa hataarõthĩ thooꞌthiok iccig, tilo ĩhõõggõ muumaa cĩ Nyekuci, hiittiõõ hõllõngaa ẽppẽhanõõnĩ thooꞌthiok. Aitiõõ pẽkanĩ hõllõngaa ẽẽl eet umwa, ẽꞌthẽcan hinnia eet ꞌcĩg athĩknĩ nẽ aaꞌnyĩk ĩhõõggõ pĩĩrnanĩt.