Maarko 8:11 - ꞌBuuk cĩ Thõõth cĩ Nyekuci

¹¹ Ma baa ĩthĩhĩt Variꞌtheei aĩ õdõlan Yeesu, iita iꞌthiattaaĩ nẽẽg ẽppẽhattõõ hĩ ĩnõõnnõ. Baa attĩman nẽẽg ĩnõõnnõ hidtican thõõth ꞌcĩ ĩnaat eeta ꞌcĩ aku hẽẽtahujjieen, hẽtẽrẽtha makaaꞌthĩt cĩnnĩ.

Maarko 8:11 ပူးပေါင်းရင်းမြစ်များ

Luugithõõ 17:2

Ma nĩngaata, iita ongoongoyyieek eeta cĩg Ĩꞌthĩraẽlĩ Mũũꞌtha ĩĩttĩk, “Aaꞌnyeet maam huhuddia.” Ẽdẽcĩ hinnia Mũũꞌtha ĩhõõggõ anneek, “Inni eggerenyteehaangu niig nganĩĩt ko? Inni ĩttĩmanit niig Makayyioohit ko?”

Luugithõõ 17:7

Ma nĩngaata, akateek Mũũꞌtha nĩngĩtĩho ꞌthaarriok ꞌcĩg haĩ Maaꞌtha hĩ Meriba; hĩnĩngĩtĩ baa ẽggẽrẽny eeta cĩg Ĩꞌthĩraẽlĩ nẽ ĩttĩmanit Makayyioohit ĩĩtõ, “Aaĩ ꞌthẽk Makayyioohiti hõrggẽẽnaa cĩnaac hode aitiõõ?”

Maatteeo 12:38

Ma ho, iita ĩĩttĩk Variꞌtheei ũgẽẽgĩ hĩ ꞌlimmanniook cĩg nyattal cĩ Mũũꞌtha ĩnõõnnõ, “ꞌLimmannioohit, hadiimmi naag nganiit anyeet terethiinit ꞌcĩ aku hẽẽtahujjieen.”

Maatteeo 19:3

Ma ho, ĩttĩmanit Variꞌtheei ũgẽẽgĩ ĩnõõnnõ ĩĩttĩk, “Ẽlẽmĩ nyattalĩ cĩ Mũũꞌtha ngaatĩ õõgĩ ẽẽtĩ ngaa cĩnnĩ, hatĩ aꞌnyak thõõth ꞌcĩ abathĩ?”

Maatteeo 21:23

Baa õkõ aduhun Yeesu nĩngĩtĩ õbõhõõ hĩ halang cĩ ꞌCieeth cĩ Nyekuci nẽ illiman eeta, ma ho, ummuddiaak makayyiooha cĩg paadĩrꞌnyaannu hĩ makayyiook cĩg eetuk ĩnõõnnõ nẽ ijinit ĩĩttĩk, “Ammũda nii makaaꞌthĩt ꞌcĩ adĩmanĩĩ thooꞌthiok iccig ko ĩĩna? Aaꞌnyi nganĩ?”

Maatteeo 22:15

Ma nĩngaata, ulutti Variꞌtheei, õõt ũkũmatteek ꞌgõõl ꞌcĩ hatĩ aggamĩ Yeesu thooꞌthiohĩĩ cĩgĩnnĩg.

Maatteeo 22:18

Baa aga Yeesu muhẽẽnĩt cĩnĩĩng ꞌcĩ abathĩ ho, nĩngĩtĩ annẽẽkĩ ĩhõõggõ, “Niig oloꞌngiaaha cieegi! Adiimmu ẽdẽttaangu thõng inni?

Maatteeo 22:23

Baa hõllõngaa ẽlẽmĩ Thadutheei ngaatĩ occa arũgnaanĩ eeta urutaa cĩ daahĩthõõ tarĩ. Ma kõr niccia noho, iita ijinit nẽẽg Yeesu ĩĩttĩk,

Maarko 12:15

Hũdũmatta occoro hode hiittiõõ hõllõngaa hadũmanna?” Nẽẽthĩ, baa aga Yeesu ngaatĩ aꞌnyahĩ nẽẽg muhẽẽnĩt ꞌcĩ abathĩ nẽ ẽdẽc ĩhõõggõ ĩĩnnĩk, “Inni idiimit niig otogollieehaangu nganĩĩt ko? Aꞌnyakta da ꞌdinaar hõdẽẽthõng hĩcĩn naana.”

Maarko 2:16

Ma baa acĩn ꞌlimmanniooha cĩg nyattal cĩ Mũũꞌtha ꞌcĩg baag ĩĩn Variꞌtheei Yeesu, ngaatĩ aduhẽẽnĩ hĩ eet ꞌcĩg alũt occoro hĩ ꞌthẽccanniook ko, ijinit nẽẽg nuyyiook cĩgĩnnĩg ĩĩttĩk, “Inni hudukto Yeesu hĩ eet ꞌcĩg alũt occoro hĩ ꞌcĩg ĩĩn ꞌthẽccanniook hõdẽĩ ho?”

Maarko 9:16

Ma ho, ijin Yeesu nuyyiook cĩgĩnnĩg ĩĩnnĩk, “Ne ꞌcĩ ẽppẽhanoonnu niig hĩ ꞌlimmanniook cĩg nyattaalak ko?”

ꞌLuuka 10:25

Baa aku ajin ẽẽtĩ umwaa ꞌcĩ aga nyattal cĩ Mũũꞌtha gẽrrẽẽt Yeesu anneek, “ꞌLimmannioohit, ne occa ꞌthẽk ꞌcĩ occa hadĩmani naa, hátĩ haaꞌnya Nyekuci hũrũg ũdũt?”

ꞌLuuka 11:16

Nĩngĩtĩ attĩmanĩ ũgẽẽgĩ Yeesu ajini terethiinit ꞌcĩ aku hẽẽtahujjieen.

Yõaannẽ 4:48

Ma nĩngaata, uduhaak Yeesu ꞌgaalac nicci ĩĩnnĩk, “Má hõllõngaa acinnu niig thooꞌthiok ꞌcĩg ĩnaat eeta, hõllõngaa hatĩ elemmu.”

Yõaannẽ 6:30

Nĩngĩtĩ ajini nẽẽg Yeesu annẽẽkĩ, “Thõõth ꞌyioko iina ꞌcĩ ĩnaat eeta ꞌcĩ occa eterꞌtheekeet nii ngagĩĩt, hátĩ helemtiina? Ne occa ꞌyioko ꞌcĩ occa adĩmani nii?

Yõaannẽ 7:48

ꞌYioko occa aau makayyioohiti umwaa hode Variꞌtheeniti ꞌcĩ ẽlẽm ĩnõõnnõ?

Yõaannẽ 8:6

Baa ajin nẽẽg Yeesu hoti, hummuddia ꞌgõõl ꞌcĩ occa aggamĩ ĩnõõnnõ. Nẽẽthĩ, baa aggiingi hinnia Yeesu nẽ ẽtẽhẽẽd looc attiaa cĩnnĩ.

Dtiicanĩ cĩg ꞌThooyyiahu 5:9

Ma ho, ĩĩnnĩk Pẽẽtũrũ ĩnõõnnõ, “Atuhannu hatĩ niig vẽlẽk ꞌrammaattĩg hutuno ẽlẽmtõ ngaatĩ attĩmannu Lori ꞌcĩ Ẽllẽẽmĩth ko? Cĩĩn nõõ! ꞌCakaꞌthiook cĩg eet aag ada maac cunni hattũũga nẽ irrionganeeki hatĩ nganiit buúk battaala.”

1 Korinthia 10:9

Occa hõllõngaa hattĩman naag Makayyioohit hĩ baa attĩman eeta ũgẽẽgĩ hõrggẽẽnaa cĩnĩĩng nẽ iita adahit ĩhõõggõ hũkaaꞌnya.