Maarko 7:7 - ꞌBuuk cĩ Thõõth cĩ Nyekuci

⁷ Alayya nẽẽg nganĩĩt utugeetini haaga. ꞌLimmanĩ ꞌcĩ alliman nẽẽg ko, ĩĩn nyepitee cĩ eetu haaga.’

Maarko 7:7 ပူးပေါင်းရင်းမြစ်များ

Maatteeo 15:9

Abathĩ ngaatĩ alayya nẽẽg nganĩĩt, hatĩ alliman nyattal cĩ eetu.’ ”

Maatteeo 6:7

“Ma alayyi, ma hara halayyi hũnũũk au hĩ eeta ꞌcĩg hõllõngaa aga Nyekuc, ammuk nẽẽg aĩ athĩhĩ hatĩ Nyekuci laiinit cĩnnĩĩng, hĩnĩngĩtĩ laiinit cĩnnĩĩng ꞌcĩ uuni ho.

1 Korinthia 15:14

Nẽ má baa nga hũrũga Krĩstõ, ĩĩn thĩ ꞌlimmanĩ cĩnaang hĩ lemiinit cunuung ko, ꞌgii ꞌcĩ hõllõngaa aaddi.

1 Korinthia 15:58

Nẽẽthĩ hoti ho, ꞌgotoonoga hĩ ngoonoga, aaut okomit. Ma haaꞌnyiku ꞌgiimwa hotomooyyuunga. Aarrik eleeti cugguung hõdõõkõthĩ dtiicaa cĩ Makayyiookto, hĩnĩngĩtĩ agayyu niig aĩ, hõllõngaa ĩĩn dtiici cunuung cĩ Makayyiookto ho ꞌcĩ haaga.

Kolooꞌthe 2:22

Aku hatĩ edecciaa ꞌlimmanĩ ciee vẽlẽk, hĩnĩngĩtĩ aarĩk ẽẽtĩ ꞌcĩ holli õõ haaga.

Tiito 3:9

Aitiõõ hõllõngaa abũnnaa ngaatĩ haruhõõnĩ hoti, hĩnĩngĩtĩ hõllõngaa eelleet jõrẽẽĩ nẽ ma hẽppẽhanoonnu ꞌthaarriok cĩg nyakangaaꞌnya cugguung baangaani, hode hegernyoonnu hode aruhoonnu thõõth cĩ nyattal cĩ Mũũꞌtha. Abathĩ thõõth ꞌcĩ hẽggẽrnyõõnĩ hode haruhõõnĩ hoti.

ꞌJeemith 1:26

Má ammuk eet umwaa aĩ hĩĩnĩ eet cĩ Nyekuci nẽ õthõõth tahatak, ĩggõõl nẽẽ ẽlẽ cĩnnĩ nẽ iittiõõ hõllõngaa adticanni thõõth cĩ Nyekuci hĩ ĩnõõnnõ.

ꞌJeemith 2:20

Nii ꞌgiiꞌthiahiti, adiimi nii heterethoothihii thõõth ꞌcĩ aĩ, hõllõngaa ẽẽlannii nganiit lemiiniti ꞌcĩ aitiõõ dtiicanĩ ꞌcĩg abũnnaa tõõ?

Terethiinit 22:18

Nẽ naa Yõaannẽ, hiloottuung ngagiit vẽlẽk ꞌcĩg athiknu ꞌrioon cĩ ꞌbuuk icci ho. Má ĩttoorĩk ẽẽtĩ umwaa thõõth umwa cĩnnĩ, uuk hatĩ Nyekuci ĩnõõnnõ ꞌtheretwaanĩĩ ꞌcĩg abathĩ gẽrrẽẽt eheeddi ꞌbuuhatõõ cĩ ho.