Maarko 7:34 - ꞌBuuk cĩ Thõõth cĩ Nyekuci

³⁴ Ma ho, ĩcĩnõõthĩ Yeesu hẽẽtkujjieen nẽ õbõdẽẽhĩ ꞌthĩnĩt, nĩngĩtĩ annẽẽkĩ eet nicci, “Ẽvvatha,” nĩngĩtĩ aĩ, “ꞌBuuhi!”

Maarko 7:34 ပူးပေါင်းရင်းမြစ်များ

Luugithõõ 2:23

Ma waathinnioohĩĩ nĩĩcag, ikia adaak habuui cĩ Ijjibi. Iita accanattĩ eeta cĩg Ĩꞌthĩraẽlĩ, hĩnĩngĩtĩ apahacaaꞌthĩt cĩnĩĩng nẽ urruuyyio, nĩngĩtĩ õdõlanĩ ulwaanĩ cĩnĩĩng ꞌcĩ adiimi eliinit ko Nyekuc hẽẽtahujjieen.

Maarko 1:41

Ma ho, atamaatĩk Yeesu eet nicci, nĩngĩtĩ ahumi ĩnõõnnõ nẽ ĩĩnnĩk, “Eeĩ, hatabbii naa nganiit bũna. Bũna ĩĩ tẽlla!”

Maarko 15:34

Ma ꞌthaa iyyio, ikia urruuo Yeesu moloohaa cobbi gẽrrẽẽt ĩĩ, “Eloi, Eloi, Lama Thabachthani?” Nĩngĩtĩ aĩ, “Nyekuc caannĩ, Nyekuc caannĩ, ũũnnĩkaa nii nganĩĩt inni?”

Maarko 5:41

Ma ho, aggam Yeesu loholeec aꞌthiit nẽ ĩĩnnĩk, “Talitha koum!” Nĩngĩtĩ aĩ, “Loholeeca, hanneekii naa nganiit tĩnga ꞌjieena!”

Maarko 6:41

Nĩngĩtĩ aggamaanĩ Yeesu ũbũnẽẽt ꞌcĩg ĩĩn ꞌtur hĩ ulugo ꞌcĩg ĩĩn ꞌramma ho nẽ ẽdẽẽnyõthĩ hẽẽtkujjieen nẽ aggatan ꞌgẽẽn nicci nẽ appak ũbũnẽẽt nẽ aaꞌnyĩk nuyyiook heꞌngerrieek eet. Nĩngĩtĩ ẽꞌngẽrẽẽkĩ nuyyiooha ulugo ꞌcĩg ĩĩn ꞌramma ho buúk ĩhõõggõ vẽlẽk.

Maarko 7:35

Ma hĩdĩĩkoothong, iita ubbuukti ĩĩna ꞌcĩg eet nicci nẽ ũbũna ahaatĩ buúk nĩngĩtĩ õthõõthĩ jurrung.

Maarko 8:12

Baa õbõdẽẽkĩ Yeesu ꞌthĩnĩt gẽrrẽẽt nẽ õthõõth ĩĩ, “Inni gõõng eeta cĩg irkiꞌnyia iccig hijinit thõõth ꞌcĩ ĩnaat eeta ho? Haduhaakuung naa ngagiita, hõllõngaa hatĩ heterꞌtheehi eet iccig thõõth ꞌcĩ ĩnaat eeta ũdũt.”

ꞌLuuka 18:42

Nĩngĩtĩ annẽẽkĩ Yeesu ĩnõõnnõ, “Cĩnĩ. Aaꞌnyi lemiiniti cunni bũna.”

ꞌLuuka 19:41

Ma baa õbõktõ nẽẽ hĩ ꞌJeruꞌthalẽm nẽ ĩcĩn ꞌtaaũn, ikia utulu,

ꞌLuuka 7:14

Ma ho, ĩbĩlĩt eeta ꞌcĩg irriongan buulenit ko, nĩngĩtĩ õkõ ahumi Yeesu ĩnõõnnõ nẽ othoothĩk ĩĩnnĩk, “Buulenit, hanneekii tĩnga ꞌjieena.”

Yõaannẽ 11:33

Ma baa adtuuha Yeesu Maria hĩ eet cĩg ꞌJudeei ꞌcĩg õõkõra hĩ ĩnõõnnõ ngaatĩ arruuẽnĩ ho, ikia uhum thõõth ciee Yeesu ꞌthĩnĩt gẽrrẽẽt.

Yõaannẽ 11:35

Nĩngĩtĩ alui Yeesu.

Yõaannẽ 11:38

Baa alĩĩlĩ Yeesu thõõth cĩ daahĩth cĩ Laaꞌtharõ gẽrrẽẽt, baa õdõlan nẽẽ waany ꞌcĩ acciꞌthiaa lõbaraba nẽ ũꞌnyũũgĩ biyyia.

Yõaannẽ 11:41

Nĩngĩtĩ ẽꞌnyẽẽhĩ eeta bẽẽ. Ma ho, ĩcĩnõõthĩ Yeesu hẽẽtkujjieen nẽ alaõ ĩĩ, “Ĩlaallẽ Baaba ngaatĩ athĩkna nganĩĩta.

Yõaannẽ 11:43

Ma baa uduha Yeesu thõõth icci ẽlẽk, ikia ũtũvvõ nẽẽ moloohaa cobbi ĩĩ, “Laaꞌtharõ, duhuna battaala!”

Yõaannẽ 17:1

Ma baa ẽdẽcaak Yeesu thõõth ꞌcĩ aduhaak nuyyiook cĩgĩnnĩg ko, ikia ĩcĩnõõthĩ hẽẽtkujjieen nẽ alaõ ĩĩ, “Baaba, õdõlan kõrra ꞌcĩ abulꞌthĩ nii Ngeeruni, hátĩ hubuluthii Ngeeruni nganiit buúk.

Dtiicanĩ cĩg ꞌThooyyiahu 9:34

Ma ho, ĩĩnnĩk Pẽẽtũrũ ĩnõõnnõ, “Enea, aaꞌnyi Yeesu Krĩstõ nganiit bũna. Tĩnga kũmmaneek nangẽrẽb cunni.” Ma hĩdĩĩkoothong, ĩtĩnga Enea nĩĩcĩ noho.

Dtiicanĩ cĩg ꞌThooyyiahu 9:40

Ma nĩngaata, ikia uduhaak Pẽẽtũrũ ĩhõõggõ vẽlẽk hõõt nõõ battaala, nĩngĩtĩ akannĩ huruꞌnyia nẽ alaõ. Ma ho, ũtũhũoothĩk ngaa ꞌcĩ adaahĩ ho nẽ ĩĩnnĩk, “Tabitha, tĩnga ꞌjieena.” Nĩngĩtĩ acĩnẽẽnĩ Tabitha hudtuuha Pẽẽtũrũ nẽ aau ꞌjieena.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!