Maarko 7:31 - ꞌBuuk cĩ Thõõth cĩ Nyekuci

³¹ Ma baa ũtũngeek Yeesu ꞌtaaũn cĩ ꞌTire, ikia õbõdõõthĩ ꞌgõõlaa cĩ ꞌtaaũn cĩ ꞌThidõõnẽ, ũũk ĩĩcĩ Bũlũc cĩ ꞌGalileea ĩꞌthõng ꞌtaaũnniook ꞌcĩg ĩĩn õmmõtõ ꞌcĩg haĩ Dekapoli.

Maarko 7:31 ပူးပေါင်းရင်းမြစ်များ

Maatteeo 11:21

“Pĩĩrnanĩt hĩ ngagiit eet cĩg Korathini hĩ cĩg Beꞌthaida. Má baa hĩĩ ꞌcĩ hadticanĩĩ naa thooꞌthiok baag ĩnaat eeta ꞌtaaũnnioohĩĩ cugguung, hĩĩ ꞌcĩ baa hadticanĩĩ ꞌtaaũnnioohĩĩ ꞌcĩg abathĩ ĩĩcĩg ꞌTire hĩ ꞌThidõõnẽ, occa ꞌyioko baa ũtũngteek nẽẽg ꞌthẽccanẽẽt cĩggĩĩng baa hũnũũk nẽ itihimit ceremwa cĩg ulwaanak nẽ ujuhanit hatiꞌtheet ootinii cĩggĩĩng, hĩĩ terethiinit ꞌcĩ edeethini nẽẽg ꞌthẽccanẽẽtĩĩ cĩggĩĩng.

Maatteeo 4:18

Kõr umwa, baa õvvõ Yeesu dẽmẽtaa cĩ Bũlũc cĩ ꞌGalileea. Ma ho, ĩcĩn ꞌgõtõn ꞌramma ꞌcĩg adhuheek nyelelewwa bũlũcatõõ, hĩnĩngĩtĩ baa ĩĩn nẽẽg eet ꞌcĩg aggam ulugo. Baa haĩ umwa ꞌThimõõnẽ nẽ hĩĩtõ umwa Andrea. Haĩ ꞌThimõõnẽ ꞌthaar ũgĩ Pẽẽtũrũ.

Maatteeo 4:25

Baa anũ ĩnõõnnõ lothippiꞌnya ꞌcĩg mẽẽlĩg gẽrrẽẽt. Baa au ũgẽẽgĩ looccaa cĩ ꞌGalileea nẽ iita ũgẽẽgĩ ĩĩcĩ ꞌJeruꞌthalẽmĩ hĩ ũbũtẽẽt cĩg ꞌJudeea. Nẽ baa au ũgẽẽgĩ buúk ꞌtaaũnnioohĩĩ ꞌcĩg ĩĩn õmmõtõ, ĩcĩg agayyi haĩ Dekapoli nẽ abaakta ũgẽẽgĩ dhoortaa cĩ hidioo cĩ ꞌJõrdanĩ.

Maarko 5:20

Nĩngĩtĩ õkõõĩ ẽẽtĩ ciee ꞌtaaũnnioohĩĩ ꞌcĩg ĩĩn õmmõtõ, ĩcĩg haĩ Dekapoli, aduhaakĩ eet thõõth baa adĩmaneek Yeesu ĩnõõnnõ. Nẽ eeta vẽlẽk ꞌcĩg baag athĩhĩ thõõth icci, iita ĩtĩnaacõ thõõth cĩ Yeesu gẽrrẽẽt.

Maarko 7:24

Ma nĩngaata, ĩtĩnga Yeesu ũũk ĩĩcĩ looc umwa ꞌcĩ õbõhõõ hĩ ꞌtaaũn ꞌcĩ haĩ ꞌTire. Baa õkõ aduhun nẽẽ ꞌcieeth umwa nẽ hõllõngaa adiim hagaacõ eeta ngaatĩ aayyi nẽẽ nĩngaata nẽ tarĩ, baa hõllõngaa ammiꞌthi thõõth ꞌcĩ aayyi nẽẽ nĩngaata ho.

Maarko 7:30

Ma ho, õbõdõõꞌthĩ ngaa nicciee ĩĩcĩ olu, ũmmũdoothĩk loholeec cĩnnĩ atangu nangẽrẽba, uduhuna lorii ꞌcĩ abathĩ ho ẽllaa cĩnnĩ.