Maarko 7:24 - ꞌBuuk cĩ Thõõth cĩ Nyekuci

²⁴ Ma nĩngaata, ĩtĩnga Yeesu ũũk ĩĩcĩ looc umwa ꞌcĩ õbõhõõ hĩ ꞌtaaũn ꞌcĩ haĩ ꞌTire. Baa õkõ aduhun nẽẽ ꞌcieeth umwa nẽ hõllõngaa adiim hagaacõ eeta ngaatĩ aayyi nẽẽ nĩngaata nẽ tarĩ, baa hõllõngaa ammiꞌthi thõõth ꞌcĩ aayyi nẽẽ nĩngaata ho.

Maarko 7:24 ပူးပေါင်းရင်းမြစ်များ

ꞌThianaattõ 10:15

Baa ĩĩn Kanaanĩ maaꞌnyĩ buulenit ꞌcĩ oou ꞌcĩ haĩ ꞌThidõõnẽ, hĩ eet ꞌcĩg haĩ Hiiti.

ꞌThianaattõ 10:19

baa õdõlan lõkõõrĩ cĩ looc cĩ Kanaanĩ ꞌgõõl ꞌcĩ aku ĩĩcĩ ꞌThidõõnẽ ĩꞌthõng hõdõlan ꞌGerar, ngaatĩ õbõhõõ hĩ ꞌGaaꞌtha. Nẽ ĩĩcĩ hujjieen, õdõlan ꞌThõõdõm hĩ ꞌGõmõõra hĩ Adma hĩ ꞌTheboiim ngaatĩ õbõhõõ hĩ Laatha.

ꞌThianaattõ 49:13

Nii ꞌThebuluni, õlõmani hatĩ nii dẽmẽtaa cĩ bũlũcõ, nẽ ikia iinu nĩngĩtĩ abĩllĩ haahũlnya; õdõlan hatĩ lõkõõrĩ cunni looc cĩ ꞌThidõõnẽ.

Maatteeo 11:21

“Pĩĩrnanĩt hĩ ngagiit eet cĩg Korathini hĩ cĩg Beꞌthaida. Má baa hĩĩ ꞌcĩ hadticanĩĩ naa thooꞌthiok baag ĩnaat eeta ꞌtaaũnnioohĩĩ cugguung, hĩĩ ꞌcĩ baa hadticanĩĩ ꞌtaaũnnioohĩĩ ꞌcĩg abathĩ ĩĩcĩg ꞌTire hĩ ꞌThidõõnẽ, occa ꞌyioko baa ũtũngteek nẽẽg ꞌthẽccanẽẽt cĩggĩĩng baa hũnũũk nẽ itihimit ceremwa cĩg ulwaanak nẽ ujuhanit hatiꞌtheet ootinii cĩggĩĩng, hĩĩ terethiinit ꞌcĩ edeethini nẽẽg ꞌthẽccanẽẽtĩĩ cĩggĩĩng.

Maatteeo 9:28

Ma baa uduhun Yeesu ꞌcieetõõ, iita rubenniaaha hĩ ĩnõõnnõ nẽ ijin nẽẽ ĩhõõggõ ĩĩnnĩk, “Elemmu niig occa hũũlũ naa ngaatĩ heelluung ngagiit ũbũttaathõ?” Ẽdẽcĩ nẽẽg aĩ, “Eei Makayyioohit.”

Maarko 2:1

Ma baa urutaa cĩ waathinniook ꞌcĩg abadtẽc haaga, ikia õbõdõõthĩ Yeesu ũũk ĩĩcĩ ꞌtaaũn cĩ Kapernaumĩ nẽ ĩꞌthanothoothĩk nyeemuut looc hĩdĩĩkoothong, ĩthĩhĩt eeta aĩ ikia nẽẽ õlõ.

Maarko 7:23

hĩ hẽlẽggĩ vẽlẽk ꞌcĩg abathĩ ꞌcĩg adukna ẽllaa cĩ eeto, ꞌcĩg aaꞌnyĩk ĩnõõnnõ hĩĩ ‘ꞌriiring’ ko.”

Maarko 7:25

Baa aaĩ ngaa umwaa ꞌcĩ aꞌnyak bũhaanyĩnĩ lori ꞌcĩ abathĩ nẽ baa ĩthĩk nẽẽ aĩ, aaĩ Yeesu nĩngaata. Ma ho, ũũk ẽttẽẽd ngaa nicciee looc ꞌthõõnĩĩ cĩg Yeesu.

Maarko 7:31

Ma baa ũtũngeek Yeesu ꞌtaaũn cĩ ꞌTire, ikia õbõdõõthĩ ꞌgõõlaa cĩ ꞌtaaũn cĩ ꞌThidõõnẽ, ũũk ĩĩcĩ Bũlũc cĩ ꞌGalileea ĩꞌthõng ꞌtaaũnniook ꞌcĩg ĩĩn õmmõtõ ꞌcĩg haĩ Dekapoli.

1 Timotteeo 5:25

Aduhõõ thõõth ciee hĩ thooꞌthiok ꞌcĩg abũnnaa. Aattĩg thooꞌthioha ꞌcĩg edeeꞌnyia nĩĩcĩ noho nẽ aitiõõ ꞌcĩg occa ammiꞌthi ũdũt tõõ.