Maarko 7:15 - ꞌBuuk cĩ Thõõth cĩ Nyekuci

¹⁵ aitiõõ ꞌgẽẽn ꞌcĩ adak ẽẽtĩ hõllõngaa aaꞌnyĩk eet hĩĩ ꞌriiring hiittiõõ hõllõngaa ala Nyekuc. Thooꞌthiok ꞌcĩg aduha ẽẽtĩ ꞌcĩg abathĩ, ꞌcĩg aaꞌnyĩk eet hĩĩ ꞌriiring ko.

Maarko 7:15 ပူးပေါင်းရင်းမြစ်များ

Maatteeo 12:34

Niig cĩg abaꞌthu dtẽc aaut hĩ hũkaaꞌnya ho, occa gõõng aduhaannu niig thõõth ꞌcĩ abũnnaa hutuno? Hĩnĩngĩtĩ ꞌgii ꞌcĩ aduhaannu niiga, ẽtẽrꞌtha ꞌgii ꞌcĩ aaĩ ꞌthinneetinii cugguung.

Maatteeo 15:16

Ẽdẽcĩ Yeesu anneek, “Aitiõõ eet umwaa hõrggẽẽnaa cunuung ꞌcĩ aga thõõth caannĩ ho tõõ?

Maarko 7:14

Ma baa ũtũvva Yeesu lothippit hikia hĩ ĩnõõnnõ tarĩ, ikia ĩĩnnĩk nẽẽ ĩhõõggõ, “Ĩthĩktaangu niig vẽlẽk nganĩĩt nẽ agaac jurrung,

Maarko 7:16

Nẽ má aꞌnyak ẽẽtĩ umwaa ĩĩn ꞌcĩg athĩknẽẽnĩ, aꞌnyĩĩk hĩthĩhõ.”

Dtiicanĩ cĩg ꞌThooyyiahu 10:28

Ma ho ĩĩnnĩk ĩhõõggõ, “Agayyu niig vẽlẽk abũrĩ nyattalĩ cĩnaang ngaatĩ arũmẽẽnĩ eeta cĩg ꞌJudeei ũgẽẽgĩ hĩ eet ꞌcĩg hõllõngaa ĩĩn ꞌJudeei, hode nẽẽ eheronoothĩk ĩhõõggõ haaga. Nẽẽthĩ, ẽtẽrẽthaa nganĩĩt Nyekuci hiittiõõ hõllõngaa occa haini tẽlla eet umwaanĩ nẽ ĩĩ umwa ꞌriiring.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

1 Korinthia 10:25

Adahit ꞌgii vẽlẽk ꞌcĩ ũũtĩ ꞌcuuhaa cĩ idiingo, hĩllõõan ngaatĩ aꞌnyaku muhẽẽnĩt ꞌcĩ aĩ, aku baa idingi ciee ĩĩna.

Tiito 1:15

Tẽlla thõõth vẽlẽk hĩ eet ꞌcĩg tẽllĩg ꞌthinneeti. Nẽẽthĩ, eetinii ꞌcĩg ẽꞌngẽjĩ ooti nẽ ũtũbũrĩt thõõth cĩ Nyekuci, aitiõõ thõõth ꞌcĩ abũnnaa tõõ, hĩnĩngĩtĩ ẽꞌthẽcattĩ ĩhõõggõ ooti hĩ muhẽẽnĩt cĩnĩĩng vẽlẽk.

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.