Maarko 6:38 - ꞌBuuk cĩ Thõõth cĩ Nyekuci

³⁸ Ẽdẽcĩ Yeesu ĩhõõggõ anneek, “Aꞌnyaku niig ũbũnẽẽt thõng? Õõt da ĩcĩnĩt!” Ma baa õõ acĩn nẽẽg ũbũnẽẽt hĩ ulugo tĩko ho, iita uduktaak nẽẽg Yeesu ĩĩttĩk, “Aattĩg ũbũnẽẽta ꞌtur hĩ ulugo ꞌramma diooni.”

Maarko 6:38 ပူးပေါင်းရင်းမြစ်များ

Maatteeo 15:34

Ẽdẽcĩ Yeesu ĩhõõggõ tarĩ anneek, “Aꞌnyaku niig ũbũnẽẽt thõng?” Ẽdẽcĩ nẽẽg aĩ, “Haꞌnyaka ũbũnẽẽt tũkĩramma hĩ ulugo ũgĩ cĩg kidicig haaga.”

Maarko 6:37

Anneek hinnia Yeesu ĩhõõggõ, “Aanytĩk eet ꞌgẽẽn niiga.” Ẽdẽcĩ ꞌthooyyiaha anneek, “Adiimmeet nii ngagĩĩt hoottia hutuuyyiawa ꞌgẽẽn ꞌcĩ ũũppan ꞌdinaarꞌnya ꞌmiiaꞌnya ꞌramma, hátĩ haanytĩha eet hadahit?”

Maarko 6:39

Ma ho, uduhaak Yeesu ĩhõõggõ huduktaak eet haauto loota arteettaa ꞌcĩ cũlahĩ lothippiꞌnyaannĩ cũũmõ cũũmõ.

Maarko 8:5

Nẽ ijin Yeesu ĩhõõggõ ĩĩnnĩk, “Aꞌnyaku niig ũbũnẽẽt thõng?” Ẽdẽcĩ nẽẽg Yeesu anneek, “Haꞌnyaka ũbũnẽẽt tũkĩramma.”

ꞌLuuka 9:13

Ẽdẽcĩ hinnia Yeesu anneek, “Aanytĩk niig ĩhõõggõ ꞌgiimwa hadahit.” Ẽdẽcĩ nẽẽg Yeesu anneek, “Haꞌnyaka naag ũbũnẽẽt ꞌtur hĩ ulugo ꞌramma haaga, occa thĩ mĩĩ nõõ hõõ hũũtanna ꞌgẽẽn cĩ eet iccig vẽlẽk.”

Yõaannẽ 6:9

“Aaĩ nyahaappanĩ umwaa ngaati ꞌcĩ aꞌnyak ũbũnẽẽt ꞌtur hĩ ulugo ꞌramma, ũũppan occa hatĩ ꞌgẽẽn ciee eet niccig vẽlẽk?”