Maarko 6:34 - ꞌBuuk cĩ Thõõth cĩ Nyekuci

³⁴ Ma baa uduhuna Yeesu haahũla battaala, acĩn hinnia lothippit cobbi gẽrrẽẽt nẽ atamaatĩk ĩhõõggõ, hĩnĩngĩtĩ baa aattĩg nẽẽg hĩ aꞌtha ꞌcĩg aitiõõ tũhayyioohiti tõõ. Nĩngĩtĩ iꞌthianaanĩ nẽẽ allimanĩ ĩhõõggõ thooꞌthiok ꞌcĩg mẽẽlĩg.

Maarko 6:34 ပူးပေါင်းရင်းမြစ်များ

Maatteeo 14:14

Ma baa uduhuna Yeesu haahũla battaalaa, ikia ĩcĩn nẽẽ lothippit cĩ eetu nẽ atamaatĩk ĩhõõggõ, nĩngĩtĩ aaꞌnyĩkĩ eet ꞌcĩg õmmõõrĩ hũbũttaathõ.

Maatteeo 15:32

Baa avva Yeesu nuyyiook cĩgĩnnĩg hiita hĩ ĩnõõnnõ nẽ uduhaak ĩĩnnĩk, “Ammaannĩkaa eeta cieeg nganĩĩt gẽrrẽẽt, baa hũrũmteea hĩ ĩhõõggõ waathinniook iyyio nẽ hiꞌthihi ꞌgẽẽn ꞌcĩ adak buúk. Nẽ ꞌyioko, hõllõngaa hadiimi hĩꞌthooihi ĩhõõggõ ꞌgõõl uraa, occa hinnia hatĩ ẽttẽẽd looc ꞌgõõla.”

Maatteeo 9:36

Ma baa acĩn nẽẽ lothippiꞌnya ho, ikia atamaatĩk ĩhõõggõ, hĩnĩngĩtĩ baa atalmaanyanni nẽẽg nẽ ippiirria gẽrrẽẽt haauto hĩ aꞌtha ꞌcĩg aitiõõ tũhayyioohiti tõõ.

Maarko 6:33

Baa mẽẽlĩg eeta ꞌcĩg acĩn ĩhõõggõ ngaatĩ ĩꞌngaannĩ õõĩ nẽ baa aga eeta niccieeg nĩngĩtĩ õõĩ nẽẽg ko. Ma ho, ukulit eeta cĩg ꞌtaaũnnioohu ho vẽlẽk, utuattĩ ĩꞌthõng hõõt hõdõlanit nĩngĩtĩ õõĩ nẽẽg ko ĩĩcĩ oou.

Maarko 6:35

Ma baa okoloothĩk kõrra cĩ ꞌjiaatĩn niccia, iita uduktaak nuyyiooha Yeesu ĩĩttĩk, “Ĩĩ ꞌjiaatĩn lõõcĩ nẽ ĩĩn nĩngĩtĩ ciee ngadik gẽrrẽẽt,

Maarko 8:1

Kõr umwa, ikia lothippiti cobbi umwaa tarĩ nẽ kõr tĩho, ũmmũdeek iittiõõ ꞌgẽẽn ꞌcĩ occa adak nẽẽg tõõ. Nĩngĩtĩ avvĩyyĩ Yeesu nuyyiook cĩgĩnnĩg nẽ ĩĩnnĩk,

Maarko 8:2

“Hammaannihi naa eet niccig gẽrrẽẽt, hĩnĩngĩtĩ hũrũmteea hĩ ĩhõõggõ waathinniook iyyio nẽ aitiõõ ꞌgẽẽn ꞌcĩ occa adak tõõ.

ꞌLuuka 9:11

Au hinnia aga eeta thõõth icci, nĩngĩtĩ anũĩ ĩnõõnnõ. Nẽ atal Yeesu ĩhõõggõ ngaatĩ auuni nẽ illimaneek ĩhõõggõ thõõth cĩ habuccieet cĩ Nyekuci nẽ aaꞌnyĩk ꞌcĩg õmmõõrĩ hũbũttaathõ.

Ebereei 2:17

Nẽẽthĩ hoti ho, baa ikia aau nẽẽ hĩ ꞌgotoonoggia hĩ ngõõnõgĩ ꞌgoolliohĩ vẽlẽk, hátĩ hikia hĩĩ nẽẽ tamaattiohit nẽ ũꞌthũũtĩ thõõth hĩ paadĩrĩ cobbi dtiicaa cĩ Nyekuci, hátĩ hĩbbõõr ꞌgaarrieenit ꞌcĩ ũũnnõthõõthĩkĩ ꞌthẽccanẽẽta cĩg eetuk.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!